Connect with us

COVID 19

കോവിഡിനെ തുടച്ചു നീക്കുകയെന്നത് ഒരിക്കലും നടക്കാത്ത സുന്ദരമായ സ്വപ്നമോ ?

ഭൂമുഖത്തെ സർവ്വ രാജ്യങ്ങളും കോവിഡ് എന്ന മഹാമാരിയെ തുരത്താനായി സർവ്വ സന്നാഹങ്ങളും ഒരുക്കി പയറ്റുന്ന സമയമാണിത്. “സീറോ കോവിഡ്” എന്ന ചൂണ്ടയിൽ

 62 total views

Published

on

Saju Joseph

കോവിഡിന്റെ നിയന്ത്രണ സാധ്യതയും ചരിത്ര പശ്ചാത്തലവും

കോവിഡിനെ തുടച്ചു നീക്കുകയെന്നത് ഒരിക്കലും നടക്കാനിടയില്ലാത്ത സുന്ദരമായ സ്വപ്നമോ???

ഭൂമുഖത്തെ സർവ്വ രാജ്യങ്ങളും കോവിഡ് എന്ന മഹാമാരിയെ തുരത്താനായി സർവ്വ സന്നാഹങ്ങളും ഒരുക്കി പയറ്റുന്ന സമയമാണിത്. “സീറോ കോവിഡ്” എന്ന ചൂണ്ടയിൽ കുരുക്കി ലോകത്തിൽ എല്ലായിടത്തും ലോക്ക് ഡൌണും, അതുമൂലം ജനങ്ങൾ അനുഭവിച്ചു വന്നിരുന്ന സാമ്പത്തിക, സാമൂഹിക സ്വാതന്ത്ര്യവും അധികാരികൾ ഹനിച്ചുകൊണ്ടിരിക്കുകയാണ്.

ന്യൂസിലാലൻഡ്, ഓസ്ട്രേലിയ, ചൈന എണീ രാജ്യങ്ങൾ ഒരവസരത്തിൽ കോവിഡിനെ തുടച്ചു നീക്കിയതായി പ്രഖ്യാപിച്ചിരുന്നു. അതിനായി ചൈന തോക്കിൻ മുനയിൽ വരെ ജനങ്ങളെ വീടിനുള്ളിൽ പൂട്ടിയിട്ടു. അസുഖം വന്നവരെ ഒരിക്കലും പരീക്ഷിക്കാത്ത മരുന്നുകൾ നിർബന്ധിച്ചു കഴിപ്പിച്ചു. 40 ദിവസത്തെ ക്വാറന്റൈൻ നിർബന്ധമാക്കി.

2020 മാർച്ചിൽ ന്യൂസിലാൻഡ് ഏർപ്പെടുത്തിയ അതി കഠിനമായ നിയന്ത്രണങ്ങളിൽ അന്തർദേശീയ വിമാന യാത്രകൾ വിലക്കി. എല്ലാ കച്ചവട സ്ഥാപനങ്ങളും അടപ്പിക്കയും ജനങ്ങൾ വീടിന് പുറത്തിറങ്ങുന്നത് വിലക്കുകയും ചെയ്തു. അയൽവാസികളോട് വരെ സംസാരിക്കരുതെന്ന് നിർദ്ദേശിച്ചു.
രണ്ടു മാസത്തിനുള്ളിൽ അവ ഫലം കണ്ടു. ന്യൂസിലാൻഡ് “സീറോ കോവിഡ് ” എന്ന ലക്ഷ്യം സാക്ഷാൽക്കരിച്ചു. ലോക്ക്ഡൌൺ അവർ പിൻവലിച്ചു. അന്തർദേശീയ വിമാന യാത്രകളും, വീടുകളിൽ കയറി വാറന്റില്ലാതെ നടത്തിയിരുന്ന പരിശോധനകളും മാത്രം തുടർന്നു.

