വിദ്യാർത്ഥിയായ Midhun M.S സംവിധാനം ചെയ്ത ഷോർട്ട് മൂവിയാണ് ‘SHE’ . ഇത് തികച്ചുമൊരു പ്രചോദനപ്രദമായ ഷോർട്ട് മൂവിയാണ്. വളരെ ലളിതമായി പറഞ്ഞുപോകുന്ന ആശയഘടന മാത്രമാണ് എന്നിരുന്നാലും പ്രതികരണശേഷി കുറഞ്ഞ പെൺകുട്ടികൾക്ക് പ്രചോദനം തന്നെയാണ് ഈ മൂവിയുടെ ആസ്വാദനം വഴി കിട്ടുക. വിശ്വസിച്ചുപോയ പുരുഷന്മാർ പോലും എപ്പോഴാണ് അപകടകാരികൾ ആകുന്നതെന്നറിയാത്ത ഒരു സമൂഹത്തിൽ ജീവിക്കുമ്പോൾ പ്രത്യേകിച്ചും .
ശാരീരിക ശേഷി കുറഞ്ഞ അബലകൾ എന്ന പരിവേഷം പലപ്പോഴും സ്ത്രീകളെ ദുർബലർ തന്നെ ആക്കാറുണ്ട്. മാത്രമല്ല ചെറുപ്പംമുതൽ മാതാപിതാക്കളും ബന്ധുക്കളും പറഞ്ഞുപഠിപ്പിച്ച പിന്തിരിപ്പൻ ആശയങ്ങളും കൂടിയാകുമ്പോൾ അവളുടെ പതനം പൂർണ്ണമാകുന്നു. പെൺകുട്ടികളെ എന്തുകൊണ്ടാണ് ധൈര്യം സംഭരിച്ചു വളർത്താൻ സാധിക്കാത്തത് ? പുരുഷന്റെ കീഴിൽ ഒതുങ്ങിക്കൂടണം എന്ന് പഠിപ്പിക്കുന്നത് ? അത് എന്തുകൊണ്ടെന്നു അറിയാമോ ? സ്ത്രീകൾക്ക് മാത്രം കന്യകാത്വം, ചാരിത്ര്യം, മാനാപമാനങ്ങൾ എന്നിവ നിശ്ചയിക്കപ്പെട്ട ഒരു ലോകമാണിത്. അത്തരമൊരു സംസ്കാരത്തിൽ എങ്ങനെ പെണ്ണിന്റെ സ്വാതന്ത്ര്യത്തിന്റെ പരിധികൾ നിശ്ചയിക്കാതിരിക്കും ?
vote for she
എപ്പോഴും മുയലിന്റെയും മാനിന്റെയും മാടപ്പിറവിന്റെയും പരിവേഷമാണ് സ്ത്രീകൾക്ക് നൽകുന്നത്. ഈവിധ ജീവികൾ എല്ലാം തന്നെ എപ്പോഴും മറ്റൊന്നിനു ഇരയാകുന്നതാണ്. അതുകൊണ്ടാണ് അത്തരം പരിവേഷങ്ങൾ അവൾക്കു നൽകുന്നത്. എന്നാൽ ഇവയെ വേട്ടയാടുന്ന സിംഹത്തിലും കടുവയിലും പുലിയിലും ചെന്നായയിലും പരുന്തിലും എല്ലാം തന്നെ പെണ്ണ് ഉണ്ടെന്നത് അവർ മറന്നുപോകുന്നു.
സ്ത്രീകൾ മനസിലാക്കേണ്ട കാര്യം, അവരുടെ സ്വപ്നങ്ങളിലും ചിന്തകളിലും ഭ്രമിപ്പിക്കുന്ന കുതിര ആയിരിക്കില്ല യാഥാർഥ്യം . യാഥാർഥ്യത്തിൽ കാണാൻ കഴിയുക വെറിയുടെ ചെന്നായ്ക്കളെ ഒളിപ്പിച്ച ട്രോജൻ കുതിരകളെ തന്നെ ആയിരിക്കും.
