Connect with us

history

നമുക്ക് കഥയിലേക്ക് വരാം. കഥയല്ല; ചരിത്രമാണ്

കൂടോത്രത്തെക്കുറിച്ച് ആദ്യം കേൾക്കുന്നത് ഏഴിലോ എട്ടിലോ പഠിക്കുമ്പോഴാണ്. അന്ന് അടുത്ത സൗഹൃദമുള്ള ഒരു മുതിർന്ന ചേട്ടനുണ്ടായിരുന്നു. തന്നെ സ്ഥിരമായി ബുദ്ധിമുട്ടിക്കുന്ന

 82 total views

Published

on

Vipin Wilfred

കൂടോത്രത്തെക്കുറിച്ച് ആദ്യം കേൾക്കുന്നത് ഏഴിലോ എട്ടിലോ പഠിക്കുമ്പോഴാണ്. അന്ന് അടുത്ത സൗഹൃദമുള്ള ഒരു മുതിർന്ന ചേട്ടനുണ്ടായിരുന്നു. തന്നെ സ്ഥിരമായി ബുദ്ധിമുട്ടിക്കുന്ന നടുവേദനയും മറ്റുചില ആരോഗ്യ പ്രശ്നങ്ങളും അടുത്ത വീട്ടിലെ സ്ത്രീ തനിക്കെതിരെ നടത്തിയ ചില ‘പ്രയോഗ’ങ്ങളുടെ ഫലമാണെന്നായിരുന്നു പുള്ളിയുടെ ഭാഷ്യം. ഈ വിഷയത്തിൽ വിദഗ്ധയായ, തമിഴ്നാട്ടിലെ ഏതോ സ്ത്രീയെക്കണ്ട് പരിഹാര ക്രിയകളെപ്പറ്റി ആരാഞ്ഞതിന്റെയും അവർ കണ്ണടച്ച് ധ്യാനിച്ച് കൂടോത്രക്കാരിയുടെ വീടിന്റെ ലാൻഡ് മാർക്കൊക്കെ വിശദീകരിച്ചതിന്റെയുമൊക്കെ കഥ കട്ട സീരിയസായി പുള്ളി പറഞ്ഞത് ഇന്നുമോർക്കുന്നു.

തിരുവിതാംകൂർ ചരിത്രത്തിലെ രസകരമായ ഒരു കൂടോത്രക്കഥ അടുത്തിടെ വായിച്ചപ്പോഴാണ് ഈ പഴയ സംഭവം ഓർമ്മ വന്നത്. പലകാലങ്ങളിൽ ലോകത്ത് മറ്റെവിടെയുമെന്നപോലെ തിരുവിതാംകൂറിലും ആഭിചാരക്രിയകൾ വ്യാപകമായിരുന്നു. ശത്രുതയുള്ള വ്യക്തിക്ക് മുട്ടൻ പണി കൊടുക്കാൻ ആഭിചാരമൂർത്തികളെ ആശ്രയിക്കുന്നതിനെപ്പറ്റി നിരവധി രേഖകൾ ഈ നാടിന്റെ ചരിത്രത്താളുകളിലുണ്ട്.

തിരുവിതാംകൂറിൽ പ്രചാരത്തിലുണ്ടായിരുന്ന ക്ഷുദ്രപ്രയോഗത്തെപ്പറ്റി 1906ലെ ട്രാവൻകൂർ സ്റ്റേറ്റ് മാനുവലിൽ ഇങ്ങനെ വായിക്കാം. “പകയുള്ള ആളുടെ വീട്ടുമുറ്റത്ത് ഒരു മൺകുടം കുഴിച്ചിടലാണ് ക്ഷുദ്ര പ്രയോഗത്തിന്റെ ജനപ്രിയ രീതി. കുടത്തിനുള്ളിൽ തലമുടി, പൂക്കൾ, കരിക്കട്ട, എല്ല് തുടങ്ങിയവ നിറച്ചിരിക്കും. ഇവയ്ക്കൊപ്പം ചില വിചിത്ര രൂപങ്ങൾ പതിപ്പിച്ച വെള്ളിയിലോ ചെമ്പിലോ പിച്ചളയിലോ തീർത്ത ഒരു തകിടും ദീർഘമായ പൂജകൾ ചെയ്ത് അടക്കം ചെയ്തിട്ടുണ്ടാവും. പലപ്പോഴും ശത്രുവിന്റെ രൂപം തന്നെയായിരിക്കും തകിടിൽ ആലേഖനം ചെയ്തിരിക്കുക. മുറ്റത്ത് കുഴിച്ചിട്ടിരിക്കുന്ന ഈ കുടത്തെ ശത്രു പലതവണ തലങ്ങും വിലങ്ങും മുറിച്ചുകടക്കുന്നതോടെ അയാൾ ഒന്നുകിൽ മരണപ്പെടുകയോ അല്ലെങ്കിൽ പക്ഷാഘാതമുണ്ടാവുകയോ അതുമല്ലെങ്കിൽ മാറാവ്യാധി പിടിപെട്ട് നരകിക്കുകയോ ചെയ്യുമെന്നാണ് വിശ്വാസം.”

