സിനിമാ വ്യവസായം തകർച്ചയിലാണോ? ചില സത്യങ്ങളുമായി സംവിധായകൻ ഷാമോൻ ബി പറേലിൽ

സിനിമാ വ്യവസായം തകർച്ചയിലാണ് ,അതിനു കാരണം പല പ്ലാറ്റ് ഫോമുകളുടെ കടന്നു കയറ്റവും ടിക്കറ്റിന്റെ വിലവർദ്ധനയും ആണെന്ന് വിധിയെഴുതി ആശ്വസിക്കുന്നവർ മനസ്സിലാക്കേണ്ടിയിരിക്കുന്ന ചില വസ്തുതകൾ ഉണ്ട്. പണ്ട് കേരളത്തിൽ സ്ഥിരമായി സിനിമ കണ്ടു കൊണ്ടിരുന്ന ഒരു കൂട്ടം ആളുകളുണ്ടായിരുന്നു. അവർ ഇന്ന് തീയേറ്ററിലേക്കു വരാത്തതിന്റെ കാരണം എന്താണെന്നും അതിന്റെ വ്യക്തമായ വിശകലനവും സൂക്ഷ്മമായി നോക്കാം. കെങ്കേമം എന്ന ചിത്രത്തിൻ്റെ സംവിധായകൻ ഷാമോൻ ബി പാറേലിൽ പറയുന്നത് ശ്രദ്ധിക്കു.

shamon b parelil
shamon b parelil

ഇന്നത്തെ കേരളത്തിന്റെ ജനസംഖ്യ മൂന്നര കോടിയാണെന്നു കണക്കുകൾ പറയുന്നൂ .അതിൽ 20 ശതമാനം പേർ കേരളത്തിന്റെ പുറത്താണ്. അങ്ങനെ വരുമ്പോൾ ഏകദേശം 2 കോടി എൺപതു ലക്ഷമാണ് കേരളത്തിൽ ഉള്ളവർ. അതിൽ അഞ്ചു ശതമാനം പേരാണ് സിനിമാ പ്രേമികൾ. അവർ തീയേറ്ററിലേക്കു വരുന്നത് തന്നെ സോഷ്യൽ മീഡിയയുടെയും ആര്ടിസ്റ്റിന്റെയും മറ്റും റീവ്യൂ അടിസ്ഥാനപ്പെടുത്തിയാണ്. അതായത് സിനിമയെ ഇഷ്ട്ടപെടുന്ന 5 ശതമാനം എന്ന് പറയുന്ന കേരളത്തിലെ പതിമൂന്നര ലക്ഷം പേർ തീയേറ്ററിൽ വരുമ്പോൾ ഉള്ള കാര്യം ആണ്. ഒരു ടിക്കെട്ടിന്‌ 160 രൂപാ കണക്കെടുത്താൽ ഏകദേശം 20 കോടിയോളം ഗ്രോസ്, അത് രണ്ടാഴ്ചക്കുള്ളിൽ ഉണ്ടാകണം. അങ്ങനെ ഉണ്ടാകണം എങ്കിൽ എല്ലാവരും ഒരേ സ്വരത്തിൽ പറയണം പടം കിടുവാണന്ന്. അങ്ങിനെ വരുന്ന സിനിമക്ക് റിപ്പീറ്റ് ഓഡിയൻസ് ഉണ്ടാകും. അടുത്ത കാലങ്ങളിൽ അങ്ങിനെ വന്ന സിനിമയെന്ന് അവകാശപ്പെടാവുന്ന മൂന്നു സിനിമയെ ഉള്ളൂ അത് കെ ജി ഫ് , ഭീഷ്മ , വിക്രം .ഇതല്ലാതെ റിപ്പീറ്റ് ഓർഡിൻസ് ഉണ്ടായ ചിത്രങ്ങൾ ഇല്ലെന്നു തന്നെ പറയാം. ഈ സിനിമകൾ മുപ്പതു കോടിക്ക് മുകളിൽ ഗ്രോസ് ഉണ്ടാകും. ഗ്രോസിന്റെ യാഥാർഥ്യം ഞാൻ മുൻപ് പറഞ്ഞിരുന്നൂ. അതെന്റെ പേജിൽ നോക്കിയാൽ കാണാം. ഇത് കേരളത്തിലെ തിയേറ്ററിന്റെ മാത്രം അവസ്ഥയല്ല.ഷാമോൻ പറയുന്നു.

