വാക്‌സിൻ കുത്തിവെച്ചാൽ സംഭവിക്കുന്നതെന്ത് ? അറിയാം കൂടുതൽ വിവരങ്ങൾ

105

Sajan Trust

കൊവാക്‌സിൻ പരീക്ഷണങ്ങൾ ഇങ്ങനെ; വാക്‌സിൻ കുത്തിവെച്ചാൽ സംഭവിക്കുന്നതെന്ത്? അറിയാം കൂടുതൽ വിവരങ്ങൾ

രാജ്യത്ത് കൊവിഡ്-19 കേസുകൾ വർധിക്കുകയാണ്. അതിവേഗത്തിലാണ് രോഗബാധിതരുടെ എണ്ണം വർധിക്കുന്നത്. അമേരിക്ക, ബ്രസീൽ, ഇന്ത്യ എന്നീ രാജ്യങ്ങളിലാണ് കൊവിഡ് കേസുകൾ ഉയർന്ന തോതിലുള്ളത്. നിലവിലെ സാഹചര്യം തുടർന്നാൽ ഇന്ത്യ ബ്രസീലിനെ മറികടക്കും. കേന്ദ്ര ആരോഗ്യ മന്ത്രാലയം ഇന്ന് പുറത്തിറക്കിയ കണക്കുകൾ പ്രകാരം രാജ്യത്തെ രോഗബാധിതരുടെ എണ്ണം 36,91,167 ആയി ഉയര്‍ന്നു. 65,288 പേർക്ക് ഇതുവരെ ജീവൻ നഷ്‌ടമാകുകയും ചെയ്‌തു. കൊവിഡ് വ്യാപനത്തെ തടയാൻ വാക്‌സിൻ വിജയകരമായി പുറത്തിറക്കുകയല്ലാതെ മറ്റ് മാർഗമില്ല. ലോകാരോഗ്യ സംഘടനയും ഈ അഭിപ്രായം പങ്ക് വെക്കുന്നുണ്ട്. അതിനിടെ ഇന്ത്യ തദ്ദേശീയമായി വികസിപ്പിച്ചെടുത്ത വാക്‌സിനായ കൊവാക്‌സിൻ പരീക്ഷണം അടുത്ത ഘട്ടത്തിലേക്ക് കടന്നു.

കൊവാക്‌സിൻ കൊവിഡിനെ തടയുമോ?

ഇന്ത്യ മാത്രമല്ല ലോകത്തെ വിവിധ രാജ്യങ്ങൾ കൊവാക്‌സിനെ പ്രതീക്ഷയോടെയാണ് കാണുന്നത്. ഐ‌സി‌എം‌ആർ (ഇന്ത്യൻ കൗൺസിൽ ഓഫ് മെഡിക്കൽ റിസർച്ച്), പൂനെയിലെ എൻ‌ഐ‌വി (നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി) എന്നിവയുമായി സഹകരിച്ച് ഭാരത് ബയോടെക് ഇന്റർനാഷണൽ ലിമിറ്റഡാണ് (ബി‌ബി‌എൽ) കൊവാക്‌സിൻ വികസിപ്പിച്ചെടുത്തത്. ജൂലൈ ആദ്യം ക്ലിനിക്കൽ പരീക്ഷണങ്ങൾ ആരംഭിച്ച കൊവാക്‌സിൻ്റെ പരീക്ഷണങ്ങൾ ഇന്ത്യയിലുടനീളം നടക്കുന്നുണ്ട്. ആരോഗ്യ പ്രവർത്തകരടക്കമുള്ള വിഭാഗങ്ങളിലാണ് ആദ്യഘട്ടത്തിൽ വാക്‌സിൻ നൽകുന്നത്.

കൊവാക്‌സിൻ മികച്ച ഫലം നൽകുമെന്ന് ഗവേഷകർ

കൊവാക്‌സിൻ മികച്ച ഫലം നൽകുമെന്നാണ് ഗവേഷകർ വ്യക്തമാക്കുന്നത്. ഹരിയാനയിലെ റോഹ്തക്കിലെ ഒരു ഗവേഷ സ്ഥാപനത്തിൽ നടത്തിയ കൊവാക്‌സിൻ ട്രയലുകൾ മികച്ച ഫലം കാണിക്കുന്നുണ്ടെന്നാണ് ഗവേഷകർ വ്യക്തമാക്കുന്നത്. വാക്‌സിൻ വികസനത്തിലെ നിർണായക ഘട്ടത്തിൽ ലഭിക്കുന്ന ഇത്തരം സൂചനകൾ ആത്മവിശ്വാസം ശക്തമാക്കും. റോഹ്തക്കിലെ പണ്ഡിറ്റ് ഭഗവത് ദയാൽ ശർമ്മ പോസ്റ്റ് ഗ്രാജുവേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ (പി‌ജി‌എം‌എസ്) ജൂലൈ 17ന് കൊവാക്‌സിൽ ആദ്യഘട്ട പരീക്ഷണം ആരംഭിച്ചിരുന്നു. മികച്ച ഫലമാണ് ഇവിടെ നിന്നും ലഭ്യമാകുന്നതെന്ന് വിവിധ ഏജൻസികൾ വ്യക്തമാക്കിയതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നുണ്ട്. ആറ് സന്നദ്ധ പ്രവർത്തകരിൽ വാക്‌സിൻ പരീക്ഷിച്ചതായും മികച്ച ഫലം ലഭിക്കുന്നുണ്ടെന്നും പരിക്ഷണങ്ങൾക്ക് നേതൃത്വം നൽകുന്ന ഡോ. സവിത വർമ പറഞ്ഞു.

