എന്താണ് ഇഷിഹാര ടെസ്റ്റ് ?

അറിവ് തേടുന്ന പാവം പ്രവാസി

ചുവപ്പ്-പച്ച നിറങ്ങളുടെ കുറവുകൾക്കാ യുള്ള (വർണ്ണാന്ധത) കളർ പെർസെപ്ഷൻ ടെസ്റ്റാണ് ഇഷിഹാര ടെസ്റ്റ് ( Ishihara Chart ).സ്യൂഡോ-ഐസോക്രോമാറ്റിക് പ്ലേറ്റുകൾ (“പി‌ഐ‌പി”) എന്നറിയപ്പെടുന്ന ഇത് വിജയകരമായ വർണ്ണ ദർശന പരിശോധനകളിൽ ആദ്യത്തേത് ആണ്.ടോക്കിയോ സർവകലാശാലയിലെ പ്രൊഫസറായ ഷിനോബു ഇഷിഹാര 1917ൽ ഡിസൈൻ ചെയ്ത് പബ്ലിഷ് ചെയ്ത ഈ ടെസ്റ്റ് അദ്ദേഹത്തിന്റെ പേരിൽ അറിയപ്പെടുന്നു. ഈ പരിശോധനയിൽ ഇഷിഹാര പ്ലേറ്റുകൾ എന്ന് വിളിക്കുന്ന നിരവധി നിറങ്ങളിലുള്ള പ്ലേറ്റുകൾ ഉപയോഗിക്കുന്നു .അവയിൽ ഓരോന്നിനും നിറത്തിലും വലുപ്പത്തിലും ക്രമരഹിതമായി പ്രത്യക്ഷപ്പെടുന്ന പൊട്ടുകൾ അടങ്ങിയ ഒരു വൃത്തം ഉണ്ട്. വൃത്തത്തിനുള്ളിൽ സാധാരണ വർണ്ണ ദർശനം ഉള്ളവർക്ക് വ്യക്തമായി കാണാവുന്നതും, ചുവപ്പ്-പച്ച വർണ്ണ ദർശന വൈകല്യം ഉള്ളവർക്ക് അദൃശ്യമായതോ, കാണാൻ ബുദ്ധിമുട്ടുള്ളതോ , വേറേ അക്കമോ , രൂപമോ ആയി തോന്നുന്നതോ ആയ ഒരു സംഖ്യയോ രൂപമോ ആണ് ഉൾപ്പെടുത്തിയിട്ടുള്ളത്.

ചില പ്ലേറ്റുകൾ മനപൂർവ്വം രൂപകൽപ്പന ചെയ്തിരിക്കുന്നത് ചുവപ്പ്-പച്ച വർണ്ണ വൈകല്യമുള്ളവർക്ക് മാത്രം കാണാൻ കഴിയുന്ന രീതിയിലാണ് . സാധാരണ വർണ്ണ ദർശനമുള്ളവർക്ക് ഇതിൽ നമ്പറുകൾ അല്ലെങ്കിൽ രൂപം കാണാൻ കഴിയില്ല. ഇഷിഹാര കളർ ബ്ലൈൻഡ്നെസ് ടെസ്റ്റ് അതിന്റെ സൃഷ്ടിക്ക് ശേഷം ലോകമെമ്പാടും ഏറ്റവും സാധാരണയായി ഉപയോഗിച്ചുവരുന്ന വർണ്ണാന്ധത പരിശോധന രീതിയാണ്. ഇന്ന് ഇഷിഹാര ടെസ്റ്റിന്റെ യഥാർത്ഥ പേപ്പർ പതിപ്പിന് പുറമേ ഓൺലൈനിലും ലഭ്യമാണ്. രണ്ട് മാധ്യമങ്ങളും ഒരേ പ്ലേറ്റുകളാണ് ഉപയോഗിക്കുന്നതെങ്കിലും കൃത്യമായ രോഗ നിർണയത്തിന് വ്യത്യസ്ത രീതികൾ ആവശ്യ മാണ്.വിവിധ സേനാ വിഭാഗങ്ങളിലേക്കും, റെയിൽവേ, പോലീസ്, അർദ്ധ സൈനിക വിഭാഗങ്ങൾ, ഫയർ ഫോഴ്സ് തുടങ്ങി വർണ്ണ ദർശനം കൃത്യതയോടെയിരിക്കേണ്ട ഒരുപാട് തൊഴിലുകളിൽ പ്രവേശിക്കുന്നതിന് മുന്നോടി യായുള്ള മെഡിക്കൽ പരിശോധനയിൽ വർണ്ണാ ന്ധത ഇല്ലെന്ന് ഉറപ്പിക്കാൻ ഉപയോഗിക്കുന്നത് ഇഷിഹാര ചാർട്ട് ആണ്.

