ഇന്ത്യയിൽ നിന്നും നിലവിൽ ഏറ്റവും പ്രശസ്തനായ സെലിബ്രിറ്റി ആരെന്നറിയാമോ ? ഒരു കണക്ക് അനുസരിച്ച് അത് ഷാരൂഖ് ഖാൻ ആണ്. ഭൂമുഖത്ത് അദ്ദേഹത്തെ അറിയാവുന്ന 450 കോടി ജനങ്ങൾ ഉണ്ടെന്നാണ് പറയപ്പെടുന്നത്. അറബ് ലോകത്തു അദ്ദേഹത്തിന് സൂപ്പർതാര പരിവേഷമാണ് ഉള്ളത്.സൗദി അറേബ്യയിൽ നടന്ന റെഡ് സീ അന്താരാഷ്ട്ര ചലച്ചിതോത്സവത്തിൽ നടന്ന സംഭവമാണ് ഇപ്പോൾ വൈറലാകുന്നത്.
അടുത്തിരുന്നത് ഷാരൂഖാണെന്ന് അറിഞ്ഞ് ആശ്ചര്യപ്പെടുന്ന ഹോളിവുഡിലെ സൂപ്പർതാരം ഷാരൺ സ്റ്റോണിന്റെ വിഡിയോ ആണ് വൈറൽ ആകുന്നത് . ലോക സിനിമയിലെ വിവിധ താരങ്ങൾ ചലച്ചിത്രമേളയിൽ പങ്കെടുക്കാനെത്തിയിരുന്നു. ചലച്ചിത്ര മേഖലക്ക് നല്‍കിയ സമഗ്ര സംഭാവന പരിഗണിച്ച് സൗദി അറേബ്യയുടെ ബഹുമതി ഷാരൂഖിന് സമ്മാനിച്ചു. ഷാരൂഖ് ഖാന് പുറമേ, ഷാരൺ സ്റ്റോൺ, പ്രിയങ്ക ചോപ്ര, കരീന കപൂർ, ഒലിവർ സ്റ്റോൺ, ഗയ് റിച്ചി തുടങ്ങിയവരും മേളയിൽ പങ്കെടുത്തു.
View this post on Instagram
ചടങ്ങിൽ വിശിഷ്ടാതിഥികളുടെ സീറ്റിൽ തനിക്ക് തൊട്ടടുത്ത് ഇരിക്കുന്നത് ഷാരൂഖ് ഖാനാണെന്ന് തിരിച്ചറിഞ്ഞപ്പോഴാണ് ഷാരൺ സ്റ്റോൺ അമ്പരന്നത്. ഷാരൂഖ് ഷാരൺ സ്റ്റോണിനെ അഭിവാദ്യം ചെയ്യുന്നതും ഹസ്തദാനം ചെയ്യുന്നതും വിഡിയോയിൽ കാണാം. ഷാരൺ സ്റ്റോണിന്റെ വാക്കുകളിങ്ങനെ …
അദ്ദേഹം അവിടെ ഉണ്ടെന്ന് എനിക്കറിയില്ലായിരുന്നു. താരങ്ങളെ കാണുമ്പോൾ പൊതുവിൽ ആവേശം കൊള്ളുന്നയാളല്ല ഞാൻ, നിരവധി പേരെ എനിക്കറിയുകയും ചെയ്യാം. എന്നാൽ അദ്ദേഹത്തെ കണ്ടത് വ്യത്യസ്ത അനുഭവമായിരുന്നു’-ഷാരൺ സ്റ്റോൺ പറയുന്നു
