വഷളൻ ചീര ഒരു വഷളനേ അല്ല 

0
156

Saju Raveendran

വഷളൻ ചീര ഒരു വഷളനേ അല്ല 

പാചകം ചെയ്യുമ്പോൾ അഴകൊഴച്ചൻ രീതിയിയിൽ ചട്ടിയിൽ പറഞ്ഞാൽ കേൾക്കാതെ കിടക്കുന്നതു കൊണ്ടല്ല വഷളൻ ചീര എന്ന പേര് വന്നത്. ബസള്ള സ്പിനാച്ചിനെ മലയാളികരിച്ചപ്പോൾ ബസള്ള വഷളൻ ആയതാണ്. അന്തസുള്ള സ്വന്തം പേരിനുപകരം ഇരട്ടപേരിൽ അറിയപെടുന്നവർ ഉണ്ടല്ലോ അതേ അവസ്ഥ.നമ്മൾ വഷളൻ എന്ന് വിളിക്കുന്നവനെ അമേരിക്ക അടക്കം പലരാജ്യങ്ങളിലും വിളിക്കുന്ന പേര് “മലബാർ സ്പിനാച്ച്” എന്നാണ്. ലോകത്ത് മലയാള വാക്കിൽ അറിയപ്പെടുന്ന മറ്റൊരു ചെടി ഉണ്ടോ എന്ന് അറിയില്ല. നമുക്ക് വഷളനെ കളഞ്ഞ് മലബാറാക്കി മലബാർ ചീര എന്ന് വിളിക്കാം. അത് മാത്രമല്ല മലബാർ ചീരയുടെ ഉൽഭവവും തെക്കേ ഇന്ത്യയിലാണ്. തണ്ടിന് പച്ച നിറവും വയലറ്റ് നിറമുള്ളതുമായ രണ്ടിനങ്ങളാണ് സാധാരണ കണ്ടുവരുന്നത്. വയലറ്റ് തണ്ടുള്ളതിനെയാണ് നമ്മുക്ക് ചുറ്റും കാണുന്നത്.
ശാസ്ത്രീയ നാമം: Basella Rubra
ഇംഗ്ലീഷ് പേര്: Malabar Spinach, Basella
രുചി പിടിപ്പിക്കും.

മലബാർ ചീരക്ക് അതിന്റേതായ പ്രത്യേക രുചിയൊന്നുമില്ല. പാകം ചെയ്താൽ, അത് ഭക്ഷണത്തിലെ മറ്റ് ചേരുവകളുമായി നന്നായി കലരുന്നു, സവാളക്ക് സമം, ഇറച്ചിയിലും മീനിലും വെജിറ്റേറിയനിലും സവാള രുചി പിടിപ്പിക്കുന്നതു പോലെ. കൂടാതെ ഭക്ഷണത്തിന് ജെൽ പോലുള്ള സ്ഥിരത നൽകുകയും ചെയ്യും. ചീര കൊണ്ട് ഉണ്ടാക്കുന്ന എല്ലാ കറികളും മലബാർ ചീരയിലും പാകം ചെയ്യാം. പരിപ്പ് കറിയും താള് കറിക്കും പറ്റിയത്. സാമ്പാറിലും ഉപയോഗിക്കാം. ഉണക്ക മീനിലും ചെമ്മീനിലും കണവയിലും ചേർത്ത് കറിവെയ്ക്കാം രുചിയും പൊലിമയും കൂടും.ബജിക്ക് പറ്റിയ ഇലകൂടെയാണ്. മലബാർ ചീരയിലെ കായിലെ കളർ പഴച്ചാറുകളിലും പേസ്ട്രികളിലും മധുരപലഹാരങ്ങളിലും ഭക്ഷണ നിറമായി ഉപയോഗിക്കുന്നു.

Malabar Spinach Plants for Sale | Free Shippingബഹു ജീവകം ഈ മലബാർ ചീര.

മൾട്ടി വിറ്റാമിൻ ഒരു വൻ വ്യവസായമാണ്. രാജ്യത്തെ പോഷക ദാരിദ്ര്യമാണ് വിറ്റാമിൻ വ്യവസായത്തിൻ്റെ സമ്പത്തും ശക്തിയും.അവശ്യ പോഷകങ്ങൾക്കു വേണ്ടിയുള്ള ഒരു കൃത്രിമ മാർഗമാണിത്. സിന്തറ്റിക് പോഷകങ്ങൾ ഉപയോഗിച്ചാണ് മൾട്ടി വിറ്റാമിൻ സപ്ലിമെൻ്റുകൾ ഉല്പാദിപ്പിക്കുന്നത്. ഇത് സ്വാഭാവികമായവയെപ്പോലെ ഫലപ്രദമല്ല. കൂടാതെ ദീർഘകാലം ഉപയോഗിക്കുമ്പോൾ കരൾ തകരാറ്, വീക്കം, ഓക്കാനം, വയറുവേദന തുടങ്ങിയ പാർശ്വഫലങ്ങൾ ഉണ്ടാകാം.

