തെന്നിന്ത്യൻ സിനിമയിലെ മുതിർന്ന ചലച്ചിത്രകാരനും സംവിധായകനുമായ എസ്. രാജമൗലിയുടെ ഒരു പഴയ വീഡിയോ വൈറലാകുകയാണ്, ഇന്റർനെറ്റ് ഉപയോക്താക്കൾ ഈ വീഡിയോ കണ്ടതിനുശേഷം അദ്ദേഹത്തിനെതിരെ ആഞ്ഞടിക്കുകയാണ് . യഥാർത്ഥത്തിൽ, ഈ വീഡിയോയിൽ, തെലുങ്ക് സിനിമകളിലെ താരമായ പ്രഭാസിനെയും ബോളിവുഡിലെ ഗ്രീക്ക് ഗോഡ് എന്നറിയപ്പെടുന്ന ഹൃത്വിക് റോഷനെയും രാജമൗലി താരതമ്യം ചെയ്യുന്നു. ഇതിനിടയിൽ അദ്ദേഹം ഹൃത്വിക്കിനെ ഉപയോഗശൂന്യനെന്ന് വിളിച്ചു, ഇത് അദ്ദേഹത്തിന്റെ ആരാധകർക്ക് ഇഷ്ടമായിട്ടില്ല , അവർ അദ്ദേഹത്തോട് അതൃപ്തി പ്രകടിപ്പിക്കുന്നു.
എന്താണ് രാജമൗലി വീഡിയോയിൽ പറയുന്നത് ?
2009-ൽ പ്രഭാസ് നായകനായ ‘ബില്ല’ എന്ന സിനിമയുടെ പ്രമോഷന്റെ സമയത്തുള്ളതാണ് വീഡിയോ. 2006-ൽ പുറത്തിറങ്ങിയ ഹൃത്വിക് റോഷൻ നായകനായ ‘ധൂം 2’ എന്ന ചിത്രത്തെ പരാമർശിച്ച് രാജമൗലി പറയുന്നു, “ധൂം 2 ഹിന്ദിയിൽ റിലീസ് ചെയ്തപ്പോൾ, എന്തുകൊണ്ടാണ് ബോളിവുഡ് മികച്ച നിലവാരം പുലർത്തുന്നതെന്ന് എനിക്ക് അത്ഭുതം തോന്നിയിരുന്നു . നമുക്ക് ഹൃത്വിക് റോഷനെ പോലുള്ള നടൻമാർ ഇല്ലാത്തതിൽ വിഷമം തോന്നി. എന്നാലിപ്പോൾ ബില്ലയുടെ പാട്ടും പോസ്റ്ററും കണ്ടതിന് ശേഷം ഇപ്പോൾ ട്രെയിലറും കണ്ടു.പ്രഭാസിന്റെ മുന്നിൽ ഹൃത്വിക് റോഷൻ ഒന്നിനും കൊള്ളാത്തവനാണെന്നാണ് ഇപ്പോൾ എനിക്ക് പറയാനുള്ളത്. തെലുങ്ക് സിനിമ ബോളിവുഡിനേക്കാൾ മികച്ചതായി മാറിയിരിക്കുന്നു, ഇപ്പോൾ ഞങ്ങൾ ഇംഗ്ലീഷ് ചിത്രങ്ങൾക്ക് തുല്യമാണ്.
#Expose If he had so much hate and jealousy for Bollywood then why is he begging to Bollywood now?
Dude we thought you are a genuine guy but you have more hate for us bcoz #Bollywood has been doing great & successful?🤷♂️ #HritikRoshan fans should see thispic.twitter.com/BOIcob8h1m— अपना Bollywood🎥 (@Apna_Bollywood) January 2, 2023
ഹൃത്വിക്കിന്റെ ആരാധകർ രാജമൗലിക്കെതിരെ
വിഡിയോയിൽ രോഷാകുലനായ ഹൃത്വിക് റോഷന്റെ ആരാധകൻ ഇങ്ങനെ എഴുതി, “അവൻ ഹോളിവുഡ് രംഗങ്ങൾ പകർത്തി ബാഹുബലി ഇറക്കി ഇന്ത്യൻ പ്രേക്ഷകരെ കൊണ്ട് ഒരു മികച്ച സംവിധായകനാണെന്ന് പറയിപ്പിച്ചു . പക്ഷേ ഇത് ദയനീയമാണ്. ഹൃത്വിക് റോഷനോട് ഇത്രയും വൃത്തികെട്ട വാക്കുകൾ എങ്ങനെ പറയാൻ കഴിയും?”. ഒരു ഉപയോക്താവ് അഭിപ്രായപ്പെട്ടു, “എന്നാൽ ഷാരൂഖ് ഖാന്റെ ‘ഡോൺ’ എന്ന ചിത്രത്തിന്റെ റീമേക്കാണ് ബില്ല. പ്രഭാസിനേക്കാൾ പ്രശസ്തമാണ് ഹൃത്വിക്കിന്റെ വിരലും നൃത്തവും… രാജമൗലിക്കുള്ള ‘പൊങ്കാല’ അങ്ങനെ പോകുന്നു
രാജമൗലിയുടെ മുൻ സിനിമ ‘ആർആർആർ’ ആയിരുന്നു, അതിൽ ജൂനിയർ എൻടിആറും രാംചരണും പ്രധാന വേഷങ്ങളിൽ അഭിനയിച്ചു, ബോളിവുഡിൽ നിന്നുള്ള രണ്ട് താരങ്ങളായ അജയ് ദേവ്ഗൺ, ആലിയ ഭട്ട് എന്നിവരും അതിൽ പ്രധാന കഥാപാത്രങ്ങളെ അവതരിപ്പിച്ചു. ലോകമെമ്പാടും 1155 കോടിയോളം ചിത്രം നേടിയിരുന്നു.
