ചിയാൻ വിക്രമിന്റെ ‘തങ്കലാൻ’ ടീസർ കണ്ടവർ ആശയക്കുഴപ്പത്തിൽ ! വിശദീകരണവുമായ് വിക്രമിന്റെ മാനേജർ

വ്യത്യസ്തമായ വേഷങ്ങൾ കൈകാര്യം ചെയ്ത് പ്രേക്ഷകരെ എന്നും വിസ്മയിപ്പിക്കുന്ന നടനാണ് ചിയാൻ വിക്രം. താരത്തിന്റെ റിലീസിനൊരുങ്ങുന്ന ഏറ്റവും പുതിയ ചിത്രമാണ് ‘തങ്കലാൻ’. ചിത്രത്തിന്റെ ടീസർ അടുത്തിടെയാണ് പുറത്തുവിട്ടത്. പ്രേക്ഷകരെ ആകാംക്ഷയുടെ മുൾമുനയിൽ നിർത്തുന്ന ടീസറിൽ ഡയലോഗുകളൊന്നുമില്ലാതെ പ്രത്യക്ഷപ്പെട്ട വിക്രമിനെ കണ്ട് സിനിമയിലും വിക്രമിന് ഡയലോഗില്ലെ എന്ന സംശയം പ്രകടിപ്പിച്ചിരിക്കുകയാണ് ആരാധകർ. ഇതിന് മറുപടി എന്നോണം വിക്രമിന്റെ മാനേജർ എം സൂര്യനാരായണൻ ട്വിറ്ററിലിട്ട പോസ്റ്റ് ശ്രദ്ധ നേടുന്നു.

മാനേജർ പറഞ്ഞതിങ്ങനെ, “തങ്കാലനിൽ ചിയാൻ സാറിന് ഡയലോഗ് ഇല്ല എന്നതിനെക്കുറിച്ച് സോഷ്യൽ മീഡിയയിൽ ഉയർന്ന ആശയക്കുഴപ്പം ശ്രദ്ധയിൽ പെട്ടിരുന്നു. അതിന് വ്യക്തത വരുത്തുന്നു, ‘തങ്കാലൻ’നിൽ ലൈവ് സിങ്ക് സൗണ്ടാണ് നൽകിയിരിക്കുന്നത്. സിനിമയിൽ തീർച്ചയായും വിക്രം സാറിന് ഡയലോഗുകൾ ഉണ്ട്. ഒരു റിപ്പോർട്ടർ വിക്രം സാറിനോട് സിനിമയിൽ ഡയലോഗുണ്ടോ എന്ന് ചോദിച്ചപ്പോൾ ‘ടീസറി’ൽ തനിക്ക് ഡയലോഗില്ല എന്ന് വിക്രം സാർ തമാശ രൂപേണ പറഞ്ഞതാണ്.”

ചരിത്രത്തോടൊപ്പം മിത്ത് ചേർത്ത്, KGF പശ്ചാത്തലത്തിൽ ഒരുക്കിയിരിക്കുന്ന ഈ ചിത്രം പാ.രഞ്ജിത്താണ് സംവിധാനം ചെയ്യുന്നത്. പാർവതി തിരുവോത്താണ് നായിക. മാളവിക മോഹനും പശുപതിയും സുപ്രധാന വേഷത്തിലെത്തുന്നു.സ്റ്റുഡിയോ ഗ്രീൻ, നീലം പ്രൊഡക്ഷൻസ് എന്നിവയുടെ ബാനറിൽ കെ ഇ ജ്ഞാനവേൽ രാജ് നിർമ്മിക്കുന്ന ‘തങ്കലാൻ’ 2024 ജനുവരി 26ന് തിയറ്ററുകളിലെത്തും. പത്തൊമ്പതാം നൂറ്റാണ്ടിലെ ബ്രിട്ടീഷ് കാലഘട്ടത്തിൽ ‘കെ.ജി.എഫ്’ൽ നടന്ന ഒരു സംഭവത്തെ ആധാരമാക്കിയാണ് ചിത്രം ഒരുങ്ങുന്നത്.
തമിഴിലെ ഹിറ്റ് മേകറും ദേശീയ അവാർഡ് ജേതാവുമായ ജി.വി പ്രകാശ്കുമാർ സംഗീതം പകരുന്ന ചിത്രത്തിന്റെ ഛായാഗ്രഹണം കിഷോർ കുമാറും ചിത്രസംയോജനം ആർ.കെ സെൽവയുമാണ് നിർവഹിക്കുന്നത്. കലാസംവിധാനം: എസ് എസ് മൂർത്തി, ആക്ഷൻ കൊറിയോഗ്രഫി: സ്റ്റന്നർ സാം, പിആർഒ: ശബരി.

You May Also Like

ബ്രോഡാഡിയുടെ ലൊക്കേഷൻ വിഡിയോയിൽ ദുൽഖർ !

ലൂസിഫറിന് ശേഷം പൃഥ്വിരാജ് സുകുമാരന്റെ സംവിധാനസംരംഭമായ മോഹൻലാൽ ചിത്രം ബ്രോ ഡാഡി മോശമല്ലാത്തൊരു ആസ്വാദനം നൽകിയ…

നിത്യമേനോനെ ഇനി വേണ്ട എന്ന് സന്തോഷ് വർക്കി

നിത്യ സന്തോഷ് വർക്കി എന്നൊരു പൂവാലനെ കൊണ്ട് അനുഭവിക്കുന്ന ശല്യം തുറന്നുപറഞ്ഞിരുന്നു. പൂവാലൻ മറ്റാരുമല്ല, ആറാട്ട്…

ദുബായുടെ ആകാശത്തു പാർവതി തിരുവോത്തിന്റെ സ്കൈ ഡൈവ്

വളരെ ബോൾഡായി അഭിപ്രായം പറയുന്നതിലൂടെ പലരുടെ കണ്ണിലെ കരടാണ് പാർവതി തിരുവോത്ത്. പാർവതിയുടെ ഒടുവിൽ റിലീസ്…

“സിനിമാ താരങ്ങളെ ദൂരെ നിന്നു മാത്രം കണ്ട് ആരാധിച്ചിരുന്നവർ ഇന്നവരുടെ കൂടെ നിന്നു സെൽഫി എടുക്കുന്നു” – കുറിപ്പ്

മണ്ണിലേക്കിറങ്ങുന്ന വിണ്ണിലെ താരങ്ങൾ ! Chanthu S D ചുമ്മാ ഒരു കൗതുകത്തിന്, ന്യൂജൻ സിനിമ…