Unni Krishnan
സാമന്ത, ഉണ്ണിമുകുന്ദൻ എന്നിവർ പ്രധാന വേഷത്തിൽ എത്തിയ ചിത്രമാണ് യശോദ. പേര് പോലെ തന്നെ യശോദ എന്ന സ്ത്രീ കേന്ദ്ര കഥാപാത്രത്തിലൂടെ തന്നെയാണ് ചിത്രം മുന്നോട്ടു പോകുന്നത്.ക്ലിഷേ സംഭവങ്ങൾ ഒക്കെ തന്നെ ആണെങ്കിലും ക്ലൈമാക്സിനു തൊട്ടു മുൻപ് വരെ വലിയ കുഴപ്പമില്ലാതെ എൻഗേജ്‌ ആയി തന്നെ പിടിച്ചിരുത്തുന്നുണ്ട്. ക്ലൈമാക്സ് മൊത്തത്തിൽ കുഴച്ചു മറിച്ച് വല്ലാത്തൊരു അവിയൽ പരുവം ആക്കികളഞ്ഞു.പല പടങ്ങളിലും കണ്ടു മടുത്ത സ്ഥിരം ട്വിസ്റ്റുകൾ തന്നെ. എങ്കിലും സാമന്തയുടെ ആക്ഷൻ രംഗങ്ങൾ അടക്കം കുറെയേറെ നല്ല രംഗങ്ങൾ സമ്മാനിക്കുന്നുണ്ട് യശോദ.
PS: ത്രില്ലർ സിനിമകളിൽ എന്നും വെറുപ്പിക്കുന്ന ഒന്നാണ്, “സ്ത്രീകൾ എവിടെയെങ്കിലും ട്രാപ്പിൽ അകപ്പെട്ടാൽ എത്ര മാത്രം അപകട സാഹചര്യമായാലും, എത്രയും പെട്ടന്ന് അവിടെ നിന്ന് രക്ഷപെടേണ്ട സാഹചര്യമായാലും നിന്ന് സെന്റി അടിക്കുന്ന സീനുകൾ”. പലപ്പോഴും തെറി വിളിക്കാൻ വരെ തോന്നിയിട്ടുണ്ട്. ഇവിടെയും അവസ്ഥ വ്യത്യസ്തമല്ല. കഥാപാത്രം സ്‌ട്രോങ് ആണെന്ന് വൻ ബിൽഡ് അപ് ഒക്കെ കൊടുത്തിട്ട് തൊട്ടടുത്ത സീനിൽ കരഞ്ഞു മെഴുകുന്നുണ്ട് സാമന്ത അവതരിപ്പിക്കുന്ന യശോദ. എന്തോ, റിയൽ ജീവിതത്തിൽ ഇത്തരം കഥാപാത്രങ്ങളെ ഇതു വരെ കണ്ടു മുട്ടിയിട്ടില്ല.
ശ്രീദേവി മൂവീസ് പ്രൊഡക്ഷന്‍സിന്റെ ബാനറില്‍ ശിവലെങ്ക കൃഷ്ണ പ്രസാദ് നിര്‍മ്മിച്ച ചിത്രം, ഹരിയും ഹരീഷും ചേര്‍ന്നാണ് ഈ ചിത്രം സംവിധാനം ചെയ്തത് .ആരാധകരെ ത്രില്ലടിപ്പിക്കുന്ന ഒരു ആക്ഷൻ ചിത്രമാണ് യശോദ എന്ന് നിർമാതാവ് ശിവലേങ്ക കൃഷ്ണ പ്രസാദ് റിലീസിന് മുന്നേ താനെന്ന അവകാശപ്പെട്ടിരുന്നു. അദ്ദേഹത്തിന്റെ വാക്കുകൾ ഇങ്ങനെ
“യശോദ ഒരു എഡ്ജ് ഓഫ് ദി സീറ്റ് ത്രില്ലറാണ്. ടൈറ്റില്‍ റോളില്‍ അഭിനയിച്ച സാമന്ത ആക്ഷന്‍ രംഗങ്ങളില്‍ തന്റെ വിയര്‍പ്പും ചോരയും ചാലിച്ചു. തെലുങ്കിലും തമിഴിലും അവള്‍ സ്വയം ഡബ്ബ് ചെയ്തു. മണിശര്‍മ്മയുടെ പശ്ചാത്തല സംഗീതത്തിന്റെ തികച്ചും പുതിയ മാനത്തിന് നിങ്ങള്‍ സാക്ഷ്യം വഹിക്കും. സാങ്കേതിക, നിര്‍മ്മാണ മൂല്യങ്ങളില്‍ ഞങ്ങള്‍ വിട്ടുവീഴ്ച ചെയ്തിട്ടില്ല. ചിത്രത്തിന്റെ. ആഡംബര ബജറ്റില്‍ ഞങ്ങള്‍ 100 ദിവസം കൊണ്ട് ചിത്രീകരണം പൂര്‍ത്തിയാക്കി. നവയുഗ സിനിമയെ ഇഷ്ടപ്പെടുന്ന പ്രേക്ഷകര്‍ തീര്‍ച്ചയായും യശോദയെ കാണാന്‍ ത്രില്ലായിരിക്കും. 2022 നവംബര്‍ 11 ന് ലോകമെമ്പാടുമുള്ള തീയറ്ററുകളില്‍ ഇത് കാണുക’ – ശിവലേങ്ക കൃഷ്ണ പ്രസാദ് പറഞ്ഞു
സാമന്തയെ കൂടാതെ വരലക്ഷ്മി ശരത്കുമാര്‍, ഉണ്ണി മുകുന്ദന്‍, റാവു രമേഷ്, മുരളി ശര്‍മ്മ, സമ്പത്ത് രാജ്, ശത്രു, മധുരിമ, കല്‍പിക ഗണേഷ്, ദിവ്യ ശ്രീപാദ, പ്രിയങ്ക ശര്‍മ്മ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. പുളഗം ചിന്നരായ, ഡോ. ചള്ള ഭാഗ്യലക്ഷ്മി എന്നിവരുടേതാണ് സംഭാഷണം. മണിശര്‍മ്മ സംഗീതസംവിധാനവും എം. സുകുമാര്‍ ഛായാഗ്രഹണവും നിര്‍വഹിക്കുന്നു. വരികള്‍: ചന്ദ്രബോസ്, രാമജോഗയ്യ ശാസ്ത്രി. ക്രിയേറ്റീവ് ഡയറക്ടര്‍: ഹേമാംബര്‍ ജാസ്തി. കല: അശോക്. സംഘട്ടനം: വെങ്കട്ട്, യാനിക് ബെന്‍, എഡിറ്റര്‍: മാര്‍ത്താണ്ഡം. കെ വെങ്കിടേഷ്. ലൈന്‍ പ്രൊഡ്യൂസര്‍: വിദ്യ ശിവലെങ്ക. സഹനിര്‍മ്മാതാവ്: ചിന്ത ഗോപാലകൃഷ്ണ റെഡ്ഡി. എക്സിക്യൂട്ടീവ് പ്രൊഡ്യൂസര്‍: രവികുമാര്‍ ജിപി, രാജ സെന്തില്‍. പി ആര്‍ ഒ : ആതിര ദില്‍ജിത്ത് എന്നിവരാണ് മറ്റു അണിയറപ്രവർത്തകർ.