കൊവാക്‌സിൻ പരീക്ഷണങ്ങളെക്കുറിച്ച് ഗവേഷകർ
കൊവാക്‌സിൻ്റെ ഒന്നാം ഘട്ട ട്രയലുകൾ പൂർത്തിയായെന്ന് റിപ്പോർട്ടിൽ പറയുന്നു.

രാജ്യത്തുടനീളം 50 പേർക്ക് വാക്‌സിൻ നൽകാൻ കഴിഞ്ഞു. മികച്ച ഫലമാണ് കാണാൻ കഴിഞ്ഞത്. കഴിഞ്ഞ ശനിയാഴ്‌ച ആറ് പേർക്ക് കൂടി വാക്‌സിൻ നൽകിയെന്നും ഔദ്യോഗിക കുറിപ്പിൽ ഇവർ വ്യക്തമാക്കുന്നു.

പരീക്ഷണത്തിൻ്റെ ഘട്ടങ്ങളും രീതികളും

വാക്‌സിൻ പരീക്ഷണങ്ങൾക്കായി 3500ലധികം പേർ അപേക്ഷ നൽകിയെങ്കിലും ആദ്യ ഘട്ടത്തിൽ 30-40 പേരെ മാത്രം പങ്കെടുപ്പിച്ചാണ് പരീക്ഷണം നടന്നത്. നിലവിലെ ഘട്ടത്തിൽ രാജ്യത്തിൻ്റെ വിവിധ ഭാഗങ്ങളിൽ നിന്നുള്ള 375 പേർ ഉൾപ്പെടുന്നുണ്ട്. ആദ്യ ഘട്ടം പൂർത്തിയാകാൻ ഒരു മാസത്തെ സമയമെടുക്കും. രണ്ടാം ഘട്ടത്തിൽ 700-750 പേരെ പരീക്ഷണങ്ങൾക്കായി റിക്രൂട്ട് ചെയ്യും. ആദ്യ ഘട്ടത്തിൽ പങ്കെടുക്കുന്നവർക്ക് രണൃ പ്രാവശ്യം ഡോസ് നൽകും. ഇതിനിടെ മറ്റ് ടെസ്‌റ്റുകളും തുടരും. രണ്ടാഴ്ചത്തെ ഇടവേളയ്ക്ക് ശേഷം ആദ്യ ഘട്ടത്തിലുള്ളവർക്ക് രണ്ടുതവണ വാക്‌സിൻ നൽകും. ആദ്യഘട്ടത്തിലെ ഫലങ്ങളും വാക്‌സിൻ നൽകിയ രീതികളും ശേഖരിച്ച് വെക്കുകയും ചെയ്യും. ഇതനുസരിച്ചാകും തുടർ നടപടികൾ സ്വീകരിക്കുക.

ആദ്യ ഘട്ടത്തിൽ രണ്ട് പ്രാവശ്യം ഡോസ് നൽകും

വാക്‌സിൻ്റെ ആദ്യഘട്ടത്തിൽ പങ്കെടുക്കുന്നവർക്ക് രണ്ട് പ്രാവശ്യം ഡോസ് നൽകും. സന്നദ്ധ പ്രവർത്തകരിലാണ് വാക്‌സിൻ നൽകുക. ഇതിനിടെ ഇവരുടെ ആരോഗ്യ വിവരങ്ങൾ പരിശോധിക്കും. തുടർന്ന് രണ്ടാഴ്‌ചത്തെ ഇടവേളയ്‌ക്ക് ശേഷം അടത്ത ഘട്ടത്ത്തിലെ വാക്‌സിൻ നൽകും. ഇതോടെ രോഗിയുടെ ആരോഗ്യനിലയിൽ മാറ്റമുണ്ടാകാനുള്ള സാധ്യതയും ഇരട്ടിയാകുമെന്ന് ഗവേഷകർ പറയുന്നു. മോഡേണ ഇൻ‌കോർ‌ട്ട്, കാൻ‌സിനോ ബയോളജിക്സ്, ഓക്‌സ്‌ഫർഡ് സർവകലാശാലയും വാക്‌സിൻ പരീക്ഷണങ്ങളുമായി രംഗത്തുണ്ട്. 2020ൽ വാക്‌സിൻ പുറത്തിറക്കാനുള്ള നീക്കത്തിലാണ് ഇവർ. കൊവാക്‌സിനുപുറമെ, അഹമ്മദാബാദ് ആസ്ഥാനമായുള്ള സിഡസ് കാഡിലയും കൊവിഡ് -19 പ്രോട്ടോടൈപ്പായ സൈക്കോവ്-ഡി എന്ന നോവലിന്റെ ക്ലിനിക്കൽ പരീക്ഷണങ്ങൾ ആരംഭിച്ചു. 2021 മാർച്ചോടെ ആവശ്യമായ അംഗീകാരങ്ങൾ ലഭിക്കുമെന്ന പ്രതീക്ഷയിലാണ് കമ്പനി.