ശ്ശൊ കഷ്ടമായി കൃപാസനം കൊറോണ കാരണം അടച്ചുപൂട്ടിയത്രേ, കൊറോണയെ ചെറുക്കാൻ ആകെയൊരു പ്രതീക്ഷയായിരുന്നു

141
Shaheem Sha Shaheem Sha

ഇത് ശരിയാണെങ്കിൽ സർക്കാർ വലിയ അനീതിയാണ് ചെയ്തിതിരിക്കുന്നത്. നിപ്പ, കൊറോണ, പക്ഷിപ്പനി, സാദാപനി, കൈ ഉള്ക്ക്, കാൽ ഉളുക്ക്, അപസ്മാരം അങ്ങിനെ സർവ്വവിധ മാരണങ്ങൾക്കുമുള്ള അതിപ്രധാന പ്രതിവിധിയായിരുന്ന ഒന്നിനെ ഈ പ്രത്യേക സമയത്ത് തന്നെ നിർത്തലാക്കിയത് തികഞ്ഞ അനീതിയാണ്. മരുന്ന് മാഫിയയുമായുള്ള സർക്കാരിന്റെ അവിഹിതബന്ധത്തിന്റെ പരിണിത ഫലം മാത്രമാണിതെന്ന് ഞാൻ ആരോപിക്കുകയാണ് സുഹൃത്തുക്കളേ.

എവിടെ എന്റെ മോഹനേട്ടൻ.. മോഹനൻ വൈദ്യർ. മരുന്ന് മാഫിയക്ക് കുടപിടിക്കുന്ന മാധ്യമങ്ങളും സർക്കാരും യുക്തിവാദികളും മോഹനൻ സാറിനെ ആക്രമിക്കാൻ തുടങ്ങിയപ്പം.. കർണ്ണാടകയിലെ മന്ത്രിപ്പുങ്കുവന്മാർ മുതൽ വെള്ളയണിഞ്ഞ മുതലാളിമാർ വരെ നേരിട്ടെത്തി തലപ്പാവണിയിച്ചാണ് അദ്ദേഹത്തെ അങ്ങോട്ട് കൊണ്ടുപോയിരിക്കുന്നത്. കൊറോണക്കെതിരെ.ആ വയറസിനെതിരെ ശക്തമായ സമരം നടത്തിയ ലോകത്തിലെ ഏക വർഗ്ഗത്തിൽ പെട്ടവരാണവർ. ‘കൊറോണ ഗോ ബാക്ക് ‘ എന്ന അവർ വിളിച്ച മുദ്രാവാക്യങ്ങൾ വയറസിന്റെ കാതിൽ ഇപ്പോഴും മുഴങ്ങുകയും അവയെ ഭീതിയിലാഴ്ത്തുകയും ചെയ്തിരിക്കുന്നു. അവരുടെ ഇടയിലാണ് മോഹനൻ സാർ. ചാണകത്തിൽ നിന്നും പ്ലൂട്ടോണിയം വേർതിരിച്ച ശേഷം മോഹനേട്ടന്റെ ഒരു തിരിച്ചുവരവുണ്ട്… അന്ന് ലോകം സാറിനെ തിരിച്ചറിയുന്ന ദിവസമായിരിക്കും.

ശേഷം വടക്കാഞ്ചേരിയും മോഹനൻ സാറും നോബേൽ സമ്മാനം പങ്കിട്ടെടുക്കും. വേദിക്ക് അലങ്കാരമായി സുരേഷ് ഗോപി അണ്ണനും സെൻകുമാർ സാറും മുരളി ആശാനും ഗുരുവായൂർ കേശവനെപ്പോലെ വിരിഞ്ഞു വിടർന്നു നിലകൊള്ളും. കൃപാസനം പത്രം നാടാകെ വിമാനത്തിൽ പറന്ന് വിതരണം ചെയ്യും. കണ്ണിൽ എള്ളെണ്ണ ഒഴിച്ച് അന്ത കാലത്തിനായുള്ള കാത്തിരിപ്പിലാണ് ഞാൻ. തൽകാലം ഇത്ര മാത്രം. മുഖ്യമന്ത്രി രാജിവെക്കുക.