ഇറാൻ തുറമുഖങ്ങൾക്കെതിരായ ഉപരോധം കടുപ്പിച്ച് യു.എസ്; കപ്പൽ തിരിച്ചുവിടുന്ന ദൃശ്യങ്ങൾ പുറത്ത്

വാഷിംഗ്ടൺ: ഇറാൻ തുറമുഖങ്ങളെ ലക്ഷ്യമാക്കി അമേരിക്ക ഏർപ്പെടുത്തിയ സമുദ്ര ഉപരോധത്തിന്റെ ദൃശ്യങ്ങൾ യുഎസ് സെൻട്രൽ കമാൻഡ് പുറത്തുവിട്ടു. ഉപരോധം ലംഘിക്കാൻ ശ്രമിച്ച ഒരു ചരക്കുകപ്പലിനെ യുഎസ് നാവികസേന തടഞ്ഞ് മറ്റൊരു ദിശയിലേക്ക് തിരിച്ചുവിടുന്നതാണ് ദൃശ്യങ്ങളിലുള്ളത്. യുഎസ് നാവികസേനയുടെ യുഎസ്എസ് മൈക്കൽ മർഫി (USS Michael Murphy - Warship 112) എന്ന യുദ്ധക്കപ്പൽ 'മോട്ടോർ വെസൽ മോളി' (Motor Vessel Molly) എന്ന ചരക്കുകപ്പലിനെ തടയുന്നതാണ് പുറത്തുവന്ന ദൃശ്യങ്ങളിലുള്ളത്. To advertise here, കപ്പലിലെ ജീവനക്കാരെ ബന്ധപ്പെട്ട നാവികർ, ഉപരോധത്തിന്റെ കാര്യം അറിയിക്കുകയും മറ്റൊരു തുറമുഖത്തേക്ക് പോകാനായി ആവശ്യപ്പെടുകയും ചെയ്തു. അടുത്തുള്ള ഒരു തുറമുഖത്തേക്ക് കപ്പലിനെ അനുഗമിക്കുമെന്ന് അറിയിക്കുകയും തങ്ങളുമായി സഹകരിച്ചതിന് നന്ദി പറയുകയും ചെയ്തു. ഇറാന്റെ തുറമുഖങ്ങളെയും തീരപ്രദേശങ്ങളെയും ലക്ഷ്യമിട്ടുള്ള ഉപരോധത്തിൽ പതിനായിരത്തിലധികം സൈനികരും പന്ത്രണ്ടിലധികം യുദ്ധക്കപ്പലുകളും നൂറിലധികം വിമാനങ്ങളും പങ്കുചേരുന്നുണ്ടെന്ന് സെൻട്രൽ കമാൻഡ് അറിയിച്ചു. യുഎസ്എസ് എബ്രഹാം ലിങ്കൺ ഉൾപ്പെടെയുള്ള കപ്പലുകൾ നിലവിൽ അറബിക്കടലിൽ നിലയുറപ്പിച്ചിട്ടുണ്ട്. കഴിഞ്ഞയാഴ്ച പാകിസ്താനിൽവെച്ച് ഇറാനുമായി നടത്തിയ ചർച്ചകൾ പരാജയപ്പെട്ടതിനെത്തുടർന്ന് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ച 'ഹോർമുസ് പ്ലാനിന്റെ' ഭാഗമായാണ് ഈ നടപടി. ഉപരോധം വിജയകരമായി മുന്നോട്ട് പോകുകയാണെന്നും ഒരു കപ്പൽ പോലും യുഎസ് നാവികസേനയെ മറികടന്ന് പോകാൻ ശ്രമിക്കുന്നില്ലെന്നും ട്രംപ് അവകാശപ്പെട്ടിരുന്നു. ഹോർമുസ് കടലിടുക്ക് പൂർണ്ണമായും അടച്ചിട്ടില്ലെന്നും മറിച്ച് ഇറാന്റെ തുറമുഖങ്ങളിലേക്കുള്ള പ്രവേശനം മാത്രമാണ് തടയുന്നതെന്നും യുഎസ് സേന വ്യക്തമാക്കിയിട്ടുണ്ട്. നിലവിൽ ഇറാനും അമേരിക്കയും തമ്മിൽ രണ്ടാഴ്ചത്തെ താൽക്കാലിക വെടിനിർത്തൽ നിലവിലുണ്ടെങ്കിലും ഉപരോധം കർശനമായി തുടരുകയാണ്. ആവശ്യമെന്നുണ്ടെങ്കിൽ എത്ര കാലം വേണമെങ്കിലും ഉപരോധം തുടരാൻ തങ്ങൾ സജ്ജമാണെന്ന് യുഎസ് സൈനിക വൃത്തങ്ങൾ അറിയിച്ചു. ഈ നടപടി മേഖലയിലെ സമാധാന ചർച്ചകളെ എങ്ങനെ ബാധിക്കുമെന്ന ആശങ്കയിലാണ് അന്താരാഷ്ട്ര സമൂഹം Content Highlights: US Central Command released footage of a naval interception near Iranian ports., The operation is part of the 2026 'Hormuz Plan' announced by President Donald Trump., Over 10,000 troops and 12 warships are currently enforcing the maritime blockade., The USS Abraham Lincoln is stationed in the Arabian Sea to support operations., Despite a temporary ceasefire, the US maintains a strict blockade on Iranian port access. Published: 17 Apr 2026, 12:17 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.