ഈ ഷോർട്ട് മൂവിയിൽ പരിക്കുപറ്റി മലയടിവാരത്തിലെ കാട്ടിൽ കിടന്ന നഗര പെൺകുട്ടിയെ ഒരു ആദിവാസി പെൺകുട്ടി കണ്ടെത്തുന്നു. പരിക്ക് പറ്റിയത് താൻ ഇഷ്ടപ്പെട്ട പുരുഷനിൽ നിന്നാണെന്നും മലമുകളിൽ വച്ച് പീഡിപ്പിക്കാൻ ശ്രമിച്ചതിന്റെ ഫലമായിട്ടുള്ള ചെറുത്തുനിൽപ്പിനിടെ ആണ് താൻ വീണതെന്നും ‘നാട്ടുപെണ്ണ് ‘ പറയുന്നു. ശേഷം അവൾ കാട്ടിലെ പെണ്ണിനോട് ചോദിക്കുന്നു , നിനക്ക് ഇങ്ങനെ നടക്കാൻ പേടിയാകുന്നില്ലേ എന്ന്. അപ്പോൾ അവൾ ചോദിക്കുന്നു , ഞങ്ങളുടെ പുരുഷന്മാർ എല്ലാം ജഡായുക്കൾ ആണ്, നിന്റെ നാട്ടിലെ പുരുഷന്മാർ എല്ലാം രാവണന്മാർ ആണോ എന്ന് .
ശേഷം പുരുഷന്മാരോട് പയറ്റേണ്ട യുദ്ധമുറകളെ കുറിച്ച് ആദിവാസി പെൺകുട്ടി നഗരപ്പെണ്ണിനോടു ഗീതോപദേശം നടത്തുന്നു. എന്തൊരു വിരോധാഭാസം അല്ലെ? വിദ്യാസമ്പന്ന ആയ നഗരപ്പെണ്ണിന് പോലും അവൾ പരിഷ്കാരത്തിന്റെ കൊടുമുടിയിൽ നിന്നിട്ടും പുരുഷനോട് പ്രതികരിക്കാൻ ആകുന്നില്ല. എന്നാലോ ഫാഷന്റെ ഭ്രമങ്ങൾ കൊണ്ട് നാം പുശ്ചിക്കുന്ന ആദിവാസി പെൺകുട്ടികൾ സമത്വബോധം നേടിയെടുത്തിരിക്കുന്നു. പുരുഷന് തുല്യ എന്ന് സ്ഥാപിച്ചുകൊണ്ട് അവൾ നിവർന്നു നിൽക്കുന്നു.
വിദ്യാസമ്പന്നരുടെ നഗരത്തിൽ കാണാൻ കഴിയാത്ത സ്ത്രീപുരുഷ സമത്വം പണ്ടേ നിലവിൽ വന്ന പല ഗോത്രങ്ങളും നമ്മുടെ നാട്ടിലുണ്ട്. ഒരുപക്ഷെ സ്ത്രീകൾക്ക് പുരുഷന്മാരിൽ നിന്നും ഒരുപടി ഉയർന്ന സ്ഥാനമുള്ള ഗോത്രങ്ങൾ പോലുമുണ്ട്. വിദ്യാഭ്യാസവും ഫാഷനും ഒന്നും മനുഷ്യന്റെ പുരോഗമനത്തിന്റെ സൂചകങ്ങൾ അല്ല. ഈ മൂവി സ്ത്രീകൾക്ക് ചിന്തിക്കാൻ പ്രേരണ നൽകുന്ന ഒന്നുതന്നെയാണ്. ഒരു യുവകലാകാരന്റെ പരീക്ഷണം എന്ന നിലക്ക് പ്രോത്സാഹിപ്പിക്കേണ്ടതുണ്ട്.
സംവിധായകൻ Midhun M.S ബൂലോകം ടീവിയോട് സംസാരിക്കുന്നു
“ഞാനൊരു വിദ്യാർത്ഥിയാണ്. സത്യത്തിൽ ഈ ഷോർട്ട് മൂവി ചെയ്യാൻ കാരണം SHE എന്ന ഒരു ഷോർട്ട് ഫിലിം ഫെസ്റ്റിവൽ കാരണമാണ്. സ്ത്രീകളുമായി ബന്ധപ്പെട്ട, ഒരു പ്രചോദനം നൽകുന്ന വിഷയം ആയിരിക്കണം എന്നാണു അതിന്റെ സംഘാടകർ പറഞ്ഞത്. അങ്ങനെ ഞാൻ ആ ഒരു കോമ്പറ്റിഷനിൽ പാർട്ടിസിപ്പേറ്റ് ചെയ്യാൻ വേണ്ടി എടുത്തതാണ് ‘she’ എന്ന ഷോർട്ട് ഫിലിം .”
