എസ്.എസ്.എൽ.സി പരീക്ഷയിൽ തോൽക്കുന്നവരും മാർക്ക് കുറഞ്ഞവരും ദയവായി ഇത് വായിക്കുക

പക്ഷെ, നാമൊരു കാര്യം തിരിച്ചറിയണം. ഇന്നത്തെ ലോക സാഹചര്യത്തിൽ നമുക്ക് എവിടെയെങ്കിലും കയറിച്ചെന്ന് ഒരു വാതിലിൽ മുട്ടണമെങ്കിൽ സർട്ടിഫിക്കറ്റുകൾ (Knocking Tool) ആവശ്യമാണ്. അത് കൊണ്ട് വീണിടത്ത് നിന്ന് എഴുന്നേറ്റ് ശ്രമിക്കുക. മാർക്ക് കുറഞ്ഞാലും, പിടിച്ചു നിൽക്കാനുള്ള – വാതിലുകളിൽ മുട്ടാൻ യോഗ്യതയുള്ള സർട്ടിഫിക്കറ്റുകൾ നേടുക. ശേഷം, വാതിലുകളിൽ മുട്ടുക. തുറന്നു കിട്ടുന്ന വാതിലിൽ അകത്ത് കയറുക. ശേഷം, അങ്ങേയറ്റം ആത്മാർത്ഥമായി, സത്യസന്ധമായി, യുക്തിയും വിവേകവും ഉപയോഗിച്ച് കഴിവ് തെളിയിക്കുക. പിന്നീട് ഒരിക്കലും തിരിഞ്ഞു നോക്കേണ്ടി വരില്ല. പക്ഷെ, കിട്ടുന്ന അവസരത്തിൽ വെള്ളം ചേർക്കുകയോ, അതിൽ ആത്മാർഥത ഇല്ലാതെ പ്രവർത്തിക്കുകയോ ചെയ്യരുത്…!

പരീക്ഷകളിൽ തോൽക്കുന്ന മക്കളെ മാതാപിതാക്കൾ ശാരീരികമായോ മാനസികമായോ ഉപദ്രവിക്കാതിരിക്കുക.തുടർന്നും മക്കളെ പഠിപ്പിക്കുക.മറ്റെന്തെങ്കിലും കഴിവുകൾ മക്കൾക്കുണ്ടെങ്കിൽ അത് പ്രകടമാക്കാനുള്ള അവസരങ്ങൾ മാതാപിതാക്കൾ നൽകുക.അടുത്ത വീട്ടിലെ കുട്ടിയുമായും അവരുടെ കഴിവുകളുമായും സ്വന്തം മക്കളെ ഒരിക്കലും താരതമ്യം ചെയ്യരുത്.ഓരോ വ്യക്തിയുടെയും INTELLIGENCE QUOTIENT ( IQ ) വളരെ വ്യത്യാസമായിരിക്കും.അതുകൊണ്ടു തന്നെ ഓരോ മനുഷ്യനിലും കഴിവുകളും പോരായ്മകളും വ്യത്യാസമായിരിക്കും.നമുക്കിടയിൽ പാടുന്നവർ എത്രയോ പേരുണ്ട്,പക്ഷെ എല്ലാരും കേ ജെ യേശുദാസും കെ എസ് ചിത്രയും ആകുന്നതേയില്ല.അതുപോലെ എത്രയോ പേർക്ക് ഓടാനും ചാടാനും കഴിവുണ്ട്.പക്ഷെ എല്ലാർക്കും പി ടി ഉഷയും അഞ്ചു ബോബി ജോർജ്ജും ആകാൻ കഴിയില്ല.
തോറ്റവർക്കും കൂടിയുള്ളതാണ് ഈ ലോകം.
പഠനത്തിലും പരീക്ഷകളിലും തോൽവികൾ സർവ്വ സാധാരണമാണ്.വീണിടത്തു തന്നെ കിടക്കാതെ സടകുടഞ്ഞു എഴുന്നേൽക്കുക.വീണ്ടും വീണ്ടും പഠിക്കുക,,,,ജീവിതം പഠിക്കുക,ജീവിത പരീക്ഷണങ്ങളിൽ വിജയിക്കുക,
വിജയിക്കുന്നവരെ പ്രശംസിക്കുന്നവർ തോൽക്കുന്നവരെ സമാശ്വസിപ്പിക്കാനും ശ്രമിക്കുക.
ഒരു കുട്ടിയും മാനസിക സമ്മര്‍ദ്ദത്താൽ കുടുംബം വിട്ടു പോകരുതേ എന്ന പ്രാർത്ഥനയോടെ..
ഒരു ജീവനും നഷ്ടമാകരുതേ എന്ന പ്രാർത്ഥനയോടെ..

-സ്നേഹപൂർവ്വം …
Syed Ali Aliyar

( 1987 ൽ ഞാൻ പഠിക്കുമ്പോൾ ആ ഒരു വർഷം SSLC എന്നത് SSC എന്നായിരുന്നു.1200 മാർക്കിനായിരുന്നു ചോദ്യങ്ങൾ ഉണ്ടായിരുന്നത്.ഓരോ വിഷയത്തിനും 100 mark. 420 കിട്ടിയാൽ മാത്രമേ അന്ന് ജസ്റ്റ് പാസ്ഡ് എങ്കിലും ആകുമായിരുന്നുള്ളൂ .., )