മലബാർ ചീരയിലെ പോഷക മൂല്യം വിപണിയിലെ മൾട്ടിവിറ്റാമിനുകളോട് കിടപിടിക്കുന്നതാണ്. USA ലെ DEPARTMENT OF AGRICULTURE ൻ്റെ ഡാറ്റാബെയിസിൽ നിന്നുമുള്ള കണക്കാണ് താഴെ കൊടുത്തിരിക്കുന്നത്.
100 ഗ്രാം മലബാർ ചീരയിലെ പോഷക മൂല്യം
ഊർജ്ജം ____19 കലോറി
കാർബോഹൈഡ്രേറ്റ്സ്____3.4 ഗ്രാം
കൊഴുപ്പ്____0.3 ഗ്രാം
പ്രോട്ടീൻ____1.8 ഗ്രാം
വിറ്റാമിൻ അളവ്
വിറ്റാമിൻ എ __.400 μg
തയാമിൻ (ബി 1) ____0.05 മില്ലിഗ്രാം
റിബോഫ്ലേവിൻ (ബി 2) ____0.155 മില്ലിഗ്രാം
നിയാസിൻ (ബി 3) ____0.5 മില്ലിഗ്രാം
വിറ്റാമിൻ ബി 6 ____0.24 മില്ലിഗ്രാം
ഫോളേറ്റ് (B9) ____140 μg
വിറ്റാമിൻ സി 1____102 മില്ലിഗ്രാം
ധാതുക്കളുടെ അളവ്
കാൽസ്യം ____109 മില്ലിഗ്രാം
ഇരുമ്പ് ____1.2 മില്ലിഗ്രാം
മഗ്നീഷ്യം ____65 മില്ലിഗ്രാം
മാംഗനീസ് ____0.735 മില്ലിഗ്രാം
ഫോസ്ഫറസ് ____52 മില്ലിഗ്രാം
പൊട്ടാസ്യം ____510 മില്ലിഗ്രാം
സിങ്ക് ____0.43 മില്ലിഗ്രാം

മറ്റ് ഇലക്കറികൾക്ക് ഉള്ളപോലെ മലബാർ ചീരയിലും ഓക്സാലിക് ആസിഡ് അടങ്ങിയിട്ടുണ്ട്, മൂത്രനാളിയിലെ ഓക്സലേറ്റ് കല്ലുകൾ ഉള്ളവർ ചീരകൾ ഒഴിവാക്കുന്നതാണ് നല്ലത്.നട്ടുവളർത്താം,മുറ്റത്തൊരു പോഷക, അലങ്കാര ചെടി.മണ്ണിൽ ഈർപ്പവും അന്തരീക്ഷത്തിൽ ചൂടുമാണ് മലബാർ ചീരയുടെ ഇഷ്ട കാലാവസ്ഥ.തണലിൽ വളരാൻ കഴിയില്ല.

നല്ല അസിഡിറ്റി ഉള്ള മണ്ണിലും വളരാൻ കഴിയും. അതിവേഗത്തിൽ 9 മീറ്റർ വരെ വളരുന്ന വള്ളി ചെടിയാണ്. ഹൈഡ്രോപോണിക്സിനും അക്വാപോണിക്സ്സിനും അനുയോജ്യമാണ്, സൂര്യ പ്രകാശം ഉണ്ടെങ്കിൽ വീടിനകത്തും വളർത്താം. വിത്ത് അല്ലങ്കിൽ 8-12 ഇഞ്ച് തണ്ട് വെട്ടിയെടുത്തും തൈകളുണ്ടാക്കാം വിത്തുകൾ ഒരു ഇഞ്ച് ആഴത്തിൽ നേരിട്ട് വിതക്കാം ഒരാഴ്ചക്കുള്ളിൽ മുളക്കും. അഴുക്കുവെള്ളം വീഴ്ത്തുന്ന മതിലിനോടെ ചേർന്ന സ്ഥലമുണ്ടെങ്കിൽ അവിടെ നടുന്നതാണ് നല്ലത്.മുളച്ച് കഴിഞ്ഞ് ഏകദേശം 50 ദിവസം കഴിഞ്ഞ് വിളവ് എടുക്കാം. പൂക്കൾ ബൈസെക്ഷ്വൽ ആണ്, വിത്ത് എളുപ്പത്തിൽ ഉണ്ടാകും. മലബാർ ചീര ഒരു വാർഷിക വിളയാണ്. വേനൽ കാലത്ത് വാടികരിയും .മൂട്ടിൽ വിത്ത് ഉണ്ടെങ്കിൽ മഴ കാലത്ത് കിളിർക്കും. വിത്തെടുത്ത് സൂക്ഷിക്കുന്നതാണ് ഉചിതം. മലബാർ ചീര കീടങ്ങളെ പ്രതിരോധിക്കും കീടനാശിനികൾ വേണ്ടേ വേണ്ട.