“എനിക്ക് പറയാനുള്ള കാര്യം കഥാപാത്രങ്ങളെ മുൻനിർത്തി പറയണം അതുമാത്രമാണ് ഞാൻ ഉദ്ദേശിച്ചത്. ഒരു സ്ത്രീ മറ്റൊരു സ്ത്രീയെ മോട്ടിവേറ്റ് ചെയ്യുന്നൊരു ത്രെഡ് കിട്ടി. അത് രണ്ടുദിവസം കൊണ്ട് ചെയ്തു. അങ്ങനെ പെട്ടന്ന് എടുത്തൊരു ഷോർട്ട് മൂവിയാണ്.”
“ഞാൻ മുൻപ് ചെയ്തൊരു വർക്ക് അത്ര ശ്രദ്ധിക്കപ്പെട്ടിട്ടില്ല. അത് ഞാൻ ഇപ്പോൾ പബ്ലിഷ് ചെയ്തിട്ടില്ല. പഠനം ഒക്കെ നടക്കുന്നതു കൊണ്ട് അങ്ങനെ ഇപ്പോൾ ശ്രമിക്കുന്നില്ല. പ്രൊഡക്ഷൻ ആണ് പ്രധാനപ്രശ്നം.”
“സിനിമയിൽ അഭിനയിക്കണം എന്നതാണ് എന്റെ ഏറ്റവുംവലിയ ആഗ്രഹം. അതിന്റെ മുന്നോടിയായിട്ട് കുറച്ചു ഷോർട്ട് ഫിലിം ചെയ്തു എക്സ്പീരിയൻസ് ഉണ്ടാക്കാം എന്ന് കരുതി. മുൻപൊരു ഷോർട്ട് മൂവി ചെയ്യാനിരുന്നതാണ് അത് മുടങ്ങിപ്പോയി. പിന്നെ ഒരു അവെയർനസ് വീഡിയോ ചെയ്യണം എന്ന് തോന്നി. ഞാൻ തന്നെ അഭിനയിച്ചു ഞാൻ തന്നെ എടുക്കണം എന്നാണ് പ്ലാൻ ചെയ്തത്. എന്നാൽ എഴുതി കഴിഞ്ഞപ്പോൾ എനിക്ക് തോന്നി എന്തുകൊണ്ട് മറ്റൊരാളെ കൊണ്ട് അഭിനയിപ്പിച്ചുകൂടാ എന്ന്. അപ്പോൾ എനിക്ക് സംവിധാനത്തിൽ കൂടി ശ്രദ്ധിക്കാൻ പറ്റുമെന്ന് തോന്നി.”
“ഇതിൽ കാസ്റ്റിങ് എന്ന് പറയുമ്പോൾ എന്റെകൂടെ പഠിക്കുന്ന സ്റ്റുഡൻസ് ആണ് എല്ലാരും. അതിലെ രണ്ടു ഗേൾസും വേറെ ഡിപ്പാർട്ട്മെന്റിൽ ഉള്ളവർ ആണ്. സ്റ്റോറി പറഞ്ഞപ്പോൾ അവർക്കു താത്പര്യം ഉണ്ടായി വന്നതാണ്. എൻട്രൻസ് കോച്ചിങ്ങിനു പഠിക്കുന്ന ഒരു പയ്യനാണു അതിൽ ഉള്ളത്. അവനെ വച്ച് ഞാൻ മുൻപൊരു മൂവി ചെയ്തിട്ടുണ്ട്. അതാണ് മേല്പറഞ്ഞത്.”
അഭിമുഖം ശബ്‌ദരേഖ
[zoomsounds_player artistname=”BoolokamTV Interview” songname=”Midhun M.S” config=”sample–skin-wave-simple” type=”audio” dzsap_meta_source_attachment_id=”323164″ source=”https://boolokam.com/wp-content/uploads/2021/12/sheeeeeeeeemovie_pBdZQ9wW.mp3″ thumb=”https://boolokam.com/wp-content/uploads/2021/10/BoolokamFavicon-wh.png” autoplay=”off” loop=”off” play_in_footer_player=”default” enable_download_button=”off” enable_downloads_counter=”off” download_custom_link_enable=”off” open_in_ultibox=”off”]
SHE
Malayalm short film
Nabes Movie Entertainments
written & Directed by Midhun M.S
Produced by jothy basu, Suresh kumar
Editing saurav santhosh
camera Vishak
BGM Neeraj D Raj
sound Abhijith R
Asst Director Bhagavath Nath P, Ananthu AM
Mixing Mastering Syam SR
Production design Sangeeth
This video contains NCS videos
follow us on Instagram Nabes movie offical
follow us FB Nabes movie entertainment
