അമേരിക്കൻ അധികാരത്തിന്റെ രണ്ടാം കസേരയിൽ ഇതാദ്യമായി ഒരു കുടിയേറ്റ വനിത ഇരിക്കാൻ പോകുന്നു.

0
58
Shibu Gopalakrishnan
നാല്പത്തിയൊൻപതാമത്തെ വയസ്സിൽ സ്വന്തം ജീവിതപങ്കാളിയെ കണ്ടെത്തുകയും അൻപതാമത്തെ വയസ്സിൽ വിവാഹം ചെയ്യുകയും ചെയ്ത ഒരു വനിതയാണ് വരുന്ന ഇരുപതാം തീയതി അമേരിക്കയുടെ ആദ്യ വനിതാ വൈസ് പ്രസിഡന്റായി സത്യപ്രതിജ്ഞ ചെയ്തു അധികാരം ഏൽക്കാൻ പോകുന്നത്. നാളിതുവരെ ആണുങ്ങൾ മാത്രം അമർന്നിരുന്ന അമേരിക്കൻ അധികാരത്തിന്റെ രണ്ടാം കസേരയിൽ ഇതാദ്യമായി ഒരു കറുത്തവനിത, ഒരു കുടിയേറ്റ വനിത, ഒരു രണ്ടാനമ്മ ഇരിക്കാൻ പോകുന്നു.
2014ലാണ് ഭർത്താവ് ഡഗ്ഗ് എമോഹിനെ ഹാരിസ് കണ്ടെത്തുന്നത്, അപ്പോൾ കാലിഫോർണിയയുടെ അറ്റോർണി ജനറൽ ആയിരുന്നു. ആറു മാസത്തെ ഡേറ്റിങ്ങിനൊടുവിൽ വിവാഹം. ഹാരിസിന്റെ ആദ്യത്തെയും ഡഗ്ഗിന്റെ രണ്ടാമത്തെയും വിവാഹം. 2016ൽ കാലിഫോർണിയയിൽ നിന്നുള്ള സെനറ്റർ. 2021ൽ അമേരിക്കയുടെ വൈസ് പ്രസിഡന്റ്. പ്രസിഡന്റ് സ്ഥാനാർത്ഥിത്വത്തിൽ നിന്നും ഹാരിസ് 2019ൽ പിന്മാറുമ്പോൾ ട്രംപ് ട്വീറ്റ് ചെയ്തു: Too bad, We will miss you. ആ ട്രംപിന്റെ ഇംപീച്ച്മെന്റ് നടപടികൾക്ക് കാപിറ്റോളിൽ ഇനി ഹാരിസ് അധ്യക്ഷത വഹിക്കും.
Image may contain: 2 people, people standing, night and suitവിവാഹം ആണ് ഒരു സ്ത്രീയുടെ ജീവിതത്തിലെ ഏറ്റവും വലിയ സത്യപ്രതിജ്ഞ എന്നുകരുതുന്ന, അടുക്കളയാണ് ഒരു സ്ത്രീയുടെ ഏറ്റവും വലിയ അധികാരമെന്നു കരുതുന്ന, ഒരുപ്രായം കഴിഞ്ഞാൽ വസ്ത്രധാരണത്തിൽ പോലും അടക്കവും ഒതുക്കവും വേണമെന്ന് ശഠിക്കുന്ന, നാല്പതുകളിലോ അൻപതുകളിലോ പ്രണയത്തെക്കുറിച്ചോ വിവാഹത്തെക്കുറിച്ചോ ചിന്തിക്കുകപോലുമരുത് എന്നു മുഖംചുളിക്കുന്ന ലോകത്തിനു മുന്നിൽ, കമല ഹാരിസ് എഴുതിച്ചേർക്കുന്നത് പെൺജീവിതത്തിന്റെ വേറിട്ട വിജയഗാഥയാണ്.