സമാനമായ കഠിന നിയന്ത്രണങ്ങൾ വഴി ഓസ്ട്രേലിയയും ചൈനയും കോവിഡ് നിയന്ത്രണ വിധേയമാക്കി. ചൈനയുടെ ഏകാധിപത്യപരമായ നിയന്ത്രണങ്ങൾ പല രാജ്യങ്ങളും പകർത്തി.ഇതിനിടയിൽ മൂന്നു രാജ്യങ്ങൾ ലോക്ക്ഡൗണിൽനിന്ന് വിമുക്തി നേടി ആഘോഷിച്ചു. എന്നാൽ ഇതിനൊക്കെ അന്ത്യം കുറിച്ചുകൊണ്ട് കോവിഡ് തന്റെ തേരുമായി വീണ്ടും അവിടെയെത്തി. ഓസ്ട്രേലിയയിലെ സിഡ്നിയിൽ വീണ്ടും ലോക്കഡൗൺ നിയമം നടപ്പാക്കാൻ പട്ടാളം റോന്തു ചുറ്റി. അയൽവാസികോളോട് വരെ സംസാരിക്കുന്നത് നിയമവിരുദ്ധമാക്കി. ബ്രിട്ടീഷ് പ്രൈം മിനിസ്റ്റർ ഈ മഹാമാരിക്കൊപ്പം ജീവിക്കാൻ പഠിക്കണമെന്ന് പ്രസ്താവിച്ചു.എന്നാൽ ന്യൂസിലാൻഡ് ” തങ്ങൾ ഇതുപോലുള്ള നിർദ്ദേശങ്ങൾക്കെതിരാണെന്ന്” അസന്നിഗ്ദമായി പ്രഖ്യാപിച്ചു.

Advertisement

ചരിത്രത്തിന്റെ ഏടുകൾ തിരഞ്ഞാൽ ഇന്നുവരെ ലോകം അഭിമുഖീകരിച്ചിട്ടുള്ള മഹാമാരികൾ ഒരു മാതൃക ആക്കുകയാണെങ്കിൽ എത്ര കർശനമായ നിയന്ത്രണ രീതികൾ അവലംബിച്ചാലും ഒരു മഹാമാരി പൂർണ്ണമായും തുടച്ചു നീക്കാൻ കഴിഞ്ഞിട്ടില്ല എന്ന് മനസ്സിലാക്കാവുന്നതാണ്. അതിനാൽ ലോക്കഡൗൺ വഴി കോവിഡും പൂർണ്ണമായും നിർമ്മാർജ്ജനം ചെയ്യാൻ സാധിക്കില്ല എന്ന് പറയേണ്ടിവരും. ചുരുക്കി പറഞ്ഞാൽ ലോകത്തെ ബാധിച്ച മഹാമാരികളിൽ ഒരെണ്ണം മാത്രമേ നമുക്ക് പൂർണ്ണമായും ഉന്മൂലനം ചെയ്യാൻ സാധിച്ചിട്ടുള്ളൂ. അതാണ് സ്മാൾ പോക്സ്.പതിനാലാം നൂറ്റാണ്ടിൽ അനേക കോടി ജനങ്ങളുടെ മരണത്തിനിടയാക്കിയ പ്ലേഗ് ഇപ്പോഴും റിപ്പോർട്ട്‌ ചെയ്യപ്പെടുന്നുണ്ട്.

