മുസ്ലീങ്ങളെ കൊല്ലാൻ കലാപാഹ്വാനം നടത്തിയ സ്ത്രീയുടെ ഭർത്താവിന്റെ കൂടെ ഗൾഫിൽ ജോലി ചെയ്തിരുന്ന യുവാവിന്റെ കുറിപ്പ്

2468

“ഹിന്ദു രാഷ്ട്രമായ ഇന്ത്യയിൽ വന്ന് ഞങ്ങളോട് പോരിനു വരാൻ ഇവറ്റകൾക്ക് എന്ത് അർഹതയുണ്ട്? ” എന്നൊക്കെ പറഞ്ഞാണ് ശ്രീകുമാരി സുകുമാരൻ എന്ന സന്ഘിനി കൊലവിളി നടത്തിയത്. മുസ്ലിംസും ക്രിസ്ത്യൻസും എല്ലാം ഇന്ത്യയിൽ വലിഞ്ഞുകേറി വന്നവരാണ് എന്നാണു അവർ ഉദേശിച്ചത്‌? എങ്കിൽ നിങ്ങളുടെ കെട്ടിയവൻ കുറേനാളായി ഒരു മുസ്ലിം രാജ്യത്തല്ലേ ജോലി ചെയ്യുന്നത്? മുസ്ലിം രാജ്യത്ത് പോയി അവിടുന്ന് പണം സമ്പാദിക്കുന്നതിനും ആ പണം കൊണ്ട് തിറ്റയും കുടിയും നടത്തി വയറു നിറയ്ക്കുന്നതിനും യാതൊരു കുഴപ്പവും ഇല്ല, സ്വയം നാണം തോന്നുന്നില്ലേ സ്ത്രീയേ നിങ്ങള്ക്ക് ? ആദ്യമേ നിങ്ങളുടെ കെട്ടിയോനോട് അവിടുന്ന് ജോലി കളഞ്ഞിട്ടു വരാൻ പറ, അത്ര സംഘ സ്നേഹിയാണെങ്കിൽ. ഉപജീവനത്തിനായി വരുന്ന എല്ലാരേയും സ്വീകരിക്കുന്ന മുസ്ലിം രാജ്യത്തെ ഉപ്പും ചോറും തിന്നിട്ടു തിരിച്ചു തെണ്ടിത്തരം കാണിക്കാൻ നിങ്ങള്ക്ക് നാണമില്ലേ. ക്രിസ്ത്യനും മുസ്ലിമും എല്ലാം വലിഞ്ഞുകേറി വന്നവരാണ് എങ്കിൽ ഒരു കാര്യം നിങ്ങളോട് ഞാൻ പറയാം, ആര്യൻന്മാർ ദ്രാവിഡരുടെ നാടായ ഇന്ത്യയിൽ വന്നു കേറിയവർ ആണെന്ന്, വിവരമില്ലെങ്കിൽ നിങ്ങൾ മനസ്സിലാക്കിക്കോ.

ശ്രീകുമാരി സുകുമാരന്റെ ഭർത്താവിന്റെ കൂടെ ജോലി ചെയ്ത ഒരു വ്യക്തിയുടെ കുറിപ്പ്

Shameer Shahudeen 

കലാപാഹ്വാനം നടത്തിയ Sreekumari Sukumaran സോദരി നിങ്ങള്ക്ക് വേണ്ടിയാണ് ഈ പോസ്റ്റ്‌ എന്തെന്നാൽ നിങ്ങളുടെ ഒരു കമന്റ്‌ വായിക്കാൻ ഇടയായി അത് വായിച്ചപ്പോൾ നിങ്ങളോട് ദേഷ്യമോ വെറുപ്പോ അല്ല തോന്നിയെ മറിച്ചു സഹതാപം . ഞങ്ങൾ പ്രഭാകരേട്ടൻ എന്ന് വിളിക്കുന്ന നിങ്ങളുടെ ഭർത്താവും ഞങ്ങൾ കുറച്ച് മുസ്ലിങ്ങളും ഒരുമിച്ച് ജോലി ചെയ്തവരാ. സദ്യ കഴിക്കുന്ന ഫോട്ടോസ് കണ്ടോ. 2015 ഓണത്തിന് ഞങ്ങൾ ഒരുമിച്ച് ആഹാരം കഴിച്ചതാ, ഒരു മഹാബലിയുടെ വേഷം കെട്ടിയ ഫോട്ടോ കണ്ടോ ഫാറൂഖ് എന്നാ അവന്റെ പേര് മുസ്ലിമാണ് പിന്നെ ഷോപ്പ് ഉൽഘാടനം ചെയ്യുന്ന അറബിയെ കണ്ടോ നിങ്ങളുടെ ഭർത്താവ് ആണ് അടുത്ത് നിൽക്കുന്നത്.

ഇവിടെ ഞങ്ങൾ ഇങ്ങനാണ് ജാതിയും മതവും ഞങ്ങളുടെ മനസ്സിലാണ് അതിനപ്പുറം മനുഷ്യരാണ് എന്ന തിരിച്ചറിവ്. അപ്പോൾ നിങ്ങളുടെ ഭർത്താവ് സത്യത്തിൽ ഇത്രയും വിഷം മനസ്സിൽ വെച്ച് ഞങ്ങളുടെ മുന്നിൽ അഭിനയിച്ചതാണോ ? അതോ അദ്ദേഹം നിങ്ങളുടെ ഈ വർഗ്ഗീയ മനസ്സിനെ എതിർക്കുന്നുണ്ടോ? വർഷങ്ങളോളം ഈ അറബ് നാട്ടിൽ ജോലി ചെയ്തു കിട്ടിയതിന്റെ വരുമാനത്തിലാ നിങ്ങൾ തിന്നതും കുടിച്ചതും ഉടുത്തതും. സമയം കിട്ടുമ്പോൾ ചോദിക്കണം, ആരാണ് മുസ്ലിം എന്താണ് മുസ്ലിം എന്നൊക്കെ. ഈ ഫോട്ടോയിൽ കാണുന്ന യാസീനെ നിങ്ങൾക്കറിയാമല്ലോ അല്ലെ ? നിങ്ങടെ വീട്ടിൽ വന്ന് നിങ്ങൾ കൊടുത്ത ചായയും കേക്കും കഴിച്ച വ്യക്തി . ഇത്രയും വിഷം അന്നുമുണ്ടായിരുന്നോ… ഷാജിക്കായെ അറിയില്ലേ?

ഞങ്ങൾക്ക് വലുത് ഞങ്ങളുടെ ഇന്ത്യ തന്നെയാണ്. അന്നം തരുന്ന ഈ അറബ് നാട് ഇന്ത്യ എന്ന ഞങ്ങളുടെ രാജ്യത്തെ ആക്രമിക്കാൻ വന്നാൽ ഇന്ത്യയോടൊപ്പം നിന്ന് ഈ അറബ് നാടിനെതിരെ പോരാടണം എന്ന് പഠിപ്പിക്കുന്ന മതമാണ് ഇസ്ലാം. എന്തൊക്കെയോ എഴുതണമെന്നുണ്ട്, പക്ഷെ എന്തെഴുതിയിട്ടു എന്ത് കാര്യം മാറേണ്ടത് നിങ്ങളല്ലേ മാറുമെന്ന് കരുതുന്നു .