ദസുൻ ശനക ഏഷ്യാ കപ്പ് ഏറ്റു വാങ്ങുന്നത് കാണുമ്പോൾ എന്തോ, വല്ലാത്തൊരു സന്തോഷം 

ബൂലോകം
ബൂലോകം
Facebook
Twitter
WhatsApp
Telegram
18 SHARES
217 VIEWS

ദസുൻ ശനക എന്ന ശ്രീലങ്കൻ ക്യാപ്റ്റൻ ഏഷ്യാ കപ്പ് ഏറ്റു വാങ്ങുന്നത് കാണുമ്പോൾ എന്തോ, വല്ലാത്തൊരു സന്തോഷം 

Suresh Varieth

ഓർമയിലൊരു ശ്രീലങ്കൻ ക്രിക്കറ്റ് ടീമുണ്ട്. 1994 വരെ തോൽവികൾ മാത്രം ശീലമാക്കിയ, അക്കാലത്ത് സിംബാബ്വേ കഴിഞ്ഞാൽ ഏറ്റവും ദുർബലമായിരുന്ന ടീം. അരവിന്ദ ഡിസിൽവയെ മാത്രം ആശ്രയിച്ച് വല്ലപ്പോഴും ഒറ്റപ്പെട്ട പ്രകടനങ്ങൾ നടത്തിയ ടീം. എന്നാൽ രണ്ടു വർഷത്തിനുള്ളിൽ ഒരു ടീമെന്ന നിലയിൽ അവരുടെ ട്രാൻസിഷൻ അപാരമായിരുന്നു. അർജുന രണതുംഗയെന്ന പാടിപ്പുകഴ്ത്താത്ത ക്യാപ്റ്റൻ്റെയും കളിക്കാരൻ്റെയും കീഴിൽ, അരവിന്ദ ഡിസിൽവയുടെ തോളിലേറി ശ്രീലങ്ക 1996 ലോകകപ്പിൽ മുത്തമിട്ടു. പരിചയ സമ്പന്നരായ റോഷൻ മഹാനാമക്കും ഹഷാൻ തിലകരത്‌നെക്കും അശാങ്ക ഗുരുസിങ്കെക്കുമൊപ്പം താരതമ്യേന പുതുമുഖങ്ങളായ മുത്തയ്യ മുരളീധരനേയും ചാമിന്ദ വാസിനെയും ജയസൂര്യയേയും കലുവിതരണയേയും ധർമസേനയേയും ഒന്നിച്ചു ചേർത്ത് രണതുംഗയെന്ന തന്ത്രജ്ഞൻ ലോക ഏകദിന ക്രിക്കറ്റിൻ്റെ സമവാക്യങ്ങൾ തിരുത്തിയെഴുതി. കാലങ്ങൾ പോകവേ, മർവൻ അട്ടപ്പട്ടുവായും മഹേള ജയവർധനെയായും കുമാർ സംഗക്കാരയായും ദിൽഷനായും അജാന്ത മെൻഡിസ് ആയും ഹെറാത്ത് ആയും ശ്രീലങ്ക ക്രിക്കറ്റ് ലോകത്തിന് ഒരു പാടു സൂപ്പർ താരങ്ങളെ സംഭാവന നൽകി.

പിന്നീടൊരു കാലത്ത്, അടുത്തൊരു ട്രാൻസിഷൻ പിരീഡിൽ ശ്രീലങ്കൻ ക്രിക്കറ്റ് എവിടെയോ വീണു പോയി. ഒരു തവണ വീതം ഏകദിന – T20 ക്രിക്കറ്റിൽ ലോക ചാമ്പ്യനായവർ, രണ്ടു തവണ തുടർച്ചയായി ഏകദിന ലോകകപ്പിൽ രണ്ടാം സ്ഥാനക്കാരായവർ, വമ്പൻ പേരുകളുടെ ഉടമകൾ 2014 നു ശേഷം എവിടെയോ പോയ് മറഞ്ഞു. അവരുടെ ലോകമെന്നാൽ ഏയ്ഞ്ചലോ മാത്യൂസിലേക്കും ഒരു പരിധി വരെ ദിനേശ് ചാണ്ഡിമാലിലേക്കും മലിംഗയിലേക്കും സുരംഗ ലാക്മലിലേക്കുമെല്ലാം ഒതുങ്ങി.കൂനിൻമേൽ കുരുവെന്ന പോലെ ശ്രീലങ്കൻ ക്രിക്കറ്റ് ബോർഡിലെ പ്രശ്നങ്ങളും സാമ്പത്തിക അരക്ഷിതാവസ്ഥയും നാട്ടിലെ രാഷ്ട്രീയ സാമൂഹിക പ്രശ്നങ്ങളുമെല്ലാം ലങ്കൻ ക്രിക്കറ്റിനെയും ബാധിച്ചു. പല മികച്ച കളിക്കാരും കളി നിർത്താൻ പോലും കാരണമായി…. ഈ രാത്രിയിലെ ഹീറോ ഭാനുക രാജപക്സെ പോലും ലങ്കൻ ബോർഡുമായുള്ള പ്രശ്നത്തെത്തുടർന്ന് കരിയർ പ്രതിസന്ധിയിലായ ആളാണ്. ഒരിക്കൽ മുടി ചൂടാമന്നരായവർ ആർക്കും തോൽപ്പിക്കാവുന്നവർ എന്ന നിലയിലേക്ക് കൂപ്പുകുത്തി.

