ഇറാൻ ആക്രമണം നിർത്തിയേക്കുമെന്ന് ട്രംപ്, ഇസ്ഫഹാനിലെ വമ്പൻ സ്ഫോടനങ്ങളുടെ വീഡിയോയും

വാഷിങ്ടൺ: ഇറാൻ പ്രതിരോധആക്രമണങ്ങൾ നിർത്തിയേക്കുമെന്ന് സൂചന നൽകിയതിനോടൊപ്പം വമ്പൻ സ്ഫോടനങ്ങളുടെ വീഡിയോയും പങ്കുവെച്ച് യുഎസ് പ്രസിഡന്റ് ഡൊണാൾഡ് ട്രംപ്. ഇറാന്റെ ഇസ്ഫഹാനിലെ സൈനിക അടിസ്ഥാന സൗകര്യങ്ങൾ ലക്ഷ്യമിട്ടുള്ള യുഎസ്-ഇസ്രയേൽ വ്യോമാക്രമണങ്ങളെക്കുറിച്ചുള്ള റിപ്പോർട്ടുകൾ പുറത്തുവരുന്നതിനിടയിലാണ് ഇത്. To advertise here, ട്രംപിന്റെ സോഷ്യൽ മീഡിയ പ്ലാറ്റ്‌ഫോമിൽ യാതൊരു അടിക്കുറിപ്പുകളോ സന്ദർഭമോ ഇല്ലാതെ പോസ്റ്റ് ചെയ്ത വീഡിയോയിൽ, നിരവധി സ്ഫോടനങ്ങളും അതിനെത്തുടർന്ന് വ്യാപിക്കുന്ന തീയും കനത്ത പുകയും കാണാം. ഈ ദൃശ്യങ്ങളുടെ ആധികാരികത സ്ഥിരീകരിച്ചിട്ടില്ലെന്ന് വാർത്ത പങ്കുവെച്ച ദേശീയമാധ്യമം വ്യക്തമാക്കി. മാധ്യമറിപ്പോർട്ടുകൾ പ്രകാരം ഇറാനിലെ ഒരു പ്രധാന നഗരമായ ഇസ്ഫഹാനിലെ ഒരു വലിയ ആയുധ ഡിപ്പോയെയാണ് ആക്രമണം ലക്ഷ്യമിട്ടത്. ഇറാൻ്റെ ആണവ പദ്ധതികളുമായി ബന്ധമുള്ളതായി കരുതപ്പെടുന്ന കേന്ദ്രങ്ങളും ബദർ സൈനിക എയർബേസും ഉൾപ്പെടെയുള്ള നിർണായക സൈനിക, ആണവ-ബന്ധിത അടിസ്ഥാന സൗകര്യങ്ങളുടെയും കേന്ദ്രം കൂടിയാണ് ഈ നഗരം. റിപ്പോർട്ടുകളിൽ ഉദ്ധരിച്ച സമീപകാല രഹസ്യാന്വേഷണ വിലയിരുത്തലുകൾ പ്രകാരം, ഏകദേശം 540 കിലോഗ്രാം വരുന്ന ഉയർന്ന ശുദ്ധീകരിച്ച യുറേനിയം ശേഖരത്തിൻ്റെ ഗണ്യമായ ഭാഗം ഇറാൻ ഇസ്ഫഹാനിലെ ഭൂഗർഭ കേന്ദ്രങ്ങളിലേക്ക് മാറ്റിയതായി സൂചിപ്പിക്കുന്നു.  യുഎസും ഇസ്രയേലും ഇറാന് നേരെയുള്ള സൈനിക നടപടി വർദ്ധിപ്പിക്കുകയാണ്. ഇതിന് ഒരു ദിവസം മുമ്പ്, നടന്നുകൊണ്ടിരിക്കുന്ന സംഘർഷം അവസാനിപ്പിക്കാനുള്ള ഒരു കരാറിൽ ഉടൻ എത്തിയില്ലെങ്കിൽ ഇറാന്റെ ഊർജ, ആണവ അടിസ്ഥാന സൗകര്യങ്ങളുടെ വ്യാപകനാശമുണ്ടാകുമെന്ന് ട്രംപ് മുന്നറിയിപ്പ് നൽകിയിരുന്നു. Content Highlights: Trump posts video of explosions in Isfahan without context., Reports suggest US-Israel strikes targeting Iranian military and nuclear infrastructure., Intelligence indicates Iran moved enriched uranium to underground facilities in Isfahan., Escalating tensions follow Trump's warning regarding Iran's energy and nuclear assets. Published: 31 Mar 2026, 10:23 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.