ശ്വേതാമേനോനും കേന്ദ്രമന്ത്രി സ്മൃതി ഇറാനിയും തമ്മിൽ എന്താണ് ബന്ധമെന്നാണ് പലർക്കും അറിയേണ്ടത്. എന്തുബന്ധം ? രണ്ടുപേരും ഷോ ബിസിനസിൽ പ്രവർത്തിച്ചവർ എന്ന ബന്ധം , സഹപ്രവർത്തകർ എന്ന ബന്ധം. ഇതുതന്നെയാണ് ശ്വേതയും പറയുന്നത്. വർഷങ്ങൾക്ക് ശേഷം തന്റെ സഹപ്രവർത്തകയെ കണ്ടുമുട്ടിയതിന്റെ സന്തോഷത്തിൽ ആണ് ശ്വേതാ. കേന്ദ്രമന്ത്രി സ്മൃതി ഇറാനിക്കൊപ്പമുള്ള ചിത്രങ്ങൾ പങ്കുവയ്ക്കുകയാണ് താരം. 20 വര്ഷങ്ങള്ക്കു മുൻപ് തങ്ങൾ ഒന്നിച്ചുതുടങ്ങിയതാണ് മോഡലിംഗ് എന്നും ഇപ്പോൾ അവർ മന്ത്രി ആയെന്നും എന്നാൽ ഒരുമാറ്റവും ഇല്ലെന്നും ശ്വേത കുറിക്കുന്നു .
തങ്ങളുടെ ചിരകാല സൗഹൃദത്തെ കുറിച്ച് ഒരു മാദ്ധ്യമത്തിന് നൽകിയ അഭിമുഖത്തിൽ ശ്വേത പറഞ്ഞതിങ്ങനെയാണ്. ‘മുംബയിൽനിന്ന് തിരുവനന്തപുരത്തേയ്ക്കുള്ള ഫ്‌ളൈറ്റ് വൈകിട്ട് അഞ്ചരയ്ക്കായിരുന്നു. എയർപോർട്ടിൽ പതിവിലും നേരത്തെയെത്തി. ലോഞ്ചിൽവച്ചാണ് അടുത്ത ബുക്ക്സ്റ്റാളിൽ പുസ്തകങ്ങൾ തിരയുകയായിരുന്ന ആ സ്ത്രീയെ കണ്ടത്.നല്ല പരിചയമുള്ള മുഖം. പെട്ടെന്ന് ആളെ തിരിച്ചറിഞ്ഞു. പരിസരംപോലും മറന്ന് ഞാൻ നീട്ടിവിളിച്ചു. ഹായ് സ്മൃതി. പെട്ടെന്ന് അവർക്ക് ചുറ്റുമുണ്ടായിരുന്ന ചിലർ എന്നെ തുറിച്ചുനോക്കി. അബദ്ധം പറ്റിയെന്ന് അപ്പോഴാണ് എനിക്ക് മനസിലായത്. അവരിന്ന് എന്റെ പഴയ സഹപ്രവർത്തകയല്ല, കേന്ദ്രമന്ത്രിയാണ് സ്മൃതി ഇറാനി. ” ശ്വേത പറഞ്ഞു.
