“സ്വരം” ടീസർ റിലീസ് ചെയ്തു

പത്രപ്രവർത്തകനായിരുന്ന എ. പി. നളിനൻ രചിച്ച ” ശരവണം “എന്ന നോവലെറ്റിന്റെ ചലച്ചിത്രാ വിഷ്കാരമാണ് “സ്വരം” കുങ്കുമം മാസികയിൽ 2004 ൽ പ്രസിദ്ധീകരിക്കപ്പെട്ട “ശരവണം “ഏറെ വൈകാതെ പുസ്തക രൂപത്തിൽ പുറത്തിറങ്ങി.

ഗവേഷകവിദ്യാർത്ഥിയായ ഉണ്ണിയുടെ ആത്മന്വേഷണത്തിന്റെ കഥയാണ് ഇവിടെ അനാവരണം ചെയ്യപ്പെടുന്നത്. “ശരവണ”ത്തെ അവലംബിച്ച് നളിനൻ തന്നെയാണ് “സ്വര”ത്തിന്റ തിരക്കഥ യും സംഭാഷണവും ഒരുക്കിയിരിക്കുന്നത്.ഉണ്ണിയുടെ ആത്മബന്ധങ്ങളുടെ ഇഴയടുപ്പവും ശൈഥി ല്യവും ചിത്രം വിശദ മാക്കുന്നുണ്ട്. സ്വപ്നങ്ങളും മൗനനൊമ്പരങ്ങളും ഇടകലർന്ന മനസ്സുകൾ, വികല്പങ്ങളിൽ ഇടറിനില്ക്കുന്ന ആത്മാക്കൾ – ഇവയെകുറിച്ചാണ് “സ്വരം “സംസാരിക്കുന്നത്. വാരിയത്തെ ലക്ഷ്മിക്കുട്ടിയും സർവകലാശാലയിലെ ലേഖയും ഉണ്ണിയുടെ മനസ്സിനെ ഒരേ സമയം തരളിതമാക്കുന്നുണ്ട്. നിരാസങ്ങൾക്കു മുന്നിൽ പതറി ഉണ്ണിയുടെ ചിന്തകൾ കാടുകയറുന്നതോടെ ഒരു ഉപരിമനസ്സിന്റെ സഹായം ആവശ്യമായി വരുന്നു. ലേഖയുടെ ആത്മീയ ഗുരുവായ ജ്ഞാന ചെയ്തന്യയാണ് ഉണ്ണിയെ ഉള്ളുണർത്തി ജീവിത്തിലേക്ക് തിരിച്ചുകൊണ്ടുവരുന്നത്.സ്നേഹത്തെ കുറിച്ചുള്ള തനിമയാർന്ന സന്ദേശമാണ് “സ്വരം “നൽകുന്നത്. വ്യക്തിഗതമല്ലാത്ത സ്നേഹത്തിന്റെ ആത്മീയ തലങ്ങൾ ചിത്രത്തിൽ ചർച്ച ചെയ്യപ്പെടുന്നു. കോവിലമ്മയും ഓപ്പോളുംവലിയച്ഛനും മിനിക്കുട്ടിയും കാവടിക്കാരനും ഫക്കീർബാബായുമെല്ലാം സ്വരത്തിലെ സ്‌നേഹത്തുടിപ്പുകളാണ്.

