സംസ്ഥാനത്ത് വീണ്ടും സൂര്യാഘാതമേറ്റ് മരണം; കുഴഞ്ഞുവീണ യുവാവ് ചികിത്സയിലിരിക്കേ മരിച്ചു

തിരുവനന്തപുരം: സംസ്ഥാനത്ത് സൂര്യാഘാതമേറ്റ് യുവാവ് മരിച്ചു. തിരുവനന്തപുരം ഇടവ വെൺകുളം സ്വദേശി ഷൈൻ (40) ആണ് മരിച്ചത്. വെൽഡിങ് തൊഴിലാളിയായിരുന്നു. ഈ മാസം 18 നാണ് യുവാവ് കുഴഞ്ഞു വീണത്.  ജോലി കഴിഞ്ഞ് തിരിച്ചു വരുന്നവഴി റോഡിൽ കുഴഞ്ഞു വീഴുകയായിരുന്നു. തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത്.