മണ്ണുത്തി: തെരഞ്ഞെടുപ്പിന്റെ ഭാഗമായി നടത്തിയ വാഹന പരിശോധനയില് തൃശൂരിൽ ലഹരിവിരുദ്ധ സ്ക്വാഡും, ഇന്റലിജന്സ് ബ്യുറോയും രേഖകളില്ലാതെ കൊണ്ടുവന്ന 62,50,000 രൂപ പിടികൂടി. സംഭവവുമായി ബന്ധപ്പെട്ട് കെ. ഉദയശങ്കറിനെ (35) കസ്റ്റഡിയില് എടുത്തു. ബംഗളൂരുവില് നിന്ന് എറണാകുളത്തേക്ക് പോകുന്ന ബസ് മുടിക്കോട് തടഞ്ഞ് നടത്തിയ പരിശോധനയിലാണ് പിടിയിലായത്. എക്സസൈസ് സര്ക്കിള് ഇന്സ്പക്ടര് വി.ജെ. റോയ്, ഇന്സ്പക്ടര് എന്. സുദര്ശന കുമാര്, ഐ.ബി.എന് സന്തോഷ് എന്നിവരുടെ നേത്യത്വത്തിലാണ് പണം പിടികൂടിയത്.