മമ്മൂട്ടി യുടെ കരിയറിലെ നാഴികക്കല്ലായ ചിത്രം ഒരുക്കിയ ടി.എസ്. സുരേഷ്ബാബു ഇടവേളയ്ക്കു ശേഷം മടങ്ങിവരികയാണ്

മലയാളികൾക്കു എന്നെന്നും ഓർത്തിരിക്കാൻ ചില ഹിറ്റ് സിനിമകൾ നൽകിയ സംവിധായകൻ ആണ് ടി എസ് സുരേഷ്ബാബു.1979 ൽ ശ്രീകുമാരൻ തമ്പിയുടെ പുതിയ വെളിച്ചം എന്നസിനിമയിൽ സഹസംവിധായകനായിട്ടായിരുന്നു ടി എസ് സുരേഷ്ബാബുവിന്റെ തുടക്കം. 1983 ൽ പി ജി വിശ്വംഭരൻ സംവിധാനം ചെയ്ത ഹിമവാഹിനി യിൽ അസോസിയേറ്റ് സംവിധായകനായും പ്രവർത്തിച്ചു. 1984 ൽ ആണ് അദ്ധേഹം സ്വതന്ത്ര സംവിധായകനാകുന്നത്. മമ്മൂട്ടി, മോഹൻലാൽ, ശങ്കർ എന്നിവർ അഭിനയിച്ച ഇതാ ഇന്നുമുതൽ ആയിരുന്നു ആദ്യചിത്രം. റെജി എന്നപേരിലായിരുന്നു സുരേഷ് ബാബു തന്റെ ആദ്യചിത്രം സംവിധാനം ചെയ്തത്. അദ്ധേഹം സംവിധാനം ചെയ്ത ഇരുപതോളം ചിത്രങ്ങളിൽ പലതും വലിയ സാമ്പത്തികവിജയം നേടിയവയായിരുന്നു. മമ്മൂട്ടിയുടെ കരിയറിലെ നാഴികക്കല്ലായ കോട്ടയം കുഞ്ഞച്ചൻ ടി എസ് സുരേഷ്ബാബുവിന്റെ സംവിധാനത്തിൽ പിറന്ന സിനിമയായിരുന്നു. ഇതാ ഇന്നുമുതൽ, കന്യാകുമാരി എക്സ്പ്രസ്സ്, എന്നീ സിനിമകളുടെ കഥാകൃത്തും. അദ്ധേഹം K S F D C മെമ്പർ ആയി പ്രവർത്തിച്ചിട്ടുണ്ട്.ടി എസ് സുരേഷ്ബാബുവിന്റെ ഭാര്യ ശ്രീജ, മകൾ പാർവതി സുരേഷ്.

കോട്ടയം കുഞ്ഞച്ചൻ, ഉപ്പുകണ്ടം ബ്രദേഴ്‌സ്, കിഴക്കൻ പത്രോസ്, മാന്യന്മാർ എന്നീ ചിത്രങ്ങൾ വലിയതോതിൽ ജനശ്രദ്ധ നേടിയ ചിത്രങ്ങളാണ്. ഇരുപത്തിനോടടുത്തു ചിത്രങ്ങൾ സംവിധാനം ചെയ്ത അദ്ദേഹം വലിയൊരു ഇടവേളയ്ക്കു ശേഷം ഇപ്പോൾ മടങ്ങി വരികയാണ്. രണ്ടു ചിത്രങ്ങളുമായി ശക്തമായ തിരിച്ചു വരവിനൊരുങ്ങുന്നു. ബെൻസി പ്രൊഡക്ഷൻസിന്റെ ബാനറിൽ കെ വി അബ്ദുൾ നാസർ നിർമ്മിക്കുന്ന ” ഡിഎൻഎ “, “ഐപിഎസ് ” തുടങ്ങിയ ചിത്രങ്ങളാണവ. മെഗാസ്റ്റാർ മമ്മൂട്ടിയാണ് രണ്ടു ചിത്രങ്ങളുടെയും ടൈറ്റിൽ ലോഞ്ച് നിർവ്വഹിച്ചത്. ‘IF REVENGE IS AN ART YOUR KILLER IS AN ARTIST’ എന്ന ടാഗ്‌ലൈനോടെ അവതരിപ്പിക്കുന്ന ഡിഎൻഎയാണ് ആദ്യം ചിത്രീകരണം തുടങ്ങുക. ജനുവരി 26-ന് ഷൂട്ടിംഗ് ആരംഭിക്കുന്ന ചിത്രത്തിന്റെ ലൊക്കേഷൻസ് എറണാകുളവും ചെന്നൈയുമാണ്.

അസ്കർ സൗദാൻ നായകനാകുന്ന ചിത്രത്തിൽ അജു വർഗീസ്, ജോണി ആന്റണി, ഇന്ദ്രൻസ് , രവീന്ദ്രൻ , സെന്തിൽരാജ്, പത്മരാജ് രതീഷ് , ഇടവേള ബാബു, സുധീർ (ഡ്രാക്കുള ), അമീർ നിയാസ്, പൊൻവർണ്ണൻ , നമിതാ പ്രമോദ്, ഹണി റോസ് , ഗൗരിനന്ദ, ലക്ഷ്മി മേനോൻ , അംബിക എന്നിവർക്കൊപ്പം ബാബു ആന്റണിയും ഒരു സുപ്രധാന വേഷത്തിൽ എത്തുന്നു.

ബാനർ – ബെൻസി പ്രൊഡക്ഷൻസ്, നിർമ്മാണം – കെ വി അബ്ദുൾ നാസർ, സംവിധാനം – ടി എസ് സുരേഷ് ബാബു, രചന – ഏ കെ സന്തോഷ്, എഡിറ്റിംഗ് – ഡോൺ മാക്സ് , ചമയം – പട്ടണം റഷീദ്, പ്രൊഡക്ഷൻ കൺട്രോളർ – അനീഷ് പെരുമ്പിലാവ്, ചീഫ് അസ്സോസിയേറ്റ് ഡയറക്ടർ – അനിൽ മേടയിൽ, കല-ശ്യാം കാർത്തികേയൻ, കോസ്റ്റ്യും – നാഗരാജൻ, ആക്ഷൻ -സ്‌റ്റണ്ട് സെൽവ, പഴനിരാജ്, ഫിനിക്സ് പ്രഭു, പബ്ളിസിറ്റി ഡിസൈൻസ് – അനന്തു എസ് കുമാർ , പി ആർ ഓ – വാഴൂർ ജോസ് ,അജയ് തുണ്ടത്തിൽ .