എകെ 62 എന്ന ചിത്രം സംവിധാനം ചെയ്യുന്നത് മഗിഴ് തിരുമേനിയാണെന്ന് ഉറപ്പായിട്ടും എന്തുകൊണ്ട് ലൈക്ക കമ്പനി ചിത്രത്തിന്റെ പ്രഖ്യാപനം പുറത്തുവിട്ടില്ല?
നടൻ അജിത്ത് നായകനായ തുണിവ് തിയറ്ററുകളിലും ഒടിടിയിലും മികച്ച പ്രകടനം കാഴ്ച്ചവെക്കുന്നു. ഇത് കൂടാതെ അജിത്തിന്റെ അടുത്ത ചിത്രം എകെ 62 ആണ് ഇപ്പോൾ കോളിവുഡിൽ ചർച്ചാ വിഷയം. വിഘ്‌നേഷ് ശിവൻ ആണ് ചിത്രം ആദ്യം സംവിധാനം ചെയ്യാൻ തീരുമാനിച്ചിരുന്നത്. തുടർന്ന് അദ്ദേഹത്തെ പെട്ടെന്ന് പുറത്താക്കി സംവിധായകൻ മഗിഴ് തിരുമേനിയെ നിയമിച്ചു. അദ്ദേഹം സംവിധാനം ചെയ്യുമെന്ന് ഉറപ്പായെങ്കിലും എകെ 62 ന്റെ നിർമ്മാതാക്കൾ പ്രഖ്യാപനം നടത്തിയിട്ടില്ല.
പ്രഖ്യാപനം വൈകുന്നതിന് പിന്നിലെ കാരണം സംബന്ധിച്ച് പുതിയ വിവരങ്ങൾ കോളിവുഡിൽ പ്രചരിക്കുന്നുണ്ട്. അതായത് നടൻ അജിത്ത് പെട്ടെന്ന് മഗിഴ് തിരുമേനിയോട് കഥ ചോദിച്ചപ്പോൾ താൻ നേരത്തെ വിജയ്യോട് പറഞ്ഞ മൂന്ന് കഥകൾ അജിത്തിനോട് പറഞ്ഞു. ഇതിൽ ഒരു കഥ മാത്രമാണ് അജിത്ത് തിരഞ്ഞെടുത്തിരിക്കുന്നത്. വിജയ്‌ക്കായി മഗിഴ് തിരുമേനി ഒരുക്കുന്ന കഥയിൽ അജിത്തിന് ഇണങ്ങുന്ന തരത്തിൽ ചില മാറ്റങ്ങൾ വരുത്താൻ ലൈക്ക ആവശ്യപ്പെട്ടിട്ടുണ്ടെന്നാണ് സൂചന.
അതിനുള്ള ജോലികളാണ് ഇപ്പോൾ നടക്കുന്നത്. സംവിധായകൻ മഗിഴ് തിരുമേനി കഥയിൽ അജിത്തിന് അനുയോജ്യമായ മാറ്റങ്ങൾ വരുത്തുന്ന തിരക്കിലാണ് എന്നാണ് റിപ്പോർട്ടുകൾ. ഈ മാസം തന്നെ പണി പൂർത്തിയാക്കി മാർച്ച് മുതൽ എകെ 62 ന്റെ ചിത്രീകരണം ആരംഭിക്കാനാണ് ഇവരുടെ പദ്ധതി. ഇതിന് പുറമെ അജിത്തിനൊപ്പം അഭിനയിക്കാനുള്ള താരങ്ങളെയും നടിമാരെയും തിരഞ്ഞെടുക്കുന്നതും ഊർജിതമായി നടക്കുന്നുണ്ടെന്നാണ് സൂചന.
അജിത്തിന്റെ എകെ 62 നിർമ്മിക്കുന്നത് ലൈക്കയാണ്. സന്തോഷ് നാരായണനാണ് ചിത്രത്തിന് സംഗീതം ഒരുക്കുന്നതും. മാർച്ചിൽ ചിത്രീകരണം ആരംഭിച്ചു ദീപാവലിക്ക് തിയേറ്ററുകളിലെത്തിക്കാനാണ് ലൈക്ക കമ്പനിയുടെ തീരുമാനം. എല്ലാം പ്ലാൻ ചെയ്ത പോലെ നടക്കുമോ എന്ന് കണ്ടറിയണം.
