നടൻ ഷാരൂഖ് ഖാൻ തന്നെ വിളിച്ചപ്പോൾ തിയേറ്ററിലുണ്ടായ അക്രമ സംഭവത്തിൽ നടപടിയെടുക്കുമെന്ന് ഉറപ്പ് നൽകിയതായി അസം മുഖ്യമന്ത്രി ഹിമന്ത ബിശ്വ ശർമ്മ.ഷാരൂഖ് ഖാനും ദീപിക പദുക്കോണും ഒന്നിക്കുന്ന ഹിന്ദി ചിത്രമാണ് പത്താൻ. 25ന് റിലീസ് ചെയ്യാനിരിക്കുന്ന ചിത്രം അടുത്തിടെ വിവാദത്തിൽ പെട്ടിരുന്നു. സിനിമയിൽ നടി ദീപിക പദുക്കോൺ കാവി വസ്ത്രം ധരിച്ച് അശ്ലീല നൃത്തം ചെയ്യുന്നതായി ഹിന്ദുത്വ സംഘടനകൾ പ്രതിഷേധിച്ചു. അസം മുഖ്യമന്ത്രി ഹിമന്ത ബിശ്വ ശർമ്മ ഒരു ട്വിറ്റർ പോസ്റ്റിൽ ഹിന്ദി നടൻ ഷാരൂഖ് ഖാനുമായി സംസാരിച്ചതിനെക്കുറിച്ച് കുറിച്ചു . അതിൽ, “ബോളിവുഡ് നടൻ ശ്രീ ഷാരൂഖ് ഖാൻ ഇന്ന് പുലർച്ചെ 2 മണിക്ക് എന്നെ വിളിച്ച് സംസാരിച്ചു. തന്റെ സിനിമ റിലീസ് ചെയ്യുന്ന ഗുവാഹത്തി തിയേറ്ററിലുണ്ടായ സംഭവത്തിൽ ആശങ്ക രേഖപ്പെടുത്തി. ക്രമസമാധാനപാലനം സംസ്ഥാന സർക്കാരിന്റെ കടമയാണ്. അന്വേഷണം നടത്തി നടപടിയെടുക്കുമെന്നും ഇത്തരം അനിഷ്ട സംഭവങ്ങൾ ഉണ്ടാകില്ലെന്ന് ഉറപ്പാക്കുമെന്നും ഞാൻ അദ്ദേഹത്തിന് ഉറപ്പ് നൽകി. എന്ന് സൂചിപ്പിച്ചു.
Bollywood actor Shri @iamsrk called me and we talked today morning at 2 am. He expressed concern about an incident in Guwahati during screening of his film. I assured him that it’s duty of state govt to maintain law & order. We’ll enquire and ensure no such untoward incidents.
— Himanta Biswa Sarma (@himantabiswa) January 22, 2023
ഷാരൂഖ് ഖാന്റെ ചിത്രം പത്താൻ അസമിൽ പ്രദർശിപ്പിച്ചതിൽ പ്രതിഷേധിച്ച് ബജ്‌റംഗ്ദൾ പാർട്ടി പ്രവർത്തകർ ഇന്നലെ അക്രമം അഴിച്ചുവിട്ടിരുന്നു. പത്താൻ എന്ന സിനിമ പ്രദർശിപ്പിച്ചിരുന്ന തീയറ്ററിൽ കയറി പോസ്റ്ററുകൾ വലിച്ചുകീറുകയും തീയിടുകയും ചെയ്തു.സംഭവത്തെക്കുറിച്ച് ശനിയാഴ്ച പത്രസമ്മേളനത്തിൽ മാധ്യമപ്രവർത്തകർ അസം മുഖ്യമന്ത്രി ഹിമന്ത ബിശ്വ ശർമ്മയെ ചോദ്യം ചെയ്തു. ഇതിന് മറുപടിയായി ഷാരൂഖ് ഖാൻ ആരാണെന്ന് തനിക്കറിയില്ലെന്നാണ് അസം മുഖ്യമന്ത്രി ശർമ തുറന്നടിച്ചത്. ഈ വിഷയത്തെക്കുറിച്ച് സംസാരിക്കാൻ ബോളിവുഡിലെ ഒട്ടുമിക്ക താരങ്ങളും എന്നെ ബന്ധപ്പെട്ടു. ഷാരൂഖ് ഖാൻ എന്നെ വിളിച്ചിട്ടില്ല. ക്രമസമാധാന ലംഘനമുണ്ടായാൽ ബന്ധപ്പെട്ടവർക്കെതിരെ നടപടിയെടുക്കും,” ഹിമന്ത ബിശ്വ ശർമ്മ പറഞ്ഞു. അതിനു ശേഷമായിരുന്നു ഷാരൂഖിന്റെ കാൾ.