സിനിമാ പ്രേക്ഷകർക്ക് ഇന്ന് സോഷ്യൽ മീഡിയ റീൽസ് ആയും ,മറ്റു പ്ലാറ്റ് ഫോമുകളായും നിരവധി ടൈം പാസുകൾ ഉണ്ട്. അതിനാൽ ഓരോ വർഷവും തീയേറ്ററിലേക്കുള്ള പ്രേക്ഷകരുടെ ശതമാനം കുറയുന്നുണ്ട്. എന്നാൽ അവരെ ഇൻസ്പയർ ചെയ്യാൻ സാധിക്കുന്ന സിനിമാറ്റിക്ക് എൻഗേജ്മെന്റ്സ് ഉള്ള സിനിമകൾ വന്നാൽ കൊഴിഞ്ഞു പോയ പ്രേക്ഷകരുടെ പ്രേസേൻ്റേജ് കുറച്ചു കൂട്ടി കൊണ്ടുവരാൻ സാധിക്കും.ഷാമോൻ പറയുന്നു.

പിന്നെ, സിനിമക്കുണ്ടാകുന്ന ചിലവുകൾ. ഒരു മാസ് പടം ഉണ്ടാക്കുവാൻ ചുരുങ്ങിയത് 18 മുതൽ ഇരുപത്തി രണ്ടു കോടി വരെചിലവാകുന്നുണ്ട് .അതിൽ ശമ്പളം മാത്രം ഏകദേശം പകുതിക്കടുത്തു വരുന്നുണ്ട് .അത് കുറക്കണം എന്ന ന്യായം ശരിവെക്കുന്നതിലുള്ള വസ്തുത പറയാം. 20 കോടിയോളം വരുന്ന സിനിമകളുടെ തീയേറ്റർ ഷെയർ 20 കോടിയാണെങ്കിൽ ,പ്രൊഡ്യൂസർക്കു കയ്യിൽ തിരിച്ചു കിട്ടുന്നത് 8 കോടിയാണ്. മറ്റിനത്തിൽ 12 കൊടിയും . മുതൽ മാക്സിമം 25 ഉം രണ്ടു വർഷത്തെ പലിശയും ചേർത്ത് ലാഭമായി കയ്യിൽ വരണമെങ്കിൽ പടം സൂപ്പർ ഹിറ്റാകണം .കാലാവസ്ഥാ/സാമൂഹീക പ്രശ്നങ്ങൾ ഉണ്ടാകുവാനും പാടില്ല. ഇന്നത്തെ അവസ്ഥയിൽ ആ ഭാഗ്യം എത്ര സിനിമക്ക് ഉണ്ടാകും.ഷാമോൻ പറയുന്നു.

മറ്റു ഭാഷകളിലെ പോലെ ശമ്പളത്തിന്റെ ഒരു ഭാഗം മാത്രം അഡ്വാൻസ്, ബാക്കി ലാഭവിഹിതം എന്ന് കണക്കാക്കാനുള്ള സാഹചര്യം സൃഷ്ടിച്ചാൽ തീർച്ചയായും പ്രേക്ഷകന് വേണ്ട സിനിമകൾ മാത്രം ഉണ്ടാക്കാനുള്ള ചിന്ത വളരും. പ്രേക്ഷകരുടെ ശതമാനത്തിൽ വളർച്ചയുണ്ടാകുകയും ചെയ്യും.അടുത്ത വിഷയം പുതിയ പ്ലാറ്റ്ഫോമുകളുടെ കടന്നു വരവ്. ഒരു കാലത്തു സാറ്റലൈറ്റ് ചാനലുകളുടെ കടന്നു വരവാണ് സിനിമയെ പ്രതിസന്ധിയിലാക്കിയത് എന്ന രീതിയിലുള്ള ചർച്ചകൾ , 2003 മുതൽ 2016 വരെ സ്ഥിരമായി നടന്നിരുന്നു. അന്നത്തെ പ്രൊഡ്യൂസർമാരോട് ചോദിച്ചാൽ പറയും അന്ന് അവരെ രക്ഷിച്ചത് പല സാറ്റലൈറ്റ് ചാനലുകളും ആയിരുന്നൂ എന്ന് . ഇന്ന് അതോടൊപ്പം ഇന്റർനെറ്റ് വന്നിരിക്കുന്നു. ഒപ്പം വലിയ പടങ്ങൾ മാത്രം കളിച്ചിരുന്ന ജി സി സി പോലുള്ള രാജ്യങ്ങളിൽ ചെറിയ പടവും തീയേറ്ററിൽ വരാൻ തുടങ്ങിയിരിക്കുന്നൂ. മാത്രമല്ല 90 കളിൽ ഉണ്ടായിരുന്ന പോലെ മ്യൂസിക് റൈറ്റ്സ് ,മുപ്പതും നാല്പതും എന്തിനു ഒരു കോടി വരെ പോകുന്നുമുണ്ട്. സിനിമ ഒരു തരത്തിൽ മാറ്റങ്ങൾക്കു വിധേയമാകുന്നുണ്ട് .അതുപോലെ സിനിമാറ്റിക്കായ നല്ല സിനിമകൾ പ്രേക്ഷകർ പ്രതീക്ഷിക്കുന്നുണ്ട്. ഷാമോൻ പറയുന്നു.

