മൈക്കിളപ്പന്റെ ബിരിയാണി തിന്നാൻ മാത്രം അല്ല ആലീസ് എന്ന അനസൂയയെ തിരുകികയറ്റിയത്

ബൂലോകം
ബൂലോകം
Facebook
Twitter
WhatsApp
Telegram
132 SHARES
1582 VIEWS

ഷാനു കോഴിക്കോടൻ എഴുതിയത്

(സ്പോയിലർ)

ഇങ്ങനെ ഒരു കഥാപാത്രം സിനിമയിൽ എന്തിനായിരുന്നു? മൈക്കിളപ്പന് ബിരിയാണി വെച്ച കൊടുക്കാൻ വേണ്ടി മാത്രമാണോ തിരുകി കയറ്റിയത് ? എന്നിങ്ങനെ ഒക്കെ ഉള്ള ചോദ്യങ്ങൾ പലരും ചോദിച്ചു കണ്ടിരുന്നു. മകളുമായുള്ള സംഭാഷണത്തിൽ മൈക്കിളപ്പൻ കൊലപാതകം ചെയ്തു ജയിലിൽ പോയത് കൊണ്ടാണ് ആലീസുമായുള്ള കല്യാണം മുടങ്ങി പോയത് എന്ന് പറയുന്നുണ്ട് എങ്കിലും ശരിയായ കാരണം ഒട്ടോക്കാരൻ ഇൻട്രോയിൽ പറയുന്നതാണ്.

മൈക്കിളപ്പൻ എല്ലാം ഏറ്റെടുത്തു വിവാഹം പോലും കഴിക്കാതെ ജീവിക്കുന്നത് അപ്പന് കൊടുത്ത വാക്കിന്മേൽ ആണെന്ന്.ഇനി അമൽ നീരദ് റഫറൻസ് ആക്കി എടുത്ത മഹാഭാരത കഥയിലേക്കും ഭീഷമരിലേക്കും വരിക. അവിടെ ഭീഷമർ നിത്യ ബ്രഹ്മചാരിയായി തുടരുന്നത് പിതാവ് കാരണമാണ്.
പിതാവ് ശാന്തനു കണ്ടു മോഹിച്ച മത്സ്യ കന്യക സത്യവതിയെ വിവാഹം ചെയ്യണമെങ്കിൽ ശാന്തനുവിൽ സത്യവതിക്ക് ജനിക്കുന്ന കുട്ടിക്ക് പിന്തുടർച്ചവകാശം വേണമെന്ന് സത്യവതിയുടെ പിതാവ് നിബന്ധന വെക്കുന്നു.

ഓൾ റെഡി തന്റെ അനന്തരവകാശിയായി മകൻ ദേവവ്രതനെ (ഭീഷമരെ) തീരുമാനിച്ചു കഴിഞ്ഞ ശാന്തനു വിഷമത്തോടെ വിവാഹത്തിൽ നിന്ന് പിന്മാറുന്നു.ദുഖിതനായി തിരിച്ചെത്തിയ പിതാവിന്റെ വിഷമ കാരണം മനസ്സിലാക്കിയ ദേവവ്രതൻ പിതാവിന്റെ ആഗ്രഹ പൂർത്തീകരണത്തിനു വേണ്ടി താൻ നിത്യ ബ്രഹ്മചാരിയായി തുടരുകയാണ് എന്ന് ശപഥം ചെയ്യുകയും ചെയ്യുന്നു.ഇനിയാണ് മൈക്കിളപ്പന്റെ കാമുകിയുടെ ട്വിസ്റ്റ്‌.

കാഷിമഹാരാജാവ് തൻറെ പുത്രിമാർക്ക് സ്വയംവരം നടത്തുന്നുണ്ട് എന്നറിഞ്ഞു ഭീഷമർ അംബ,അംബിക,അംബാലിക സഹോദരിമാരെ സ്വയം വരത്തിനു വന്ന മറ്റു രാജകുമാരന്മാരെ തോൽപ്പിച്ചു തൻറെ സഹോദരന് വേണ്ടി ബലമായി പിടിച്ചു കൊണ്ടു വരുന്നു.അംബികയെയും അംബാലികയെയും സഹോദരൻ വിവാഹം ചെയ്യുകയും തനിക്ക് മറ്റൊരു കാമുകൻ ഉണ്ട് എന്ന് പറഞ്ഞതിനാൽ അംബയെ തിരിച്ചു കോണ്ടു വിടുകയും ചെയ്യുന്നു.ഭീഷ്മർ തട്ടി കൊണ്ട് വന്ന പെണ്ണിനെ വിവാഹം കഴിക്കില്ലെന്നു പറഞ്ഞു കാമുകനാൽ ഉപേക്ഷിക്കപ്പെട്ട അംബ ഭീഷമരോട് തന്നെ വീണ്ടും വിവാഹഭ്യാർത്ഥന നടത്തുന്നു.
പിതാവിന് കൊടുത്ത ഭീഷ്മ ശപഥം നില നിൽക്കുന്നതിനാൽ അംബയെ സ്വീകരിക്കാൻ ഭീഷമർക്ക് കഴിയാതെ വരികയും ചെയ്യുന്നു.