നിറങ്ങൾ വേർതിരിച്ചു മനസ്സിലാക്കാനുള്ള കഴിവില്ലായ്മയെയാണ് വർണാന്ധത (Colour Blindness) എന്നു പറയുന്നത്.വർണാന്ധത വരുമ്പോൾ ഏതെങ്കിലും ഒരു നിറമോ അല്ലെങ്കിൽ ഒന്നിലധികം നിറങ്ങളോടോ അന്ധത ഉണ്ടാകാം. ഉദാ:-ചുവപ്പ്-പച്ച വർണാന്ധത, നീല-പച്ച വർണാന്ധത, പച്ച-മഞ്ഞ വർണാന്ധത. ചുകപ്പ്-പച്ച വർണാന്ധതയാണ് ഏറ്റവും കൂടുതൽ (95 ശതമാനം) കാണപ്പെടുന്നത്.മിക്കവരിലും ജനിതകപരമായ കാരണംകൊണ്ട് അഥവാ ജന്മനാ ഉണ്ടാകുന്നതാണ്, എങ്കിലും ആർജിതമായും വർണാന്ധത കണ്ടുവരാറുണ്ട്.
പുരുഷൻമാരെയാണ് ഈ അസുഖം കൂടുതൽ ബാധിക്കുക. ലോകത്ത് പുരുഷൻമാരിൽ 5 മുതൽ 8 ശതമാനം പേരെയും സ്ത്രീകളിൽ. 0.5 മുതൽ 1 ശതമാനം വരെയും പേരെ ബാധിച്ച രോഗമാണ് വർണാന്ധത.
കാഴ്ച ഞരമ്പിനോ, പ്രധാനമായും പീത ബിന്ദുവിലോ(yellow spot) നാശനഷ്ടം സംഭവി ക്കുന്നത് മൂലമാണ് ആർജിത വർണാന്ധത ഉണ്ടാകുന്നത്. അതിന് നിരവധി കാരണങ്ങൾ ഉണ്ട്. അരിവാൾ രോഗം (sickle cell anemia), പ്രമേഹം, ഗ്ലോക്കോമ, അൽഷിമേഴ്സ്, മൾട്ടിപ്പിൾ സ്ക്ലീറോസിസ്, മദ്യപാനം, ലുക്കീമിയ, ചില മരുന്നുകളുടെ ദീർഘ നാളായുള്ള ഉപയോഗം എന്നിവ ചില ഉദാഹരണങ്ങളാണ്. പ്രായാധിക്യം കൊണ്ട് നേത്രഗോളത്തിന് ഉള്ളിലെ ലെൻസിലെ ചില മാറ്റങ്ങൾ കൊണ്ടും ചിലരിൽ വർണ്ണാന്ധത ഉണ്ടാകാറുണ്ട്.

