ഇടുക്കി തൂക്കുപാലത്ത് ഓട്ടോ ഡ്രൈവർ കുത്തേറ്റ് മരിച്ചു; ബന്ധുവായ പ്രതി പോലീസ് കസ്റ്റഡിയിൽ

നെടുങ്കണ്ടം: ഇടുക്കി തൂക്കുപാലത്ത് ഓട്ടോ ഡ്രൈവർ കുത്തേറ്റ് മരിച്ചു. നെടുങ്കണ്ടം സ്വദേശി രതീഷ് ചന്ദ്രൻ(35) ആണ് മരിച്ചത്. ഞായറാഴ്ച വൈകിട്ട് എഴോടെയായിരുന്നു സംഭവം. രതീഷിൻ്റെ ബന്ധുവായ കല്ലുമ്മേകല്ല് അനൂപ് ഓട്ടോ തടഞ്ഞുനിർത്തി നടുറോഡിൽവെച്ച് കൊലപ്പെടുത്തുകയായിരുന്നു. ഇയാളെ നെടുങ്കണ്ടം പൊലീസ് കസ്റ്റഡിയിലെടുത്തു.  To advertise here, വയറിങ് തൊഴിലാളിയായ അനൂപ് ജോലി കഴിഞ്ഞ് മടങ്ങുന്നതിനിടെ തൂക്കുപാലം ടൗണിൽ വച്ച് വാഹനം തടഞ്ഞുനിർത്തി രതീഷിനെ പലതവണ കുത്തുകയായിരുന്നു.  കൊല്ലപ്പെട്ട രതീഷിന്റെ പിതൃ സഹോദര പുത്രൻ ആണ് അനൂപ്.  ഇവർ തമ്മിലുള്ള കുടുംബ പ്രശ്‌നമാണ് കൊലയിലേക്ക് നയിച്ചത് എന്നാണ് പ്രാഥമിക വിവരം. ആക്രമണം തടയാൻ ശ്രമിച്ച രതീഷിൻ്റെ രണ്ട് സുഹൃത്തുക്കൾക്കും കുത്തേറ്റു. അക്രമണത്തിന് ശേഷവും അനൂപ് ഭീഷണിമുഴക്കി സമീപത്ത്തന്നെ നിൽക്കുകയായിരുന്നു. സംഭവത്തിൽ നെടുങ്കണ്ടം പോലീസ് കേസെടുത്ത് അന്വേഷണം ആരംഭിച്ചു. Content Highlights: Fatal stabbing of 35-year-old auto driver Ratheesh Chandran., Suspect Anoop taken into custody by Nedumkandam police., Preliminary investigation suggests family dispute as the motive., Two others injured while attempting to stop the attack. Published: 15 Mar 2026, 11:08 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.