തൃശൂര്: തെങ്ങ് കയറുന്നതിനിടെ യന്ത്രത്തില് കുടുങ്ങിയ തെങ്ങ് കയറ്റ തൊഴിലാളിയെ ഫയര്ഫോഴ്സ് രക്ഷപ്പെടുത്തി. തെങ്ങ് കയറ്റ തൊഴിലാളി കൊരട്ടിക്കര സ്വദേശി വിനീഷി (35)നെയാണ് കുന്നംകുളം ഫയര്ഫോഴ്സ് സാഹസികമായി രക്ഷപ്പെടുത്തിയത്.
കടവല്ലൂര് പഞ്ചായത്ത് നാലാം വാര്ഡില് പെരുമ്പിലാവ് അമീനിന്റെ പറമ്പിലെ തെങ്ങിലെ നാളികേരം വെട്ടാന് കയറുന്നതിനിടെയാണ് വിനീഷ് അപകടത്തില്പ്പെട്ടത്. തെങ്ങില് കയറുന്നതിനിടയില് 45 അടി ഉയരത്തില് വിനീഷിന്റെ കാല് തെങ്ങ് കയറ്റ യന്ത്രത്തില് കുടങ്ങി വിനീഷ് തലകീഴായി കിടക്കുന്ന അവസ്ഥയിലായിരുന്നു.
വിവരം അറിഞ്ഞ് എത്തിയ കുന്നംകുളം ഫയര് ആന്ഡ് റെസ്ക്യൂ ഓഫീസര് സുരേഷ് കുമാര് തെങ്ങുകയറ്റ യന്ത്രത്തിന്റെയും ലാഡറിന്റെയും സഹായത്താല് വിനീഷിനെ സുരക്ഷിതമായി താഴെയിറക്കി രക്ഷപ്പെടുത്തകയായിരുന്നു.