മണ്ണഞ്ചേരി: ആലപ്പുഴയിൽ 1.25 കിലോഗ്രാം കഞ്ചാവുമായി രണ്ട് യുവാക്കളെ എക്സൈസ് അറസ്റ്റ് ചെയ്തു. മണ്ണഞ്ചേരി സ്വദേശികളായ ശ്രീഹരി(24), ഷാരോൺ(23) എന്നിവരാണ് പിടിയിലായത്. കഞ്ചാവ് കടത്തിക്കൊണ്ട് വന്ന ഡോമിനർ ബൈക്കും കസ്റ്റഡിയിലെടുത്തു.
ആലപ്പുഴ എക്സൈസ് എൻഫോഴ്സ്മെന്റ് ആൻഡ് ആന്റി നർക്കോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ എ.സെബാസ്റ്റ്യൻ, എക്സൈസ് ഇൻസ്പെക്ടർ സി.പി.ദിലീപ് എന്നിവരുടെ നേതൃത്വത്തിലായിരുന്നു പരിശോധന നടത്തിയത്.