ദളിത് പീഡനങ്ങളുടെ ചരിത്രം പഠിക്കുന്നവർക്ക് കണ്ണ് നനയിക്കുന്ന അദ്ധ്യായമാണ് കീഴ്‍വെണ്മണി കൂട്ടക്കൊല

Subhash Narayanan ന്റെ കുറിപ്പ്

വെട്രിമാരൻ സംവിധാനം ചെയ്ത് ധനുഷ്, മഞ്ജുവാര്യർ എന്നിവർ അഭിനയിച്ച ‘അസുരൻ’എന്ന ചിത്രത്തിൽ ‘ശിവസാമി’യെ അവതരിപ്പിച്ചതിന് മികച്ച നടനുള്ള ദേശീയ പുരസ്കാരം നേടിയിരിക്കുകയാണ് ധനുഷ്.ഈ ചിത്രത്തിന്റെ കഥയിലെ ഫ്ലാഷ് ബാക്ക് കീഴ് വെണ്മണി കൂട്ടക്കൊലയെന്ന യഥാർത്ഥ സംഭവത്തിൽ പ്രചോദനമുൾക്കൊണ്ട് എഴുതിയതാണ്.പൂമണി എഴുതിയ വെക്കൈ നോവൽ ആണ് സിനിമയുടെ തിരക്കാഥയ്ക്ക് അടിസ്ഥാനം.

സ്വതന്ത്ര ഇന്ത്യ കണ്ട ഏറ്റവും ഭീകരമായ ദളിത് കൂട്ടക്കൊലയാണ്. തമിഴ്‌നാട്ടിലെ തഞ്ചാവൂർ ജില്ലയിലെ (ഇന്നത്തെ നാഗപട്ടിണം ജില്ല) കീഴ്‌വെന്മണി എന്ന ഗ്രാമത്തിൽ 1968-ഇൽ നടന്നത്. കര്ഷകത്തൊഴിലാളികൾക്ക് കൂലി കൂട്ടിത്തരണം എന്നാവശ്യപ്പെട്ട് സിപിഐഎമ്മിന്റെ നേതൃത്വത്തിൽ നടത്തി വന്നിരുന്ന സമരത്തെ ഒതുക്കാൻ പോലീസിന്റെ അടക്കം സഹായത്തോടെ ജന്മിത്വ ശക്തികൾ വലിയ അക്രമങ്ങൾ അഴിച്ചുവിടുകയും, അതിന്റെ ഭാഗമായി ഒരു രാത്രിയിൽ പുരുഷന്മാർ സമരത്തിന്റെ പ്രചാരണത്തിന്റെ ഭാഗമായി മറ്റൊരിടത്തായിരുന്ന സമയം നോക്കി അവരുടെ കോളനിയിൽ സംഘം ചേർന്നെത്തി സ്ത്രീകളും, കുട്ടികളും, വൃദ്ധരും അടക്കം അവിടുണ്ടായിരുന്നവരെ മുഴുവൻ കുടിലിൽ തന്നെ വളഞ്ഞിട്ട് പൂട്ടിയിട്ട് തീയിട്ട് ചുട്ടുകൊല്ലുകയും, അതിൽ നിന്ന് രക്ഷപെടാൻ വേണ്ടി പുറത്ത് ചാടിയ ആളുകളെയും, രക്ഷപ്പെടുത്താൻ പുറത്തേക്കെറിഞ്ഞ കുഞ്ഞുങ്ങളെയും അടക്കം പിടിച്ച് വാളുകൊണ്ട് വെട്ടിയും മർദ്ദിച്ചും തിരിച്ച് തീയിലേക്ക് തന്നെ എറിയുകയും ചെയ്തു. 23 കുഞ്ഞുങ്ങളും 16 സ്ത്രീകളും അടക്കം 44 പേരെ അവർ അന്ന് ചുട്ടുകൊന്നു.

തമിഴ്‌നാടിനെ പിടിച്ച് കുലുക്കിയ ഈ സംഭവത്തെ തുടർന്ന് നടന്ന ഉശിരൻ സമര-പ്രക്ഷോഭങ്ങൾ ആ സമീപ പ്രദേശങ്ങളിലെല്ലാം പരിമിതമായെങ്കിലും ഭൂപരിഷ്കരണം നടപ്പിലാക്കിക്കാൻ കാരണമായി എന്നത് ചരിത്രം.സ്വതന്ത്ര ഇന്ത്യയിലെ കർഷക തൊഴിലാളികളുടെ സമര ചരിത്രവും, കമ്മ്യൂണിസ്റ്റ് മൂവ്മെന്റിന്റെ ചരിത്രവും, ദളിത് പീഡനങ്ങളുടെ ചരിത്രവും എല്ലാം പഠിക്കുന്നവർക്ക് കണ്ണ് നനയിക്കുന്ന അദ്ധ്യായമാണ് കീഴ്‍വെണ്മണി കൂട്ടക്കൊല. வாழ்த்துக்கள் தனுஷ் ❤️

 125 total views,  1 views today