എന്ന് വെച്ചാൽ മൈക്കിളപ്പന്റെ കാമുകി ബിരിയാണി വെച്ചു കൊടുക്കാൻ വേണ്ടി മാത്രം വെറുതേ സിനിമയിൽ കയറി വന്നതല്ല.അംബ എന്ന ആലീസ് ഇല്ലാതെ മൈക്കിളപ്പൻ എന്ന ഭീഷ്മ പിതാമഹർ പൂർണ്ണമാകുകയുമില്ല.പിതാവിനു കൊടുത്ത ശപഥം കാരണം ഭീഷ്‌മരാൽ ഉപേക്ഷിക്കപ്പെട്ട അംബയാണ് മൈക്കിളപ്പന്റെ ആലീസ്.ഭീഷമർ കാരണം തന്നെ കാമുകൻ ഉപേക്ഷിച്ചതാണ് അംബയെ ഭീഷമാരോട് വിവാഹഭ്യാർത്ഥന നടത്താൻ പ്രേരിപ്പിക്കുന്നത് എന്നാണെങ്കിലും..! തട്ടി കൊണ്ട് പോകാൻ ഭീഷ്‌മർ
അംബയുടെ കരം ഗ്രഹിച്ചപ്പോ തന്നെ അത് പാണിഗ്രഹണമാക്കി കണക്കാക്കി അംബ ഭീഷമരിൽ പ്രണയബദ്ധയായിരുന്നു എന്ന രീതിയിൽ ഉള്ള ആഖ്യാനങ്ങളും വന്നിട്ടുണ്ട്.

എന്തായാലും..മഹാഭാരതകഥയിൽ ആർക്കും തോൽപ്പിക്കാൻ കഴിയാത്ത ഭീഷ്മപിതാമഹരുടെ അന്ത്യത്തിന് കാരണമായി തീരുന്നത് ഉപേക്ഷിക്കപ്പെട്ട വൈരാഗ്യത്താൽ പിന്നീട് ശിഖണ്ഡി ആയി മാറുന്ന അംബയാണ്.
അത് കൊണ്ട്…ഇപ്പൊ ബിലാൽ സംഭവിക്കുന്ന പോലെ ഭാവിയിൽ ഭീഷ്മ പർവം-2 എന്നൊന്ന് സംഭവിക്കുന്നുണ്ട് എങ്കിൽ..! മൈക്കിളപ്പനെ വീഴ്ത്താൻ പറ്റുന്ന ഒരേ ഒരു മുതലും ഏറ്റവും പ്രാധാന്യമുള്ള കഥാപത്രവും ആലീസ് എന്ന അനസൂയ ആയിരിക്കും..!

Leave a Reply

Your email address will not be published. Required fields are marked *

LATEST

വരിസു ടിക്കറ്റ് ബുക്കിംഗ് അടുത്ത ആഴ്ച യുകെയിൽ, ആദ്യമായാണ് യുകെയിൽ ഒരു തമിഴ് സിനിമയുടെ ബുക്കിങ് ആരംഭിക്കുന്നത്

വരിസു ടിക്കറ്റ് ബുക്കിംഗ് അടുത്ത ആഴ്ച യുകെയിൽ ആരംഭിക്കുമെന്ന് പ്രതീക്ഷിക്കുന്നു. നടൻ വിജയെ

ബാബയും ശിവാജിയും നേർക്കുനേർ, രജനിക്കെതിരെ രജനി തന്നെ മത്സരിക്കുന്നു, തമിഴകം ആഘോഷ ലഹരിയിൽ

ശിവാജിയുടെ പെട്ടെന്നുള്ള അപ്‌ഡേറ്റ് ബാബയെ കാത്തിരിക്കുന്ന ആരാധകർക്ക് സന്തോഷകരമായ ഒരു സർപ്രൈസ് സമ്മാനിച്ചു.സൂപ്പർസ്റ്റാർ

“ഫാന്റ ബോട്ടിൽ സ്ട്രക്ച്ചർ”, “അസ്ഥികൂടം” കളിയാക്കിയവർക്ക് സ്റ്റാൻഡേർഡ് മറുപടിയാണ് കുറിപ്പിലൂടെ ദിവ്യ ഭാരതി നൽകിയത്

കോളേജ് കാലം മുതൽ ഇതുവരെ നേരിട്ട പരിഹാസങ്ങളെ കുറിച്ച് നടി ദിവ്യ ഭാരതി