ന്യൂഡല്ഹി: കേരള നിയമസഭാ തിരഞ്ഞെടുപ്പിനുള്ള ബിജെപിയുടെ രണ്ടാം ഘട്ട സ്ഥാനാര്ത്ഥി പട്ടിക പുറത്തിറങ്ങി. ആറന്മുളയില് മുന് മിസോറാം ഗവര്ണറും മുതിര്ന്ന നേതാവുമായ കുമ്മനം രാജശേഖരനെ ഇറക്കി മണ്ഡലം പിടിച്ചെടുക്കാനാണ് പാര്ട്ടി നീക്കം. എന്നാല് ഏറെ ചര്ച്ച ചെയ്യപ്പെട്ട കൊല്ലം മണ്ഡലത്തില് ഡോ. റോബിന് രാധാകൃഷ്ണനെ (റോബിന് ആര്ബി) സ്ഥാനാര്ത്ഥിയാക്കി ബിജെപി രാഷ്ട്രീയ കേരളത്തെ അമ്പരപ്പിച്ചിരിക്കുകയാണ്. പ്രധാനമന്ത്രി നരേന്ദ്ര മോദി, അമിത് ഷാ തുടങ്ങിയ പ്രമുഖര് പങ്കെടുത്ത കേന്ദ്ര തെരഞ്ഞെടുപ്പ് കമ്മിറ്റി യോഗത്തിലാണ് 39 പേരുടെ പട്ടികയ്ക്ക് അംഗീകാരം നല്കിയത്.
യുവ വോട്ടര്മാരെ ലക്ഷ്യം വെച്ചാണോ ഡോ. റോബിന് രാധാകൃഷ്ണനെ കുണ്ടറയില് പരീക്ഷിക്കുന്നതെന്ന ചര്ച്ചകള് സജീവമായിക്കഴിഞ്ഞു. കൊല്ലത്ത് ഡോ. പ്രതാപ് കുമാറും ജനവിധി തേടും. അതേസമയം, വന് പോരാട്ടം പ്രതീക്ഷിക്കുന്ന തിരുവനന്തപുരം സെന്ട്രലിലും കണ്ണൂര് ജില്ലയിലെ പ്രധാന മണ്ഡലങ്ങളിലും ബിജെപി സ്ഥാനാര്ത്ഥികളെ പ്രഖ്യാപിച്ചിട്ടില്ല. ഈ മണ്ഡലങ്ങളില് കരുത്തരായ സ്ഥാനാര്ത്ഥികള്ക്കായി പാര്ട്ടി ഇനിയും കാത്തിരിക്കുന്നു എന്നാണ് സൂചന.
പട്ടികയിലെ പ്രമുഖര്:
ആറന്മുള: കുമ്മനം രാജശേഖരന് കൊല്ലം: ഡോ. റോബിന് രാധാകൃഷ്ണന് (റോബിന് ആര്ബി) എറണാകുളം: പി.ആര്. ശിവശങ്കര് ഗുരുവായൂര്: അഡ്വ. ബി. ഗോപാലകൃഷ്ണന് ചാലക്കുടി (ആലത്തൂര്): കെ.വി. പ്രസന്നകുമാര് അമ്പലപ്പുഴ (ആലപ്പുഴ): എം.ജെ. ജോബ് കാസര്കോട്: അശ്വിനി എം.എല്. മലപ്പുറം ജില്ലയില് അഡ്വ. അശ്വതി ഗുപ്ത കുമാര് (മലപ്പുറം), വി.എന്. ജയകൃഷ്ണന് (വേങ്ങര) തുടങ്ങിയവരാണ് കളത്തിലിറങ്ങുന്നത്. ബാക്കിയുള്ള സീറ്റുകളിലും ഉടന് സ്ഥാനാര്ത്ഥികള് വരും.
രണ്ടാം ഘട്ട പത്രിക ചുവടെ