നാടും നഗരവും “സ്വര”ത്തിന് പശ്ചാത്തല മൊരുക്കുന്നു. വൈദികനും അവധൂധനും മനഃശാസ്ത്രജ്ഞനും വികാരിയച്ചനുമെല്ലാം ഈ ചിത്രത്തിൽ ക്രിയാത്മകമായ ഇടപെടലുകൾ നടത്തുന്നുണ്ട്.സ്വച്ഛമായ ആത്മീയ തയുടെ സാന്നിധ്യം അന്തരീക്ഷത്തെ ധന്യമാക്കുന്നു. മനസ്സിന്റെ പീലിക്കണ്ണുകൾ വിടർത്തി നീക്കി പൊരുൾ തേടുന്ന “സ്വരം “എന്നചിത്രം ആസ്വാദകർക്ക് ഒരു പുതിയ അനുഭവമായിരിക്കും. രാജകീയം സിനിമാസിന്റെ ബാനറിൽ വിനോദ്കുമാർ ചെറുകണ്ടിയിൽ നിർമ്മിക്കുന്ന “സ്വരം”സംവിധാനം ചെയ്യുന്നത് നിഖിൽ മാധവാണ്. ക്യാമറ: മോഹിത് ചെമ്പോട്ടിയിൽ, എഡിറ്റർ : റെജിനാസ് തിരുവമ്പാടി. കോഴിക്കോട് മുക്കത്തും പരിസരങ്ങളിലുമാണ് സ്വരത്തിന്റെ ചിത്രീകരം നടന്നത്.ജോയ് മാത്യു, കോഴിക്കോട് നാരായണൻ നായർ, കോബ്ര രാജേഷ്,ഡോ.സനൽ കൃഷ്ണൻ, കവിത ബൈജു, മാളവിക നന്ദൻ, മായ ഉണ്ണിത്താൻ, വത്സല നിലമ്പൂർ, നന്ദന, അമേയ,ശ്രീസ്വാവാനിക, മാസ്റ്റർ അർജുൻ സായ് തുടങ്ങിയവർ മുഖ്യകഥാപാത്രങ്ങളെ അവതരിപ്പിക്കുന്നു.എ. പി. നളിനൻ, ടി. രേഖ, പ്രമോദ് വെള്ളച്ചാൽ എന്നിവരുടെ ഗാനങ്ങൾക്ക് എൽ.ശശികാന്ത്, ഹരികുമാർ ഹരേറാം എന്നിവർ ഈണം പകർന്നിരിക്കുന്നു. – വാഴൂർ ജോസ്.

You May Also Like

ഗയ്‌ റിച്ചി തന്റെ ‘സ്വതസിദ്ധ’ തട്ടുപൊളിപ്പൻ ശൈലി ചെറുതായൊന്ന് മാറ്റി പിടിച്ചപ്പോൾ പിറന്നത് ഒരുഗ്രൻ യുദ്ധ സിനിമ

The Covenant (2023) ഒരുപാട് മികച്ച അഭിപ്രായങ്ങൾ കേട്ടപ്പോഴും ഇത്രയും ഗംഭീരമായൊരു സിനിമയാകുമെന്ന് കരുതിയില്ല. ഒരു…

ഹേമ കമ്മിറ്റി റിപ്പോര്‍ട്ടിൽ പറയുന്ന 15 ‘പ്രമുഖ’ കാട്ടുകള്ളന്മാരെ വെളിച്ചത്തു കൊണ്ടുവരണമെന്ന് മാക്ട

ഹേമ കമ്മിറ്റി റിപ്പോര്‍ട്ട് പുറത്ത് കൊണ്ടുവരണമെന്ന് മാക്ട ഫെഡറേഷൻ ആവശ്യപ്പെട്ടിരിക്കുന്നു. സോഷ്യൽ മീഡിയ കുറിപ്പിലാണ് മാക്ട…

ബിഗ് ബോസിലേക്കുള്ള ക്ഷണം നിരസിച്ച് സംവിധായകൻ

ബിഗ് ബോസ് സീസൺ 4 തുടങ്ങാൻ ഏതാനും ദിവസങ്ങൾ കൂടി അവശേഷിക്കുമ്പോൾ മത്സരാർത്ഥികൾ ആരാണ് എന്നതിനെ…

“അയാൾ ബലമായി കെട്ടിപ്പിടിച്ച് ശരീരത്തിന് പിൻഭാഗത്തൂടെ കൈ വിരലുകൾ ഓടിച്ചു”, അർജുനെതിരെ വീണ്ടും ശ്രുതി ഹരിഹരൻ

2018 ഒക്ടോബറിൽ, MeToo പ്രസ്ഥാനത്തിന്റെ ഭാഗമായി നടി ശ്രുതി ഹരിഹരൻ, 2015 നവംബറിൽ, 2016 ലെ…