തെരഞ്ഞെടുപ്പ് പ്രചാരണ പരിപാടിയിൽ  പ്രസംഗിക്കുന്നതിനിടെ പന്ന്യൻ രവീന്ദ്രൻ കുഴഞ്ഞുവീണു

ഇടുക്കി:  തെരഞ്ഞെടുപ്പ് പ്രചാരണ പരിപാടിയിൽ  പ്രസംഗിക്കുന്നതിനിടെ സി.പി.ഐ മുതിർന്ന നേതാവ് പന്ന്യൻ രവീന്ദ്രൻ  കുഴഞ്ഞുവീണു. അട്ടപ്പാടിയിൽ എൽ.ഡി.എഫ്. പുതൂർ പഞ്ചായത്ത് റാലി ഉദ്ഘാടനം ചെയ്ത് സംസാരിക്കവേയാണ് അദ്ദേഹം കുഴഞ്ഞുവീണത്. ഉടൻതന്നെ പുതൂർ കുടുംബാരോഗ്യ കേന്ദ്രത്തിൽ അദ്ദേഹത്തെ പ്രവേശിപ്പിച്ചു. നിലവിൽ അദ്ദേഹത്തിന്റെ ആരോഗ്യനിലയിൽ പ്രശ്നങ്ങളില്ല.