നമുക്ക് കഥയിലേക്ക് വരാം. കഥയല്ല; ചരിത്രമാണ്.

1929 ൽ തിരുവിതാംകൂറിലെ റീജന്റ് മഹാറാണിയായിരുന്ന സേതു ലക്ഷ്മി ഭായിയെ വീഴ്ത്താൻ ജൂനിയർ റാണി നടത്തിയ കൂടോത്രത്തിന്റെ കഥയാണിത്. ജൂനിയർ റാണിയായ സേതു പാർവ്വതി ഭായിയുടെ മകനും യുവരാജാവുമായ ചിത്തിര തിരുനാൾ ബാലരാമവർമ്മയ്ക്ക് അധികാരമേറ്റെടുക്കാനുള്ള പ്രായമാകും മുമ്പ് മഹാരാജാവായ മൂലം തിരുനാൾ മരണമടഞ്ഞതിനെത്തുടർന്നാണ് സീനിയർ റാണിയായ സേതു ലക്ഷ്മി ഭായി റീജന്റ് മഹാറാണിയായി സ്ഥാനമേൽക്കുന്നത്. ചിത്തിര തിരുനാളിന് പ്രായപൂർത്തിയാകുന്ന മുറയ്ക്ക് റീജന്റ് മഹാറാണി സ്ഥാനമൊഴിയും എന്നാണ് വ്യവസ്ഥ.

വിശാലമായ വായനയും പുരോഗമന ചിന്താഗതിയുമൊക്കെയുള്ള റീജന്റ് മഹാറാണിയുടെ ഭരണം പൊതുവെ മികച്ചതായിരുന്നു. രാജ്യം ഭരിച്ചിരുന്ന ബ്രിട്ടീഷ് സർക്കാരിന് അവരെ വളരെ മതിപ്പുമായിരുന്നു. ഇങ്ങനെ പോയാൽ തന്റെ മകന് രാജാധികാരം കിട്ടുന്നത് വൈകിയേക്കുമോ എന്ന ആശങ്കയും റീജന്റ് റാണിക്ക് ജനങ്ങളിൽ നിന്നും ഇന്ത്യാ ഗവണ്മെന്റിൽ നിന്നും ലഭിച്ചുകൊണ്ടിരുന്ന പ്രീതിയോടുള്ള അസൂയയും സഹിയാതെ അവർക്കെതിരെ കൊടിയ മാരണം പ്രയോഗിക്കാൻ ജൂനിയർ റാണി തീരുമാനിച്ചുവത്രേ.

Advertisement

ആഭിചാരക്രിയകൾക്കുള്ള ചെലവിലേക്കായി തന്റെ സഹോദരന് 2000 രൂപ അവർ അയച്ചുകൊടുത്തു. ജൂനിയർ റാണിയുടെ അമ്മയായ കൊച്ചുകുഞ്ഞിയാണ് മലബാറിൽ നിന്ന് ആഭിചാരത്തിൽ വിദഗ്ധരായ ചില കർമ്മികളെ കണ്ടെത്തിയത്.പന്ത്രണ്ടോളം ബ്രാഹ്മണ പുരോഹിതർ നടത്തിയ പന്ത്രണ്ട് ദിവസം നീളുന്ന ആഭിചാര കർമ്മങ്ങൾക്കായിരുന്നു കവടിയാർ കൊട്ടാരം വേദിയായത്. മുഖ്യ പുരോഹിതന് 2000 രൂപ നൽകി. കർമ്മത്തിന് ‘ഫലസിദ്ധി’യുണ്ടായാൽ അതായത് റീജന്റ് റാണി മരണമടയുകയോ മാനസിക വിഭ്രാന്തിയുണ്ടാവുകയോ ചെയ്താൽ 50,000 രൂപ നൽകാമെന്നും മഹാരാജാവ് പുരോഹിതന്റെ വീട്ടിലേക്ക് എഴുന്നള്ളുമെന്നുമായിരുന്നു വാഗ്ദാനം.