എന്നാൽ സ്മാൾ പോക്സ് നിർമ്മാർജ്ജനം ചെയ്ത രീതിൽ കോവിഡും ഇല്ലാതാക്കാൻ പറ്റില്ലേ എന്ന ചോദ്യത്തിന് “ഇല്ല ” എന്നാനുത്തരം. കാരണങ്ങൾ പലതാണ്. ഒന്നാമതായി സ്മാൾ പോക്സ് മനുഷ്യരിലൂടെ മാത്രമേ പകർന്നിരുന്നുള്ളൂ. എന്നാൽ കോവിഡിന് മൃഗങ്ങളിലും സാന്നിദ്ധ്യം കണ്ടെത്തിയിട്ടുണ്ട്. അവയിലൂടെ മനുഷ്യരിലേക്കും പകരാം എന്ന സാധ്യത പലരും പങ്കുവച്ചിട്ടുണ്ട്. കോവിഡ് സീറോ ലെവലിൽ എത്തിക്കാൻ
ലോകത്തെ എല്ലാ മൃഗങ്ങളെയും കൊന്നൊടുക്കുക എന്നത് പ്രയോഗികമല്ലല്ലോ. അടുത്തതായി രോഗം നിയന്ത്രിക്കാൻ സ്മാൾ പോക്സ് വാക്‌സിൻ വളരെ ഫലപ്രദവും, രോഗം മൂർച്ഛിച്ചവർക്കുവരെ ഇതിന്റെ പ്രയോജനം കിട്ടിയിരുന്നു എന്നതുമാണ്. ഈ വാക്‌സിന്റെ പ്രതിരോധശേഷി അഞ്ചു മുതൽ പത്തു വർഷം വരെ നീണ്ടുനിൽക്കുന്നതുമായിരുന്നു. എന്നാൽ കോവിഡ് വാക്‌സിൻ രോഗം നിയന്ത്രിക്കുന്നതും , പരത്തുന്നതും പൂർണ്ണമായി നിയന്ത്രിക്കുന്നില്ല. അതിന്റെ ഫലപ്രാപ്തി ആദ്യ വർഷത്തിൽ തന്നെ കുറഞ്ഞു വരുന്നതായും കണ്ടെത്തിയിട്ടുണ്ട്.

മാത്രമല്ല സ്മാൾ പോക്സ് നിർമ്മാർജ്ജനം ചെയ്യുന്നതിന് ലോകത്തെ എല്ലാ രാജ്യങ്ങളുടേയും കലവറയില്ലാത്ത സഹകരണവും, ദശകങ്ങളുടെ അദ്ധ്വാനവും വേണ്ടി വന്നു.
കോവിഡ് നിർമ്മാർജ്ജനം ചെയ്യാൻ ലോകത്തിൽ എല്ലായിടത്തും ഒരേപോലെ ഒരേ സമയം ലോക്ക്ഡൗൺ ഏർപ്പെടുത്തുക എന്നത്

ഇന്നത്തെ സാഹചര്യത്തിൽ അത് ഒട്ടും പ്രായോഗികമല്ല. ഈ ലോക്ക്ഡൗൺ മൂലം ദരിദ്രരാജ്യങ്ങളിൽ ഉണ്ടാക്കിയേക്കാവുന്ന സാമ്പത്തികവും, ആരോഗ്യപരവുമായ പ്രശ്നങ്ങൾ സീമാതീതമായിരിക്കും. ഏതെങ്കിലും ഒരു രാജ്യത്തെ ഏതെങ്കിലും ഒരു മൂല ലോക്ക്ഡൗൺ ഏർപ്പെടുത്തുവാൻ വിമുഖത കാട്ടിയാൽ, അഥവാ മൃഗങ്ങളിൽ നിന്ന് ഇവ മനുഷ്യരിലേക്ക് പകരുമെങ്കിൽ “സീറോ കോവിഡ് “എന്ന സ്വപ്നം വെറും സ്വപ്നമായി തന്നെ അവശേഷിക്കും.

