കേരളത്തിലും തമിഴ്നാട്ടിലും തിരഞ്ഞെടുപ്പ് ആവേശം കൊടുമുടി നിൽക്കെ, മെഗാസ്റ്റാർ മമ്മൂട്ടി മാധ്യമങ്ങളോട് നടത്തിയ പ്രതികരണം സോഷ്യൽ മീഡിയയിൽ വൈറലാകുന്നു. തന്റെ ഏറ്റവും പുതിയ ചിത്രമായ 'പേട്രിയറ്റിന്റെ' (Patriot) പ്രചരണാർത്ഥം തമിഴ്നാട്ടിൽ എത്തിയതായിരുന്നു അദ്ദേഹം.
വിജയ്യുടെ രാഷ്ട്രീയ പ്രവേശനത്തെക്കുറിച്ചും അദ്ദേഹത്തിന്റെ പാർട്ടിയായ 'തമിഴക വെട്രി കഴകം' സൃഷ്ടിക്കുന്ന തരംഗത്തെക്കുറിച്ചുമുള്ള മാധ്യമപ്രവർത്തകരുടെ ചോദ്യത്തിന് "ഒന്നുമേ തെരിയാത്" (ഒന്നും അറിയില്ല) എന്നായിരുന്നു മമ്മൂട്ടിയുടെ രസകരമായ മറുപടി. രാഷ്ട്രീയ വിവാദങ്ങളിൽ നിന്നും ഒഴിഞ്ഞുമാറിക്കൊണ്ടുള്ള താരത്തിന്റെ ഈ പ്രതികരണം ആരാധകർക്കിടയിൽ ചർച്ചയായിട്ടുണ്ട്.