അധികപേരിലുംലഘുവായ (Mild) പ്രശ്നമാണ് ഇത്. പരിശോധനാ സമയത്ത് മാത്രമേ ഇങ്ങനെ ഒരു പ്രശ്നം ഉണ്ടെന്ന് പോലും അറിയുകയുള്ളൂ. അഥവാ അത് അവരുടെ സാധാരണ ജീവിതത്തെ ഒട്ടും ബാധിച്ചിട്ടുണ്ടാകില്ല. മോഡറേറ്റ് (അല്പം കൂടിയ) തരം ആണെങ്കിൽ മറ്റുള്ളവർ കാണുന്നതിൽ നിന്നും വ്യത്യസ്ത മായ ഒരു കളറോ ഷേഡോയോ ആണ് കാണുക.എങ്കിലും സാധാരണ പ്രവർത്ത നങ്ങളെ അത് കാര്യമായി ബാധിക്കുകയില്ല. പ്രതിവിധി ഇല്ലെങ്കിലും വിവിധ അനുരൂപപ്പെ ടുത്തലുകൾ (adaptation technics) ഈ രോഗമു ള്ളവർക്ക് സഹായകമായി രൂപപ്പെടുത്തിയിട്ടുണ്ട്.

ഇഷിഹാര ടെസ്റ്റ് വഴി സ്കൂൾ ടീച്ചർമാർക്ക് വർണാന്ധത കണ്ടുപിടിക്കുന്നതിനുള്ള സ്ക്രീനിങ് ടെസ്റ്റുകൾ ചെയ്യാവുന്നതാണ്. അതുവഴി കുട്ടികളുടെ പഠനപ്രവർത്തന ങ്ങളിലെ വർണപ്രശ്നങ്ങൾ മനസ്സിലാക്കു ന്നതിനും അതുമായി തദാത്മ്യപ്പെടുന്നതിനും വർണാന്ധതയുള്ള കുട്ടികളെ സഹായിക്കാനും അധ്യാപകർക്ക് കഴിയും. ചുവപ്പ്-പച്ച വർണാന്ധത കൂടുതൽ ഉള്ളവർക്ക് പ്രത്യേക ലെൻസുകളും, എല്ലാതരം വർണാന്ധതയ്ക്കും സഹായകമായ മൊബൈൽ ആപ്പുകളും ഇപ്പോൾ ലഭ്യമാണ്.ഫിസിക്കൽ ഫിറ്റ്നസിന് ഉള്ള ഫോം 1, മെഡിക്കൽ സർട്ടിഫിക്കറ്റ് ഫോം 1 എ (ചോദ്യം 3.B) എന്നിവയിൽ വർണാന്ധത സംബന്ധിച്ച ചോദ്യത്തിലും പരിശോധനയിലും കുടുങ്ങി പ്പോയിരുന്ന കുറേ ആളുകളുണ്ട്. അത് പ്രകാരം പ്രാഥമിക നിറങ്ങളായ പച്ച, ചുവപ്പ് മുതലായ നിറങ്ങളെ തിരിച്ചറിയാൻ കഴിയാത്തവരെ ഒഴിവാക്കാനായിരുന്നു തീരുമാനിച്ചിരുന്നത്.
ഈ പ്രശ്നം അധികം പേരിലും പരിശോധനാ സമയത്ത് മാത്രമേ അറിയുകയുള്ളൂ. ഇവരെ പൂർണാന്ധരായി പരിഗണിച്ചിരുന്നു. ഇത് മൂലം മിക്ക വ്യക്തികൾക്കും ലൈസൻസ് കിട്ടുക പാടായിരുന്നു.