ലോക്ക്ഡൗണിന് വേണ്ടിവരുന്ന മാനവശേഷിയും, വിഭവശേഷിയും ഭീമമായതിനാൽ അവ ഏർപ്പെടുത്തുന്നതിനുമുമ്പ് തന്നെ അതിനു വരുന്ന ചിലവുകൾ നീതീകരിക്കാൻ ലോക രാഷ്ട്രങ്ങൾക്ക് കഴിയണം. അതിനായി ജനങ്ങൾ ആരോഗ്യമേഖലയിലെ ഒഴിച്ചുള്ള പല ഉൽപ്പന്നങ്ങളും സേവനങ്ങളും ത്യജിക്കേണ്ടിയും വന്നേക്കാം. കൂടാതെ കോവിഡേതര ചികത്സകൾക്ക് ഒരിക്കലും മുൻഗണന കിട്ടാത്ത അവസ്ഥയും സംജാതമാകും. ഈ മഹാമാരി ലോക്കഡൗൺ മൂലം നിർമ്മാർജ്ജനം ചെയ്യാൻ ശ്രമിക്കുമ്പോഴുണ്ടാകുന്ന ദൂഷ്യഫലങ്ങൾ പൂർണ്ണമായും വിലയിരുത്താൻ ലോകരാഷ്ട്രങ്ങൾക്ക് കഴിയാത്തിടത്തോളം കാലം ലോക്കഡൗൺ വഴി ഇതിനെ നിർമ്മാർജ്ജനം ചെയ്യാനുള്ള ഒരു ശ്രമവും ഫലവത്താകില്ല.

ഈ വൈറസിനെ നേരിടാനുള്ള ഏറ്റവും പ്രയോഗികമായ മാർഗ്ഗം ഇതിനൊപ്പം ജീവിക്കാൻ പഠിക്കുക എന്നതാണ്. കൃത്യതയാർന്ന ഒരു സമീപനമാണ് നമുക്ക് ശരിക്കും ആവശ്യം. വൃദ്ധരും, രോഗികളും, ദുർബ്ബലരുമായവരാണ് കോവിഡിന്റെ പ്രഹരശേഷി കൂടുതലെന്ന് സുവിദിതമായ കാര്യമാണ്. ലോക്ക്ഡൗണിനേക്കാൾ മുകളിൽ പറഞ്ഞ വിഭാഗങ്ങൾക്ക് എത്രയും വേഗം വാക്‌സിൻ എത്തിക്കാനുള്ള നടപടിക്ക് വേഗം കൂട്ടുകയാണ് ലോക്ക്ഡൗണിനേക്കാൾ അഭിഗാമ്യം. പരാജയപ്പെടുന്ന ലോക്ക്ഡൗണിനല്ല, ജീവൻ രക്ഷിക്കാനുള്ള മാർഗ്ഗങ്ങൾക്കാണ് മുൻഗണന കൊടുക്കേണ്ടത്..

ഒഴിവാക്കാമായിരുന്ന ഒട്ടനേകം വിനാശങ്ങൾക്ക് നടുവിലാണ് നമ്മൾ ജീവിക്കുന്നതെങ്കിലും വിവേകപൂർവ്വം അവയൊന്നും വേണ്ടെന്നു വെക്കാതെതന്നെ,അതിനിടയിൽതന്നെ നാം ജീവിക്കുന്നു. വണ്ടി അപകടത്തിൽ ഒട്ടനവധി ജീവൻ വർഷം തോറും പൊലിയുന്നുണ്ടെങ്കിലും നമ്മൾ വണ്ടികൾ നിരോധിക്കുന്നില്ല. പുഴയിലും, കുളത്തിലും, കടലിലും, സ്വിമ്മിംഗ് പൂളിലുമുള്ള കുളിയും നീന്തലും നിരോധിച്ചാൽ മുങ്ങിമരണങ്ങൾ
നിയന്ത്രിക്കാൻ പറ്റും. ഷോക്ക് അടിച്ചുള്ള മരണങ്ങൾക്ക് കറന്റ്‌ നിരോധിച്ചാൽ മതി.
ഇതറിഞ്ഞുകൊണ്ടും നമ്മൾ ഇതിനിടയിൽ ജീവിക്കുന്നത്, ഈ ആപത്തുകൾ ഇഷ്ടപ്പെടുന്നതുകൊണ്ടല്ല. മറിച്ച് ഇതുമൂലം ഉണ്ടാകുന്ന നഷ്ടങ്ങൾ അതിന്റെ നേട്ടവുമായി തട്ടിച്ചു നോക്കുമ്പോൾ നിഷ്പ്രഭമാകുന്നു എന്നതിനാലാണ് . ഈ കാഴ്ചപ്പാട് കോവിഡിന്റെ കാര്യത്തിലും പ്രസക്തമാണ്.

