എന്താണ് സ്വിസ് ചീസ് മോഡൽ, കൊറോണ കാലത്ത് അതിന്റെ പ്രസക്തിയെന്ത് ?

സുരക്ഷാ പാളികളിലെ വിള്ളലുകളെക്കുറിച്ച് പറയുമ്പോൾ പെട്ടന്ന് കാണാൻ കഴിയുന്ന ഒരു വിള്ളലിനെക്കുറിച്ച് പറയാം. അതാണ്‌ എമിഗ്രേഷൻ വിഭാഗത്തിന്റെ പിഴവ്. ഒരു യാത്രക്കാരൻ കൊറോണാ ബാധിത രാജ്യത്തിൽ നിന്നാണോ വരുന്നത് എന്ന് പരിശോധിക്കാൻ ഏതാനും സെക്കന്റുകൾ മാത്രമേ വേണ്ടി വരൂ. അത് എമിഗ്രേഷൻ ഡിപ്പാർട്ട്മെന്റിലെ ഉദ്യോഗസ്ഥൻ അത് ചെയ്തില്ല. അത് ചെയ്യാതിരിക്കാൻ അയാൾക്ക് അയാളുടേതായ കാരണങ്ങൾ വേറെയും ഉണ്ടാകും. ചിലപ്പോൾ അത്തരം ഒരു നിർദ്ദേശം അയാളുടെ മേലധികാരി നൽകിയിട്ടുണ്ടാകില്ല, സാങ്കേതിക കാരണങ്ങളുണ്ടാകാം അല്ലെങ്കിൽ അമിത ജോലിഭാരം മൂലം ചിലപ്പോൾ ഈ പറഞ്ഞ ആളെ തന്നെ വിട്ടുപോയതാകാം.. ഇനി പാസ്പോർട്ട്‌ സ്റ്റാമ്പ് ഇല്ലാത്ത സാഹചര്യമാണെങ്കിൽ അത് മുൻകൂട്ടി കാണാൻ കണ്ട് അത് മറികടക്കാൻ കഴിയാതിരുന്ന പിഴവ്.. അങ്ങനെ പല പല പിഴവുകൾ. ഇത്തരത്തിലുള്ള പ്രത്യക്ഷമായും പരോക്ഷമായുമുള്ള അനേകം പിഴവുകൾ ഒരു മാലയായി വരുമ്പോൾ മാത്രമാണ്‌ ഇതുപോലെയുള്ള വൻ ദുരന്തങ്ങൾ ഉണ്ടാകുന്നത്. ഈ വിഷയം തന്നെ ഒരു കേസ് സ്റ്റഡി ആയെടുത്ത് ഇത് തടയാൻ കഴിയുമായിരുന്ന സുരക്ഷാ പാളികളെക്കുറിച്ചും നിലവിൽ ഉള്ള സുരക്ഷാ പാളികളിൽ നിങ്ങൾക്ക് അറിയാവുന്ന വിള്ളലുകളെക്കുറിച്ചും പറയൂ.