കവടിയാർ കൊട്ടാരത്തിന്റെ കരിങ്കൽത്തറയുടെ ഒരു ഭാഗം ഇളക്കിമാറ്റി ഒരു ചതുരക്കുഴിയാക്കിയായിരുന്നു ഹോമം. കൊട്ടാരം ഡോക്ടറായിരുന്ന കൃഷ്ണപിള്ളയോട് ഒരു വേലക്കാരി പറഞ്ഞതു പ്രകാരം പ്രതിദിനം 20-25 എലികളെ അവർ പൂജയുടെ ആവശ്യത്തിനായി പിടിച്ചു നൽകിയത്രേ. വേണ്ട ഏർപ്പാടുകളൊക്കെ ചെയ്തത് യുവരാജാവിന്റെ അമ്മാവന്മാരായിരുന്നു.

ഇതിനൊക്കെയപ്പുറം ആഭിചാരത്തിടെ കലാശക്കൊട്ട് എന്ന നിലയിൽ നരബലി നടത്താൻ പോലും തയ്യാറായിരുന്നു എന്ന ഞെട്ടിക്കുന്ന കഥയും പ്രചരിച്ചിരുന്നു. കൊട്ടാരത്തിൽ പൂജയുടെ ഭാഗമായി ഒരു കുട്ടിയെ ബലി കൊടുത്തേക്കും എന്ന രഹസ്യവിവരം തനിക്ക് ലഭിച്ചതായി അന്നത്തെ ദിവാൻ മി. വാട്ട്സ് റസിഡന്റിനെ അറിയിച്ചിട്ടുണ്ട്. രണ്ടു ദിവസത്തിനപ്പുറം ഒരു കുട്ടിയെ കാണ്മാനില്ല എന്ന ഒരു പരാതി വന്നതായും തിരച്ചിലിനൊടുവിൽ കവടിയാർ കൊട്ടാരത്തിലേക്കുള്ള പാതയിൽ മൂന്ന് അപരിചിതർക്കൊപ്പം ആ കുട്ടിയെ കണ്ടെത്തിയതായും റസിഡന്റ് ഇന്ത്യാ ഗവണ്മെന്റിന്റെ പൊളിറ്റിക്കൽ സെക്രട്ടറിക്ക് അയച്ച റിപ്പോർട്ടിൽ വായിക്കാം. കുട്ടിയെ മിഠായി നല്കാമെന്ന് പറഞ്ഞു പ്രലോഭിപ്പിച്ച് വിളിച്ചുകൊണ്ടുവന്നവർ അധികൃതരുടെ ശ്രദ്ധയിൽപ്പെട്ടതോടെ ഓടി രക്ഷപ്പെടുകയായിരുന്നു എന്നും റിപ്പോർട്ടിലുണ്ട്. എന്തായാലും ക്ഷുദ്ര പ്രയോഗം കൊണ്ട് ‘ഗുണ’മൊന്നുമുണ്ടായില്ല. സേതു ലക്ഷ്മി ഭായി റീജന്റായി പിന്നെയും രണ്ടുകൊല്ലം കൂടി ഭരിച്ചു.

(മനു എസ്. പിള്ളയുടെ ‘Ivory Throne’ എന്ന പുസ്തകത്തിലെ ‘Black Magic’ എന്ന അധ്യായത്തിൽ ചരിത്ര രേഖകളിലേക്കുള്ള കൃത്യമായ സൂചികകൾക്കൊപ്പം ഈ കഥ കൂടുതൽ വിശദമായി വായിക്കാം)

 83 total views,  1 views today

Advertisement
Entertainment10 hours ago

നിങ്ങൾ ഏതെങ്കിലും നിയമലംഘനം നടത്തിയിട്ടുണ്ടെങ്കിൽ ഈ ഷോർട്ട് മൂവി കാണണം

Entertainment15 hours ago

അടിച്ചുപൊളി ഞായർ ദീപുവിന് തല്ലിപ്പൊളി ഞായർ ആയതെങ്ങനെയാണ് ?

Entertainment1 day ago

ജീവിതം അവസാനിക്കുമ്പോഴല്ല, ജീവിക്കുമ്പോഴാണ് ചിന്തിക്കേണ്ടതെന്നു ‘പൂജ്യം’ പറയുന്നു

Entertainment1 day ago

ഭീകരമായൊരു കാലത്തിന്റെ ആവിഷ്കാരം ആണ് ‘ഹം ഏക് ഹേ’ !