Advertisement

അവലംബം : വാൾ സ്ട്രീറ്റ് ജേർണ്ണൽ
Dr. Battacharya, professor of medicines at Stanford University.
Donald .J. Boudreaux is a professor of economics at Geroge Mason University

 63 total views,  1 views today

Advertisement
Entertainment12 hours ago

തൊഴിലില്ലായ്മയെന്ന സാമൂഹിക യാഥാർഥ്യത്തിന്റെ കയ്‌പേറിയ അനുഭവങ്ങളാണ് ‘നീളെ നീളെ’

Entertainment2 days ago

ഇതരൻ, ചൂഷിതരുടെയും പാർശ്വവത്കരിക്കപ്പെട്ടവരുടെയും പ്രതിനിധി

Entertainment2 days ago

നിയന്ത്രണ രേഖയ്ക്കുള്ളിൽ കരഞ്ഞു ജീവിക്കുന്ന സ്ത്രീകളെ ഈ സിനിമ ചേർത്തുപിടിക്കുന്നു

Education3 days ago

കുമിൾ പറയുന്നതും അതുതന്നെ, ‘ജീവിതത്തിൽ റീടേക്കുകൾ ഇല്ല’ !

Entertainment4 days ago

സുബൈറും സാബിറയും ‘വീണ്ടും’ ഒരുമിക്കുകയാണ്, അവരോടൊപ്പം പെരുന്നാൾ കൂടാൻ നിങ്ങളും വരണം

Entertainment4 days ago

അനന്തുവിന്റെയും ആരതിയുടെയും പ്രണയം ‘എഴുതാത്ത കവിത’പോലെ മനോഹരം

Entertainment6 days ago

മദ്യത്തിന്റെ കണ്ണിലൂടെ കഥപറയുന്ന ‘സീസറിന്റെ കുമ്പസാരം’

Uncategorized7 days ago

“അതേടാ ഞാൻ നായാടി തന്നെ” യെന്ന് പറങ്ങോടൻ ആർജ്ജവത്തോടെ വിളിച്ചു പറയുന്നു

Entertainment1 week ago

റീചാർജ്, ഒരു ഷോർട്ട് ചുറ്റിക്കളി ഫിലിം, അഥവാ അവിഹിതം വിഹിതമായ കഥ

Entertainment1 week ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment2 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Entertainment2 weeks ago

‘വോയിസീ’ പറയുന്നു ‘സാങ്കേതികവിദ്യ ഉപകാരിയായ സേവകനാണ്, പക്ഷേ അപകടകാരിയായ യജമാനനാണ്’

Entertainment2 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment1 month ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment2 months ago

നാടിന്റെ റേപ്പ് കൾച്ചറും ലോകത്തിന്റെ വംശീയതയും അഥവാ, ‘കല്പന’യും ‘ബ്ളാക്ക് മാർക്കും’

Entertainment1 month ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment4 weeks ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment1 month ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment1 month ago

രമേശിന്റെ ചെവിയിലെ ആ ‘കിണർ ശബ്‌ദം’ പലർക്കുമുള്ള ഒരു ‘അസ്വസ്ഥ’ സന്ദേശമാണ് !

Entertainment1 week ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment2 months ago

ചുറ്റിക കൊണ്ട് ചിലരുടെ മണ്ടയ്ക്ക് പ്രഹരിക്കുന്ന സിനിമ

Entertainment1 month ago

വ്യക്തമായ രാഷ്ട്രീയം പറയുന്ന ജാതിക്ക… അല്ല ജാതി ക്യാ (?)

Entertainment3 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment2 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Advertisement