24/7/2020 ൽ കേന്ദ്രസർക്കാർ കൊണ്ടുവന്ന നിയമഭേദഗതിയിലൂടെ (GSR401(E)dated-24-Jun- 2020-regarding-color-blindness) ലഘുവായതോ (Mild)അല്പം കൂടിയതോ (Moderate) ആയ വർണാന്ധതയുള്ള വ്യക്തികൾക്ക് ലൈസൻസ് ലഭിക്കും.നേരത്തെ പറഞ്ഞ ഫോം 1ലെ ചോദ്യവും , ഫോം 1 എ യിലെ ചോദ്യം 3ബി യും ഈ ഭേദഗതി പ്രകാരം ഒഴിവാക്കി. പകരം മെഡിക്കൽ സർട്ടിഫിക്കറ്റ് ഫോർമാറ്റിൽ അഞ്ചാമ ത്തെതായി ‘അപേക്ഷകന്റെ വർണങ്ങൾ കാണാനുള്ള കഴിവ് ഇഷിഹാര ചാർട്ട് ഉപയോഗിച്ച് പരിശോധിക്കുകയും അതിൽ അവർക്ക് ഗുരുതരമായതോ , മുഴുവനാ യുള്ളതോ ആയ വർണാന്ധത ഇല്ല എന്ന് മനസ്സിലാകുന്നു’ എന്ന വാചകമാണ് ചേർത്തിട്ടുള്ളത്. കൂടാതെ ഏതെങ്കിലും അളവിൽ വർണാന്ധത ഉണ്ടെങ്കിൽ അവരുടെ ലൈസൻസിൽ അക്കാര്യം രേഖപ്പെടുത്തും.

ഇതുപ്രകാരം ഇനിമുതൽ ഭാഗിക വർണാന്ധത ഉള്ളവർക്കും വാഹനമോടിക്കാൻ അനുമതി ലഭിക്കും. പൂർണമായും വർണാന്ധത ഉള്ളവരെ മാത്രമേ ഇനി ഒഴിവാക്കുകയുള്ളൂ. നിലവിലെ വിജ്ഞാപനത്തിൽ പുതിയ പരിശോധനയിലും ഇഷിഹാര ചാർട്ട് അടിസ്ഥാനപ്പെടുത്തി കൊണ്ടുള്ള ശാസ്ത്രീയ പരിശോധനയാണ് നിഷ്കർഷിച്ചിട്ടുള്ളത്. ദീർഘകാലമായി വർണാന്ധതയുള്ള ആളുകളുടെ ആവശ്യമാ യിരുന്നു ഇത്.

You May Also Like

ടാങ്കുകൾക്ക് ആ പേര് വന്നത് എങ്ങനെ ?

ടാങ്കുകൾക്ക് ആ പേര് വന്നത് എങ്ങനെ ? അറിവ് തേടുന്ന പാവം പ്രവാസി ലോകമനസ്സാക്ഷിയെ നടുക്കിയ…

ആദ്യകാലത്തു ക്ലീൻ ഷേവായിരുന്ന ഏബ്രഹാം ലിങ്കൺ പിന്നീട് താടി വളർത്തിയത് എന്ത് കൊണ്ട് ?

അറിവ് തേടുന്ന പാവം പ്രവാസി ആദ്യകാലത്തു ക്ലീൻ ഷേവായിരുന്ന ഏബ്രഹാം ലിങ്കൺ പിന്നീട് താടി വളർത്തിയത്…

ഗ്ലാസ് എന്തുകൊണ്ടാണ്‌‌ സുതാര്യമായിരിക്കുന്നത് ? ഗ്ലാസ് എന്തുകൊണ്ടാണ്‌ പ്രകാശത്തെ കടത്തി വിടുന്നത് ?

sujith Kumar (സോഷ്യൽ മീഡിയയിൽ എഴുതിയത് ) ഗ്ലാസ് എന്തുകൊണ്ടാണ്‌‌ സുതാര്യമായിരിക്കുന്നത്? ഇതാണോ ചോദ്യം? ഗ്ലാസ്…

ഫൊറൻസിക് ഫൊട്ടോഗ്രാഫർ അഥവാ പൊലീസ് ഫൊട്ടോഗ്രാഫറിന്റെ ജോലി എന്താണ് ?

പടമെടുക്കാൻ നല്ല പ്രഫഷനൽ ഫൊട്ടോഗ്രഫറെ വിളിച്ചാൽ പോരേ എന്തിനാണു പൊലീസ് ഫൊട്ടോഗ്രഫർ എന്നു ചോദിക്കുന്നവരുണ്ട്.