ഷാരൂഖ് ന്റെ വീട്ടിൽ രണ്ട് പേര് നുഴഞ്ഞു കയറിയത് വലിയ കോളിളക്കമാണ് സൃഷ്ടിച്ചിരിക്കുന്നത്, അവർ എങ്ങനെയാണ് ഷാരൂഖിന്റെ ബംഗ്ലാവിൽ വന്നത്?

ഷാരൂഖിന്റെ വീട്ടിൽ രണ്ട് പേര് നുഴഞ്ഞു കയറിയത് വലിയ കോളിളക്കമാണ് സൃഷ്ടിച്ചിരിക്കുന്നത്. അവർ
എങ്ങനെയാണ് ഷാരൂഖിന്റെ ബംഗ്ലാവിൽ വന്നത്?

കുറച്ച് ദിവസങ്ങൾക്ക് മുമ്പ് ഷാരൂഖ് ഖാന്റെ വീട്ടിൽ രണ്ട് യുവാക്കൾ അതിക്രമിച്ച് കയറിയ വാർത്ത വലിയ കോളിളക്കം സൃഷ്ടിച്ചിരുന്നു. മുംബൈയിലെ ബാന്ദ്രയിലുള്ള മന്നത്ത് എന്ന ഷാരൂഖിന്റെ വീട്ടിൽ രണ്ട് യുവാക്കൾ അതിക്രമിച്ച് കയറി വലിയ ആശങ്ക സൃഷ്ടിച്ചു. ഈ രണ്ട് യുവാക്കൾക്കെതിരെ എഫ്‌ഐആർ രജിസ്റ്റർ ചെയ്തിട്ടുണ്ട്.രാത്രി 3 മണിയോടെ രണ്ട് ആരാധകർ ‘മന്നത്ത്’ ബംഗ്ലാവിന്റെ കോമ്പൗണ്ടിലേക്ക് പ്രവേശിച്ചു. പിറ്റേന്ന് രാവിലെ 10.30 ഓടെ മേക്കപ്പ് റൂമിൽ ഇരുവരെയും കണ്ട് ഷാരൂഖ് അമ്പരന്നു. ഷാരൂഖ് ഖാന്റെ വലിയ ബംഗ്ലാവിൽ ധാരാളം മുറികളുണ്ട്, ഈ വീട്ടിൽ നിരവധി അഭിമുഖങ്ങൾ നടക്കുന്നു. പ്രൊമോഷണൽ വീഡിയോകളുടെ ചിത്രീകരണവും ഇവിടെ നടക്കുന്നുണ്ട്. ഷാരൂഖ് ഖാന് വേണ്ടി പ്രത്യേകം മേക്കപ്പ് റൂമുണ്ട്.

ഷാരൂഖ് അവരെ അവിടെ കണ്ട ഈ സംഭവവുമായി ബന്ധപ്പെട്ട കൂടുതൽ രസകരമായ വിവരങ്ങളാണ് ഇപ്പോൾ പുറത്തുവന്നിരിക്കുന്നത്. അതായത് 8 മണിക്കൂർ ഷാരൂഖിന്റെ വീട്ടിൽ ഇവർ ഒളിച്ചിരിക്കുകയായിരുന്നു! പോലീസാണ് ഈ വാർത്ത പുറത്തുവിട്ടത്. ഗുജറാത്തിലെ ബറൂച്ച് ഗ്രാമത്തിലെ 18ഉം 19ഉം വയസ്സുള്ള യുവാക്കൾ ഷാരൂഖ് ആരാധകരാണ് . നടന് സർപ്രൈസ് നൽകാനാണ് വീട്ടിൽ കയറി ഒളിച്ചതെന്നാണ് ഇവർ മൊഴി നൽകിയിരിക്കുന്നത്.മന്നത്ത് വീടിന്റെ മൂന്നാം നിലയിലുള്ള ഷാരൂഖ് ഖാന്റെ മേക്കപ്പ് റൂമിലാണ് ഇരുവരും ഒളിച്ചിരുന്നത്. ഇപ്പോൾ അവിടെ ചില അറ്റകുറ്റപ്പണികൾ നടക്കുന്നുണ്ട്. അറ്റകുറ്റപ്പണി നടക്കുന്ന ഭാഗത്തിലൂടെയാണ് ഇരുവരും പുലർച്ചെ രണ്ട് മണിയോടെ വീടിനുള്ളിൽ കയറിയതെന്ന് പറയുന്നു.

വൃത്തങ്ങൾ പറയുന്നതനുസരിച്ച്, ഈ രണ്ട് പ്രതികളും ഷാരൂഖ് ഖാന്റെ സ്വകാര്യ മേക്കപ്പ് റൂമിൽ ഏകദേശം 8 മണിക്കൂറോളം കാത്തിരുന്നു. സംഭവം പുറത്തറിഞ്ഞതോടെ ഇരുവരെയും ബാന്ദ്ര പൊലീസ് അറസ്റ്റ് ചെയ്തു. സംഭവത്തിൽ ഷാരൂഖിന്റെ മാനേജർ പോലീസിൽ പരാതി നൽകി.മന്നത്തിന്റെ വീട്ടിൽ ജോലി ചെയ്യുന്ന ജീവനക്കാരനായ സതീഷ് ഷാരൂഖ് ഖാന്റെ മേക്കപ്പ് റൂം വൃത്തിയാക്കാൻ എത്തിയപ്പോൾ ഇരുവരും അവിടെ ഒളിച്ചിരിക്കുന്നത് കണ്ടതായി പോലീസ് എഫ്‌ഐആറിൽ പറയുന്നു. തുടർന്ന് സതീഷ് ഇരുവരെയും പിടികൂടി വീടിന്റെ ലോബിയിലേക്ക് കൊണ്ടുപോയി. അപ്പോഴാണ് ഷാരൂഖ് ഖാൻ പെട്ടെന്ന് ഇരുവരെയും കണ്ട് ഞെട്ടിയത്. ഇതിന് പിന്നാലെ മന്നത്തിന്റെ ജീവനക്കാരെത്തി ഇരുവരെയും പോലീസിൽ ഏൽപ്പിക്കുകയായിരുന്നു.

ഇരുവരെയും പോലീസ് കസ്റ്റഡിയിലെടുത്ത് ചോദ്യം ചെയ്തപ്പോഴാണ് സംഭവം പുറത്തറിയുന്നത്. മാർച്ച് ഒന്നിനാണ് ഈ യുവാക്കൾ മുംബൈയിലെത്തിയത്. തുടർന്ന് രാത്രി മൂന്ന് മണിയോടെ രണ്ട് ആരാധകർ ‘മന്നത്ത്’ ബംഗ്ലാവിന്റെ കോമ്പൗണ്ടിലേക്ക് പ്രവേശിച്ചു. പിറ്റേന്ന് രാവിലെ 10.30 ഓടെയാണ് ഇരുവരെയും മേക്കപ്പ് റൂമിൽ കണ്ടത് . അവരുടെ മാതാപിതാക്കൾ മുംബൈയിൽ വന്ന് പതിനായിരം വീതം ബോണ്ട് കെട്ടി ജാമ്യത്തിൽ വിട്ടു.