തെലുങ്ക് സിനിമ പണിമുടക്ക് പിൻവലിച്ചു.
അയ്മനം സാജൻ
ബുധനാഴ്ച അനിശ്ചിതകാല പണിമുടക്ക് ആരംഭിച്ച തെലുങ്ക് സിനിമാ പ്രവർത്തകർ തെലുങ്ക് ഫിലിം ചേംബറുമായി നടത്തിയ ചർച്ച വിജയിച്ചതിനെ തുടർന്ന് സമരം പിൻവലിച്ചു. വെള്ളിയാഴ്ച മുതൽ എല്ലാ തൊഴിലാളികളും ജോലിയിൽ പ്രവേശിക്കുമെന്ന് തെലുങ്ക് ഫിലിം ഇൻഡസ്ട്രി എംപ്ലോയീസ് ഫെഡറേഷൻ പ്രസിഡന്റ് വി അനിൽ കുമാർ അറിയിച്ചു.
സിനിമാ തൊഴിലാളികളുടെ 24 അസോസിയേഷനുകളെയും യൂണിയനുകളെയും പ്രതിനിധീകരിക്കുന്നതാണ് ഫെഡറേഷൻ. “ചേംബർ വേതനം പരിഷ്കരിക്കാൻ സമ്മതിക്കുകയും മറ്റ് ആവശ്യങ്ങൾ പരിഗണിക്കാൻ സമ്മതിക്കുകയും ചെയ്തു. ശമ്പള വർദ്ധനവ് എത്രയെന്ന് വെള്ളിയാഴ്ച തീരുമാനിക്കുമെങ്കിലും പുതിയ വേതനം നാളെ (വെള്ളിയാഴ്ച) മുതൽ പ്രാബല്യത്തിൽ വരുമെന്നും ഉദ്യോഗസ്ഥർ പറഞ്ഞു.
