RSP നേതാവ് ഷിബു ബേബി ജോൺ എഴുതുന്നു.

കഴിഞ്ഞ 14 വർഷമായി കഴിവതും സ്ഥിരമായി ഞാൻ ആയുർവേദ ചികിൽസയ്ക്ക് വരുന്ന സ്ഥലമാണ് തൃശൂരിലെ മജ്ലീസ് ആയുർവേദ പാർക്ക്. വർഷങ്ങളായി വരുന്നതിനാൽ ഇവിടത്തെ എല്ലാ ജീവനക്കാരുമായി നല്ല സൗഹൃദമാണ് ഉള്ളത്.
ഇന്നലെ രാവിലെ ലൈറ്റ് എക്സർസൈസിൻ്റെ ഭാഗമായി നടക്കാനിറങ്ങിയപ്പോൾ ഒരു പുതിയ ജീവനക്കാരൻ ഇവിടത്തെ പൂന്തോട്ടത്തിൽ പണിയെടുക്കുന്നത് കണ്ടു. അദ്ദേഹത്തിൻ്റെ അടുത്തേക്ക് പോയി പരിചയപ്പെട്ടു. അത് ആരാണെന്നറിഞ്ഞ അമ്പരപ്പിൽ നിന്നും ഞാൻ ഇപ്പോഴും മോചിതനായിട്ടില്ല.

May be an image of 2 people, people standing, outdoors and treeഅദ്ദേഹത്തിൻ്റെ പേര് പ്രേം ദാസ്. 2017 ൽ ഗാനഗന്ധർവൻ ഡോ. കെ.ജെ യേശുദാസിന് ദേശീയ പുരസ്കാരം നേടിക്കൊടുത്ത പി.ടി കുഞ്ഞുമുഹമ്മദിൻ്റെ ‘വിശ്വാസപൂർവം മൻസൂർ’ എന്ന ചിത്രത്തിലെ ‘പോയ്മറഞ്ഞ കാലം’ എന്ന് തുടങ്ങുന്ന ഗാനത്തിൻ്റെ രചയിതാവാണ് പ്രേംദാസ്. മനസ്സിൽ ഒരുപാട് സ്വപ്നങ്ങളുണ്ടെങ്കിലും ജീവിത പ്രാരാബ്ദങ്ങൾ മൂലം ഇവിടെ തോട്ടക്കാരനായി ജോലി ചെയ്യേണ്ടി വരുന്ന ആ ജീവിതം ശരിക്കും കരളലിയിക്കുന്നതാണ്.

ഒരു ദേശീയ അവാർഡിന് കാരണമായ ഗാനം രചിച്ച പ്രതിഭാധനനായ വ്യക്തിയ്ക്ക് പോലും ഈ അവസ്ഥ ഉണ്ടാകുന്നുവെന്നത് സത്യത്തിൽ വേദനയുണ്ടാക്കുന്ന കാര്യമാണ്. ജീവനുള്ള ആ വരികൾക്ക് ജന്മം നൽകിയ കൈകളിൽ തൂലികയ്ക്ക് പകരം ഇന്ന് കത്രികയേന്തേണ്ടി വരുന്നത് നമ്മുടെ കൂടി പരാജയമാണ്. സാഹിത്യകാരും കലാകാരന്മാരുമൊക്കെ സമൂഹത്തിൻ്റെ സമ്പത്താണ്. അതാത് മേഖലയിൽ നിന്നും അവർ കൊഴിഞ്ഞുപോയാൽ ആ നഷ്ടം നമ്മുടേതാണെന്ന് നാം തിരിച്ചറിയണം.

മാന്യമായൊരു തൊഴിൽ ചെയ്താണ് ജീവിക്കുന്നതെന്ന് പ്രേമിന് അഭിമാനിക്കാം. എന്നാൽ നമ്മൾ മലയാളികൾക്ക് നഷ്ടപ്പെട്ടത് എത്രയോ മികച്ച ഗാനങ്ങളായിരിക്കും. പ്രതിഭയുടെ നിറവുള്ള ആ വിരലുകൾ വീണ്ടും പേനയേന്തുന്ന നാളുകൾക്കായി കാത്തിരിക്കുന്നു.

song – Poyi Maranja Kalam (Poi Maranja Kaalam)

Music Video Music Director – Ramesh Narayan

Lyrics – Premdas Guruvayoor

Singer – K.J.Yesudas

K. J. Yesudas won the National Film Award for the Best Singer (male) for this song.

**

You May Also Like

മഞ്ചേരി ദേവകി സിനിമാക്സിൽ നിന്ന് സകുടുംബം അപമാനം ഏറ്റുവാങ്ങേണ്ടിവന്ന അനുഭവത്തെ കുറിച്ച് എഴുത്തുകാരൻ അബ്ദുള്ളക്കുട്ടി എടവണ്ണ

എഴുത്തുകാരൻ അബ്ദുള്ളക്കുട്ടി എടവണ്ണഎഴുതുന്നു.. ഇന്നലെ മഞ്ചേരി ദേവകി സിനിമാക്സിൽ നിന്ന് സകുടുംബം അപമാനം ഏറ്റുവാങ്ങേണ്ടിവന്ന ഒരനുഭവമുണ്ടായി.കുടുംബത്തോടൊപ്പം…

‘എന്റെ ആടുജീവിതം ഒരനുഭവക്കുറിപ്പ്’, (മറ്റൊരു ആടുജീവിതത്തിന്റെ അനുഭവക്കുറിപ്പ്)

എന്റെ ആടുജീവിതം ഒരനുഭവക്കുറിപ്പ് .???? ✍️ ഒ.എം. സവാദ് തങ്ങൾ, മണ്ണാർക്കാട് നീണ്ട 8 വർഷത്തെ…

സിംഹളനായ ഗുണസാരെയെ അർദ്ധരാത്രിയിൽ വഴിമധ്യേ ചോദ്യം ചെയ്ത തമിഴ് പുലികളുടെ പ്രേതങ്ങൾ

യുദ്ധഭൂവിലെ ആത്മമൊഴികൾ Sunny A Rajan 2019 ഒക്ടോബറിലെ അർദ്ധരാവ്. ശ്രീലങ്കയിലെ ജാഫ്നാ കടപ്പുറത്തെ വിജനമായ…

മേലുദ്യോഗസ്ഥയാൽ മാനസിക പീഡനം നേരിട്ട് ഒടുവിൽ ജോലി തന്നെ ഉപേക്ഷിക്കേണ്ടി വന്നൊരു യുവതിയുടെ കുറിപ്പാണിത്

മേലുദ്യോഗസ്ഥയാൽ മാനസിക പീഡനം നേരിട്ട് ഒടുവിൽ ജോലി തന്നെ ഉപേക്ഷിക്കേണ്ടി വന്നൊരു യുവതിയുടെ കുറിപ്പാണിത്. ജോലി…