അന്ന് 5 . 1 മതിയായിരുന്നൂ, ഇന്ന് അത് പോരാ ,അറ്റ്മോസ് തന്നെ വേണം. അപ്പോൾ ബാഗ്രൗണ്ട് സ്കോർ വരെ ശ്രദ്ധിക്കണം ചുരുക്കത്തിൽ ചെറിയ സിനിമ വലിയ സിനിമ എന്നുള്ളതല്ല ടെക്‌നിക്കലായും ,സബ്‌ജറ്റിലും സോഷ്യൽ മീഡിയയിൽ ഫ്രീ ആയി ലഭിക്കുന്ന ക്രീറ്റിവിറ്റിയുടെ പലമടങ്ങു തീയേറ്ററിൽ നൽകണം എന്നാലേ പ്രേക്ഷകർ അത് സ്വീകരിക്കൂ.ഷാമോൻ പറയുന്നു

നാളെ വരാനിരിക്കുന്ന മാറ്റമാണ് ഇനി അതിശയിപ്പിക്കാൻ പോകുന്നത്.
സ്റ്റാർഡം എന്നത് സോഷ്യൽ മീഡിയ സ്റ്റാറ്റസിനെയും അപേക്ഷിച്ചിരിക്കും, അതിനാൽ നല്ല ക്രീയേറ്റിവിറ്റി നൽകാൻ സാധിക്കുന്ന ടീമിന്റെ സിനിമ സോഷ്യൽ മീഡിയകളിൽ ചർച്ചയാകുവാനും ,അതിന്റെ അടിസ്ഥാനത്തിൽ മാത്രം തീയേറ്റർ ഓഡിയൻസ് ഉണ്ടാകാനും പോകുന്ന കാലം വിദൂരമല്ല. അതിന്റെ തെളിവാണ് തീയേറ്ററിൽ വരുന്ന ഇന്നത്തെ സിനിമയുടെ ആദ്യ പ്രേക്ഷകന്റെ വയസ്സ് 18 നും 28 നും ഇടയിലാണ് എന്നത്. അവരെ തൃപ്തിപ്പെടുത്തിയാലേ ആദ്യ വിജയം ഉണ്ടാകൂ. അതൊരു വലിയ ചലഞ്ച് തന്നെയാണ്. കാരണം അവർ വളരെ അഡ്വാൻസ്ഡ് ആണ്. ഒപ്പം ക്രീയേറ്റീവും ആണ്.ഷാമോൻ സിനിമാ വ്യവസായത്തെ താങ്ങി നിർത്താനുള്ള തന്ത്രങ്ങൾ പറഞ്ഞു നിർത്തി.

അയ്മനം സാജൻ

Leave a Reply
You May Also Like

മോൺസ്റ്ററിനെ തകർത്തു കളയാനുള്ള ലക്ഷ്യമാണ് അവർക്കുള്ളതെന്നു ഹണിറോസ്

മോൺസ്റ്ററിനെ മനഃപൂർവ്വം ഡീഗ്രേഡ് ചെയ്യുന്നതായി നടി ഹണിറോസ്. താരം മോൺസ്റ്ററിൽ ഒരു പ്രധാന വേഷം അവതരിപ്പിച്ചിരുന്നു…

“മോൺസ്റ്റർ വളരെ നല്ല പടം”… എന്ന് പറയാനും ചിലർക്ക് കാരണങ്ങളുണ്ട്

മോൺസ്റ്റർ.വളരെ നല്ല പടം… Dinshad Ca വളരെ കുറച്ചു കാര്യങ്ങൾ….സ്പോയ്ലർ ഉണ്ട് :-ഉദയകൃഷ്ണ എഴുതുന്ന സ്ക്രിപ്റ്റ്…

വാലാട്ടിയിലെ പൂവൻകോഴി അജുവർഗീസിന്റെ ശബ്ദത്തിൽ

വാഴൂർ ജോസ്. വാലാട്ടി എന്ന ചിത്രത്തിലെ പ്രധാന കഥാപാത്രമാണിത്.പത്തുനായ്ക്കുട്ടികളും ഒരു പൂവൻ കോഴിയും പ്രധാന കഥാപാതമാകുന്ന…

സൂപ്പർതാരമടക്കം ഉണ്ടായിട്ടും 34 ദിവസം, മമ്മൂട്ടി ചിത്രം കാതലിന് പാക്കപ്പ്

പെണ്‍കുട്ടികള്‍, കുഞ്ഞു ദൈവം, കിലോമീറ്റേഴ്സ് ആന്‍ഡ് കിലോമീറ്റേഴ്സ്, ദ് ഗ്രേറ്റ് ഇന്ത്യന്‍ കിച്ചന്‍, ഫ്രീഡം ഫൈറ്റ്…