Entertainment2 days ago

‘അന്നുപെയ്ത മഴയിൽ’ അപവാദക്കുരുക്കുകളിൽ ജീവിതം നഷ്ടപ്പെടുത്തിയവർക്കു വേണ്ടി

Entertainment2 days ago

ക്രൂശിക്കപ്പെട്ട നിരപരാധിയുടെ കഥപറയുന്ന ‘ഇങ്ങനെയും ചിലർ’

Entertainment3 days ago

എന്നോ കാണാൻ മറന്നു പോയ ഒരു സ്വപ്നത്തിലേക്കുള്ള യാത്ര

Entertainment3 days ago

അധ്യാപകരിൽ ആരെയെങ്കിലും നിങ്ങൾ നന്ദിയോടെ സ്മരിക്കുന്നുവെങ്കിൽ ഈ മൂവി കാണണം

Entertainment4 days ago

ഐക്യബോധത്തിന്റെ ആവശ്യകതയും മനുഷ്യന്റെ കുടിലതകളും

Entertainment4 days ago

നിർത്താതെ പെയ്യുന്ന പ്രണയത്തിന്റെ ‘ഇടവപ്പാതി’

Entertainment7 days ago

ആത്മഹത്യ ചെയ്ത പാറുവിന്റെ ഫോണിൽ ആക്സിഡന്റിൽ മരിച്ച അലക്സിന്റെ കാൾ വന്നതെങ്ങനെ ?

Entertainment1 week ago

സത്യത്തിനെന്നും ശരശയ്യ മാത്രമെന്ന് ‘ദൈവമേ തേങ്ങ’ പറയുന്നു

Entertainment4 weeks ago

സാമൂഹ്യ പ്രതിബദ്ധതയുള്ള ‘ആഗ്നേയ’ ശരങ്ങളുമായി പ്രിയ ഷൈൻ

Entertainment2 months ago

സ്വന്തം നഗ്നത വൈറലാകുന്നതിൽ നിന്നും അവളരെ പിന്തിരിപ്പിച്ചത് പ്രേതമോ അതോ മനസോ ?

Entertainment2 months ago

നിങ്ങളെ ഭയപ്പെടുത്തുന്ന ‘എലോൺ’ കർമയുടെ നിശ്ചയദാർഢ്യത്തിന് പിന്നിലെ കഥയാണ്

Entertainment2 months ago

ഒരു കോഴിക്കോടുകാരൻ ഓട്ടോ ഡ്രൈവറുടെ നന്മയുള്ള സൃഷ്ടികൾ

Entertainment1 month ago

ഈ ഷോർട്ട് ഫിലിം നടന്ന കഥയാണ്, മറ്റാരുടേയുമല്ല ഇതിന്റെ പ്രൊഡ്യൂസറിന്റെ ജീവിതത്തിൽ

Entertainment3 weeks ago

നിങ്ങളുടെ ഉപബോധമനസിന്റെ ശക്തിയെ നിങ്ങൾ തിരിച്ചറിഞ്ഞിട്ടുണ്ടോ ? എങ്കിൽ യെമൻ കാണുക !

Entertainment4 weeks ago

‘മീനിന് സുഗന്ധം തന്നെയാണ് ‘, മരയ്ക്കാൻ ഷോർട്ട് മൂവിയുടെ വിശേഷങ്ങൾ

Entertainment4 weeks ago

‘കിസ്മത്ത് ഓഫ് സേതു’, സേതു കൃത്യം പത്തുമണിക്ക് തന്നെ മരിക്കുമോ ?

Entertainment3 weeks ago

അബ്യുസ് പെൺകുട്ടികൾക്കു മാത്രമല്ലെന്ന് ഒഴിവുദിവസത്തെ സംസാരം, അതാണ് രാസലീല ( A )

Entertainment2 months ago

ഓൺലൈൻ സംവിധാനത്തിന്റെ സാധ്യതകൾ തുറന്നിട്ട ഡേർട്ട് ഡെവിളും സംവിധായകൻ സോമൻ കള്ളിക്കാട്ടും

Boolokam1 month ago

സ്വന്തം പേരായ ‘ഭൂമി’യുടെ അർത്ഥം തേടുന്ന പെൺകുട്ടിയുടെ കഥ !

Entertainment1 month ago

നിങ്ങളിലെ വിള്ളലുകളുടെ സത്യം നിങ്ങൾ കരുതുന്നതാകില്ല

Advertisement