ഏഷ്യാ കപ്പ് തുടങ്ങുമ്പോൾ, പലരുടെയും മനസ്സ് ശ്രീലങ്കക്കൊപ്പമായിരുന്നെങ്കിലും തലച്ചോർ ഇന്ത്യക്കും പാക്കിസ്ഥാനും കൂടെയായിരുന്നു. ആദ്യ മത്സരത്തിൽ അപ്രതീക്ഷിതമായി, അതിദയനീയമായി അഫ്ഗാനിസ്ഥാനോട് പരാജയപ്പെടുമ്പോൾ ബംഗ്ലാദേശിനും ഒരു പക്ഷേ അഫ്ഗാനും പുറകിൽ, ഹോങ്കോങ്ങിനു മാത്രം മുൻപിൽ ഒരു സ്ഥാനമായിരുന്നിരിക്കണം ക്രിക്കറ്റ് ലോകം അവർക്ക് കൽപ്പിച്ചു നൽകിയത്. സെപ്റ്റംബർ 11 ൻ്റെ രാത്രിയിൽ ദുബായ് ഇൻ്റർനാഷണൽ സ്‌റ്റഡിയത്തിൽ ശനക കപ്പുയർത്തുമ്പോൾ താഴ്ന്നത് ക്രിക്കറ്റ് ലോകത്തെ അപ്രമാദിത്തങ്ങളുടെ തലകൾ കൂടിയായിരുന്നു.ടൂർണമെൻ്റിൽ സകലരും പഴിച്ച ടോസ് നഷ്ടമായി, ഒമ്പതാം ഓവറിൽ 58/5 എന്ന നിലയിൽ തകരുമ്പോൾ അവർക്ക് ഏക പ്രതീക്ഷ രാജപക്സെ മാത്രമായിരുന്നു.

ബൗളിങ് ഓൾറൗണ്ടർമാരായ ഹസരങ്കയെയും കരുണരത്‌നെയെയും കൂട്ടാളികളാക്കി കത്തിക്കയറിയ അയാൾ അവസാന പന്തുകളിൽ ഫോറും സിക്സറുമടിച്ച് ടീമിന് നൽകിയത് 170 എന്ന സ്കോർ മാത്രമല്ല, മാനസികമായ മുൻതൂക്കം കൂടിയായിരുന്നു. ഹസരങ്കയോടൊപ്പം പ്രമോദ് മധുശനും പാക്കിസ്ഥാനെ തകർക്കാൻ മത്സരിച്ചപ്പോൾ, കൈമോശം വന്ന പൂർവകാല പ്രതാപം കുറഞ്ഞ പക്ഷം കുട്ടി ക്രിക്കറ്റിലെ ഏഷ്യൻ ചാമ്പ്യൻമാർ എന്ന രീതിയിലെങ്കിലും അവർ വീണ്ടെടുക്കുകയാണ്. ഏഷ്യാ കപ്പ് ഒരിക്കലും ക്രിക്കറ്റ് ലോകത്തെ അവസാന വാക്കല്ല, ഉടൻ ടി20 ലോകകപ്പ് വരുന്നുണ്ട്, അടുത്ത വർഷം ഏകദിന ലോകകപ്പും, കൂടെ ടെസ്റ്റ് ചാമ്പ്യൻഷിപ്പും….. മുൻ പ്രതാപം വീണ്ടെടുക്കാൻ ശ്രീലങ്കക്ക് ഈ വിജയം പ്രചോദനമാവട്ടെ.

LATEST

എണ്ണിയാലൊടുങ്ങാത്ത ഈ നക്ഷത്രപ്പൊട്ടുകള്‍ക്കിടയിലെ പ്രപഞ്ചശൂന്യതയുടെ ആഴം എത്രയാവുമെന്ന് ചിന്തിക്കാനാവുന്നുണ്ടോ !!

Basheer Pengattiri പ്രപഞ്ചം ഒരുപാട് ഒരുപാട് വലുതാണ് എന്നത് ആർക്കും തർക്കമില്ലാത്ത വസ്തുതയാണ്.

കാന്താരയിലെ ശിവയ്ക്ക് മാനസികരോഗമെന്ന്, ജുറാസിക് പാർക്ക് ദിനോസറുകളെ തുരത്തുന്ന സിനിമയാണെന്ന് പറയുന്നവരോട് എന്ത് പറയാൻ

കാന്താരയിലെ ശിവക്ക് മാനസികാരോഗ്യ പ്രശ്നമാണ് എന്നാണു അനു ചന്ദ്രയുടെ പോസ്റ്റിൽ പറയുന്നത്. വിഷ്വൽ