Muhammed Sageer Pandarathil
ഇന്ന് വിഖ്യാത സംവിധായകൻ കിം കി ഡുക്കിന്റെ ജന്മദിനവാർഷികം.1960 ഡിസംബർ 20 ആം തിയതി ദക്ഷിണ കൊറിയയിലെ ക്യോങ്സങ് പ്രവിശ്യയിലെ ബോംഗ്വയിലാണ് കിം കി ഡുക് ജനിച്ചത്.1995 ൽ കൊറിയൻ ഫിലിം കൗൺസിൽ നടത്തിയ ഒരു മത്സരത്തിൽ കിം കി ഡുകിന്റെ തിരക്കഥ ഒന്നാം സമ്മാനം നേടിയത് അദ്ദേഹത്തിന് വഴിത്തിരിവായി.
1996 ല്‍ ‘ക്രോക്കഡൈല്‍’ ആണ് ഇദ്ദേഹത്തിന്‍റെ ആദ്യചിത്രം. വൈല്‍ഡ് ആനിമല്‍സ്, ബേഡ്കേജ് ഇന്‍, ദി ഐല്‍, അഡ്രസ് അണ്‍നോണ്‍, ബാഡ് ഗയ്, ദി കോസ്റ്റ് ഗാര്‍ഡ് തുടങ്ങിയ ചിത്രങ്ങള്‍ തുടര്‍ വര്‍ഷങ്ങളില്‍ എത്തി.2004 ൽ ഇദ്ദേഹം മികച്ച സംവിധായകനുള്ള രണ്ട് പുരസ്കാരങ്ങൾക്ക് അർഹനായി.
സമരിറ്റൻ ഗേൾ എന്ന ചിത്രത്തിന് ബെർലിൻ അന്താരാഷ്ട്ര ചലച്ചിത്രോത്സവ പുരസ്കാരവും ത്രീ-അയേൺ എന്ന ചിത്രത്തിന് വെനീസ് ചലച്ചിത്രോത്സവ പുരസ്കാരവും ലഭിച്ചു.
സ്പേസ്, ടൈം ആൻഡ് ഹ്യൂമൻ, സ്പ്രിങ് സമ്മർ ഫാൾ വിന്റർ ആന്റ് സ്പ്രിങ്, സമരിറ്റൻ ഗേൾ, ത്രീ അയേൺ, വൈൽഡ് ആനിമൽസ്, ബ്രിഡ്കേജ് ഇൻ, റിയൽ ഫിക്ഷൻ, The Isle, അഡ്രസ് അൺനോൺ, ബാഡ് ഗയ്, ദി കോസ്റ്റ് ഗാർഡ്, ദി ബോ, ബ്രീത്ത്, ഡ്രീം, പിയാത്ത, മോബിയസ് എന്നിവയാണ് അദ്ദേഹത്തിന്റെ പ്രധാന ചിത്രങ്ങൾ. മലയാളികള്‍ക്ക് ഏറ്റവും പ്രിയപ്പെട്ട അന്തര്‍ദേശീയ സംവിധായകരില്‍ ഒരാളായ ഇദ്ദേഹം കോവിഡ് ബാധിച്ച് വടക്കന്‍ യൂറോപ്യന്‍ രാജ്യമായ ലാത്വിയയില്‍ വെച്ച് 2020 ഡിസംബർ 11 ആം തിയതി തന്റെ 59 ആം വയസ്സിൽ അന്തരിച്ചു.
