പ്രധാനമന്ത്രിയുടെ സുരക്ഷാഭടന്മാരുടെ കയ്യിലുള്ള ബ്രീഫ് കെയ്‌സിൽ എന്താണുള്ളത്?

പ്രധാനമന്ത്രി ഉൾപ്പടെയുള്ള അതി പ്രശസ്തരായ VVIP കളുടെ സംപൂർണ്ണ സുരക്ഷാ ചുമതല വഹിക്കുന്നത് SPG അഥവാ സ്പെഷ്യൽ പ്രൊട്ടക്ഷൻ ഗ്രൂപ്പ് കമ്മാൻഡോകളാണ്. CRPF, RPF തുടങ്ങിയ അർധസൈനിക വിഭാഗങ്ങളിൽ നിന്ന് തെരഞ്ഞെടുക്കുന്ന ഇവരെ വളരെ കൃത്യവും, കഠിനവുമായ പരിശീലനങ്ങൾ നൽകിയാണ് കമാൻ്റൊകളാക്കി മാറ്റുന്നത്. ഏതു ആപത്ഘട്ടത്തിലും അവസര ത്തിനൊത്തുയരാനും വിശിഷ്ട വ്യക്തിയെ രക്ഷിച്ചുകൊണ്ടു ശത്രുവിനു നേരെ മിന്നലാക്രമണം നടത്താനും ഇവർക്ക് ഞൊടിയിടയിൽ കഴിയും.

ഇവരുടെ കയ്യിൽ FNF – 2000 അസാൾട്ട് റൈഫിൾ , ആട്ടോമാറ്റിക് ഗൺ , 17 – എം ആധുനിക പിസ്റ്റൾ തുടങ്ങിയ ആയുധങ്ങൾ ഉടനടി പ്രയോഗിക്കാവുന്ന രീതിയിൽ ശരീരത്തിന്റെ പല ഭാഗങ്ങളിലായി എപ്പോഴും സജ്ജമാണ്. ആൾക്കൂട്ടത്തിൽ നിന്നുണ്ടാകുന്ന ഒരു ചെറിയ വിരലനക്കം പോലും മനസ്സിലാക്കി പ്രതികരിക്കാൻ ഇവർക്ക് കഴിയുമെന്നതാണ് പ്രത്യേകത.

പ്രധാനമന്ത്രിക്കൊപ്പം സഞ്ചരിക്കുന്ന SPG കമാൻഡോകളിൽ ചിലരുടെ കൈകളിൽ ഒരു ബ്രീഫ് കെയ്‌സ് കാണും.പ്രധാനമന്ത്രി പോകുന്നിടത്തെല്ലാം ഈ പെട്ടിയും ഒപ്പമുണ്ടാകും. ഈ ബ്രീഫ് കെയ്‌സ് പ്രധാനമന്ത്രിയുടെ സുരക്ഷക്കുള്ള പ്രധാന ഉപാധികളിൽ ഒന്നാണ്.ഇത് ഒരു portable bullet proof shield ആണ്. അപകടസമയത്ത് ഇതിലു ള്ള വളരെ ചെറിയ ബട്ടൺ അമർത്തിയാൽ പെട്ടി ഒരു നീളമുള്ള പാളിയായി തുറക്കപ്പെടുന്നു . വിശിഷ്ട വ്യക്തിക്ക് അപകട സമയത്തു താൽക്കാലിക കവചമൊരുക്കി സുരക്ഷ നൽകാ നുള്ള ബുള്ളറ്റ് പ്രൂഫ് ഉപകാരണമാണിത്. ആപദ്ഘട്ടത്തിൽ ഉപയോഗിക്കാനായി ഇതിന്റെ രഹസ്യ അറയിൽ പിസ്റ്റലുകളും ഒളിപ്പിച്ചു വച്ചിട്ടുണ്ട്.

വിശിഷ്ട വ്യക്തിക്ക് അല്ലെങ്കിൽ അതിഥിക്ക് ആപത്തുണ്ടാകുന്ന ഘട്ടത്തിൽ അദ്ദേഹത്തിന് മുന്നിൽ വന്ന് ഈ ഷീൽഡ് തുറന്ന് അദ്ദേഹത്തെ പൂർണ്ണമായും കവർ ചെയ്യുന്നു. തുറക്കുന്ന കമാൻഡോക്ക് ഇതിനുള്ളിൽ അമർന്നിരുന്നു കൊണ്ട് ഒളിച്ചുവച്ചിരിക്കുന്ന പിസ്റ്റൾ എടുത്തു ശത്രുവിനെ അറ്റാക്ക് ചെയ്യാൻ അനായാസം കഴിയും. ഭാരതത്തിലെത്തുന്ന വിദേശ രാഷ്ട്രത്തലവ ന്മാർക്കും, അതിഥികൾക്കും എസ്.പി.ജി കമാൻഡോകളാണ് സുരക്ഷ ഒരുക്കുന്നത്. SPG ഡയറക്ടർ ഐ .പി.എസ് ഉദ്യോഗസ്ഥനാണ്. SPG കമാൻഡോകൾ ക്യാബിനറ്റ് സെക്രട്ടറിയുടെ അധീനതയിലാണുള്ളത്.

കടപ്പാട് -അറിവ് തേടുന്ന പാവം പ്രവാസി

You May Also Like

വരുന്നു സൂപ്പർ സ്പേസ് ടെലസ് ക്കോപ്പുകൾ

വരുന്നു സൂപ്പർ സ്പേസ് ടെലസ് ക്കോപ്പുകൾ സാബു ജോസ് ചരിത്രത്തിൽ ഇടം നേടിയ ബഹിരാകാശ ദൂരദർശിനിയാണ്…

ഫേസ്ആപ്പ് കിടുവാണ്, എന്നാൽ ‘ടേംസ് ആന്റ് കണ്ടീഷൻസ്’ വായിച്ചിട്ടുണ്ടോ ? ഞെട്ടും !

ഫേസ്ആപ്പ് കിടുവാണ്, എന്നാൽ ‘ടേംസ് ആന്റ് കണ്ടീഷൻസ്’ വായിച്ചിട്ടുണ്ടോ ? അറിവ് തേടുന്ന പാവം പ്രവാസി…

കണ്ണിൽ ചോരയില്ലാത്ത കത്തി! മനസിലായില്ല ? പറയാം

പത്തോ ഇരുപതോ സെക്കന്റ് കൊണ്ടുള്ള ഭീകര മരണം ആണ് ഇവന്റെ മെയിൻ. അതിനുപയോഗിക്കുന്നതോ, ശാസ്ത്രവും

ഈ സ്ഥലനാമങ്ങൾ നിങ്ങളെ ചിരിപ്പിച്ചു പണ്ടാരമടക്കും …

കൗതുകമുള്ള ചില സ്ഥലനാമങ്ങള്‍⭐ അറിവ് തേടുന്ന പാവം പ്രവാസി ????ഒരുപക്ഷേ ചില സഞ്ചാരികളെങ്കിലും കേട്ടിട്ടുണ്ടാകും പേരിലെ…