നിർമ്മാതാക്കൾക്ക് മനോവിഷമം ആണോ മനോരോഗം ആണോ ? അത്രേ ഞാൻ ചോദിച്ചിട്ടുള്ളൂ

154

ഷെയിൻ നിഗം വിവാദം അവസാനമില്ലാത്ത തുടരുന്നു. ഏറ്റവുമൊടുവിൽ, നിർമ്മാതാക്കൾക്കു മനോരോഗമാണെന്നു ഷെയിൻ നിഗം അഭിപ്രായപ്പെട്ടതാണ് ഒരുവിധം കെട്ടടങ്ങിയ പ്രശ്നം വഷളാക്കിയത്. ഇതേത്തുടന്ന് ഷെയ്നുമായുള്ള ചർച്ചകളിൽ നിന്നും സംഘടനകൾ എല്ലാം പിന്മാറിയിരുന്നു. അതതുടർന്നു ഷെയ്ൻ നിഗം സാമൂഹ്യമാധ്യമത്തിൽ ഇട്ട പോസ്റ്റ് വായിക്കാം.

Shane Nigam

കഴിഞ്ഞ ദിവസം തിരുവനന്തപുരത്ത് IFFK വേദിയിൽ ഞാൻ നടത്തിയ പ്രസ്താവന വലിയതോതിൽ തെറ്റിദ്ധരിക്കപ്പെട്ടു. നിർമ്മാതാക്കളുടെ സംഘടനയിലെ മുഴുവൻ അംഗങ്ങൾക്കും മനോരോഗം ഉണ്ടെന്ന് പറഞ്ഞു എന്നതാണ് വാർത്തകളിൽ വന്നത്. ദൃശ്യ മാധ്യമ സുഹൃത്തുക്കൾ നിർമ്മാതാക്കൾക്ക് മനോവിഷമം ഉണ്ടോ എന്ന ചോദ്യത്തിന് മനോവിഷമം ആണോ മനോരോഗം ആണോ എന്ന് ചോദിച്ചത് സത്യമാണ്. ഞാനെന്റെ രീതിയിലുള്ള ചിരിച്ചുകൊണ്ടുള്ള മറുപടി മാത്രമാണ് നൽകിയത്. ഞാൻ പറഞ്ഞ ആ വാക്കിൽ ആർക്കെങ്കിലും വിഷമം ഉണ്ടെങ്കിൽ ക്ഷമാപണം നടത്തുന്നു. എന്നെക്കുറിച്ച് ഇതിനുമുമ്പ് പറഞ്ഞ വാക്കുകളൊന്നും ഞാനും പൊതുസമൂഹവും മറന്നിട്ടുണ്ടാകില്ല എന്നാണ് എന്റെ വിശ്വാസം. അന്ന് ഞാനും ക്ഷമിച്ച് താണ്. അതുപോലെ ഇതും ക്ഷമിക്കും എന്ന പ്രതീക്ഷയിലാണ് ഞാൻ. ക്ഷമയാണ് എല്ലാത്തിനും വലുത് എന്ന് വിശ്വസിക്കുന്നു. ഞാൻആരാധിക്കുന്ന എന്റെ ദൈവവും ഞാൻ വിശ്വസിക്കുന്ന എന്റെ സംഘടനയും എന്നും എന്റെ കൂടെ ഉണ്ടാകും എന്ന് പ്രതീക്ഷിക്കുന്നു. നമുക്ക് ക്ഷമയുടെ പാതയിലൂടെ പോകാം.

Video