“ഞാനൊക്കെ ഈ സിന്ദൂരം തൊട്ട്‌ നടക്കുന്നതേ, എനിക്ക്‌ രണ്ട്‌ പെൺമക്കളാ. അവരെ കണ്ട കാക്കാമാർ കൊണ്ടു പോവാതിരിക്കാനാ.”

816
Shimna Azeez
ഒരു അമ്പലത്തിൽ ഹിന്ദുക്കളെ മൊത്തമായങ്ങ്‌ ഏറ്റെടുത്ത്‌ രക്ഷിക്കാൻ ശ്രമിച്ച്‌ മൈക്കിൽ സംസാരിച്ചു കൊണ്ടിരുന്ന ചേച്ചിമാരെ എതിർത്ത്‌ വളരെ സൗമ്യയായി കൃത്യമായി കാര്യങ്ങൾ സംസാരിച്ച സ്‌ത്രീയോട്‌ സംഘി കുലസ്‌ത്രീയുടെ ആക്രോശം.
“ഞാനൊക്കെ ഈ സിന്ദൂരം തൊട്ട്‌ നടക്കുന്നതേ, എനിക്ക്‌ രണ്ട്‌ പെൺമക്കളാ. അവരെ കണ്ട കാക്കാമാർ കൊണ്ടു പോവാതിരിക്കാനാ.”
എരിവും പുളിയും നുണകളും ചേർത്ത്‌ സംഘികൾ നന്നായി ബിൽഡപ്പ്‌ ചെയ്‌ത്‌ വെച്ചേക്കുന്ന ‘ലൗ ജിഹാദ്‌’ ആണോ ആയമ്മയുടെ കൺസേൺ? സ്‌ത്രീസുരക്ഷ ആകെ മൊത്തം ടോട്ടൽ കപ്പൽ കേറിയിരിക്കുന്ന ഒരിടത്താണ്‌ നമ്മൾ ജീവിക്കുന്നത്‌ എന്നത്‌ ഇവരെ തരി പോലും ഭയപ്പെടുത്തുന്നില്ലേ, ജാഗ്രത പാലിക്കാൻ തോന്നുന്നില്ലേ? ജാതിയും മതവും നോക്കിയല്ല പീഡിപ്പിക്കുന്നതും കടിച്ചുകീറുന്നതും എന്ന്‌ അറിയാഞ്ഞിട്ടാണോ ഇവർ? അതോ ഇവരുടെ ധാരണ ഇതാണോ?

ഡൽഹി നിർഭയ കേസിലെ പ്രതികളുടെ പേര്‌- മുകേഷ്‌, വിനയ്‌, അക്ഷയ്‌, പവൻ

ചെറുതായി ഒന്ന്‌ പീഡിപ്പിച്ചു, യോനി വഴി കമ്പി കുത്തിക്കയറ്റി, ഗർഭപാത്രം ഇങ്ങ്‌ വലിച്ച്‌ പറിച്ചെടുത്ത്‌ പുറത്തേക്ക്‌ വലിച്ചെറിഞ്ഞു. അത്രേ ചെയ്‌തുള്ളൂ. ആ പെണ്ണ്‌ മരിച്ചു പോയി. അവര്‌ നാല്‌ പേരും അവിടത്തെ ജമാഅത്ത് പള്ളിയിൽ അഞ്ച്‌ നേരം കൃത്യമായി നിസ്‌കരിക്കാൻ വരുന്ന എണ്ണം പറഞ്ഞ മുസ്‌ലിങ്ങളായിരുന്നു. യൂ നോ, കാക്കമാർ.
ഉന്നാവോ റേപ്പ്‌ കേസിലെ പ്രതി- കുൽദീപ്‌ സിങ്ങ്‌, ബിജെപി എംഎൽഎ ആയിരുന്നു. സർവ്വോപരി, ആ മഹല്ലിലെ മുക്രിയും.
ഹൈദരാബാദിൽ വനിത ഡോക്‌ടറെ അക്രമിച്ച്‌ കത്തിച്ചവരുടെ പേരുകൾ? ശിവ, നവീൻ, ചെന്നകേശവലു, അരീഫ്‌. ഇതിൽ അവസാനത്തെ പേരൊഴിച്ച്‌ ബാക്കിയെല്ലാം ഉറപ്പായും മുസ്‌ലിങ്ങളാണ്‌. ഡാം ഷുവർ.
എട്ടു വയസ്സുള്ള കുഞ്ഞിപൈതലായ കത്വ പെൺകുട്ടിയെ അമ്പലത്തിനകത്തിട്ട്‌ കീറിപ്പറിച്ചവർ- രാം, ദീപക്‌, പർവേശ്‌ കുമാർ, തിലക്‌, സുരേന്ദർ. അഞ്ച്‌ പേരും കടുത്ത ഇസ്‌ലാം മതവിശ്വാസികൾ. ഹൗ, എന്താ ഒരു ദീനിബോധവും നീതിബോധവും !
സൗമ്യ വധക്കേസിലെ പ്രതി- മുഹമ്മദ്‌ ഗോവിന്ദചാമി.
ഇനീം കുറേയുണ്ട്‌… തൽക്കാലം ഇത്രേം മതി.
ഇനി നിങ്ങൾ തന്നെ പറ.
ഒരു പെൺകുട്ടിയുടെ അമ്മയാ ഈ ചോദിക്കുന്നേ… ഇവിടെ ഹിന്ദു ഉണരണ്ടേ? കാക്കാമാർ ഞെളിഞ്ഞ്‌ നടക്കുന്ന ഈ നാട്ടിൽ നമ്മുടെ പെൺമക്കൾ എങ്ങനെ സ്വസ്‌ഥമായി വാഴും? ഹൊറിബിൾ ആന്റ്‌ ടെറിബിൾ.
ഉണരൂ ഹിന്ദൂ ഉണരൂ…
കമോൺ ഡൂഡ്‌, ടൈം റ്റു വേക്കപ്പ്‌ ആന്റ്‌ റൺ ദ എടപ്പോളോട്ടം…
കമോണ്ട്രാ…