ഇറാൻ യുദ്ധം: യുഎസിന്റെ സൈനിക രഹസ്യങ്ങൾ ചോരുന്നതായി ആശങ്ക; നർത്തകിയുടെ വീഡിയോ വൈറൽ

വാഷിംഗ്ടൺ: ഇറാനെതിരെയുള്ള യുദ്ധത്തിനായി നിയോഗിക്കപ്പെട്ട യുവ അമേരിക്കൻ സൈനികർ തങ്ങളുടെ വിന്യാസത്തെക്കുറിച്ചുള്ള സുപ്രധാന വിവരങ്ങൾ പുറത്തുവിടുന്നതായി റിപ്പോർട്ട്. സാൻ ഡീഗോയിലെ ഒരു സ്ട്രിപ്പ് ക്ലബ് നർത്തകി ടിക് ടോക്കിലൂടെ പുറത്തുവിട്ട വെളിപ്പെടുത്തലുകളാണ് ഇപ്പോൾ വാർത്തകളിൽ നിറയുന്നത്. സൈനിക നീക്കങ്ങളേക്കുറിച്ച് സൈനികർ പങ്കുവെച്ച വിവരങ്ങളാണ് ഇവർ ടിക് ടോക് വീഡിയോയിലൂടെ പുറത്തുവിട്ടത്. ഇതോടെ അമേരിക്കൻ സൈന്യത്തിന്റെ സുരക്ഷാ ക്രമീകരണങ്ങളെക്കുറിച്ച് വലിയ ആശങ്കകൾ ഉയർന്നിട്ടുണ്ട്. To advertise here, സാൻ ഡീഗോയിലുള്ള ചാം ഡേസ് എന്ന നർത്തകിയാണ് സൈനികർ തങ്ങളുടെ വിന്യാസ വിവരങ്ങൾ പങ്കുവെക്കുന്നതായി വെളിപ്പെടുത്തിയത്. അടുത്ത ആഴ്ച തങ്ങൾ യുദ്ധമുഖത്തേക്ക് പോകുകയാണെന്ന് സൈനികർ ക്ലബിൽവെച്ച് തന്നോട് പറഞ്ഞതായാണ് ഇവർ അവകാശപ്പെടുന്നത്. യുദ്ധത്തിന് പോകേണ്ടി വരുന്നതിൽ യുവ സൈനികർ അതീവ ദുഃഖിതരും വിഷാദത്തിലുമാണെന്ന് നർത്തകി പറയുന്നു. ക്ലബ്ബുകളിൽ എത്തുന്ന ഇവർ കൈവശമുള്ള പണം മുഴുവൻ ചെലവഴിക്കുകയാണെന്നും ഇവർ വീഡിയോയിൽ പങ്കുവെച്ചു. ഏറ്റവും വലിയ യുഎസ് സൈനിക കേന്ദ്രങ്ങളിലൊന്നാണ് സാൻ ഡീഗോ. യുഎസ് സൈനിക നഗരങ്ങളിൽ സാധാരണയായി കാണാറുള്ളതുപോലെ, ഈ താവളങ്ങൾക്ക് സമീപം ധാരാളം സ്ട്രിപ്പ് ക്ലബ്ബുകളും ഉണ്ട്. നിരവധി ആളുകളാണ് വീഡിയോയിൽ പ്രതികരണവുമായി രംഗത്ത് വന്നത്. സൈനിക രഹസ്യങ്ങൾ പുറത്തുവിടുന്നതിനെ വിമർശിച്ച് ചിലർ പ്രതികരിച്ചപ്പോൾ യുദ്ധത്തിന്റെ മാനുഷിക വശത്തേപ്പറ്റി സംസാരിച്ചതിന് ആളുകൾ ചാം ഡേസിനെ അഭിനന്ദിക്കുകയും ചെയ്തിട്ടുണ്ട്. സുപ്രധാന വിവരങ്ങൾ അപരിചിതരുമായി പങ്കുവെക്കുന്നത് സൈനിക നീക്കങ്ങളെ ബാധിക്കുമെന്ന് വിദഗ്ധർ മുന്നറിയിപ്പ് നൽകുന്നു. നർത്തകികളോടോ ബാർബർമാരോടോ വിന്യാസ തീയതികളെക്കുറിച്ചോ സ്ഥാനങ്ങളെക്കുറിച്ചോ സംസാരിക്കരുതെന്ന് മറൈൻ ഓഫീസറായ കാഗൻ ഡൺലാപ്പ് സൈനികർക്ക് മുന്നറിയിപ്പ് നൽകി. അതേസമയം, ഇറാനുമായുള്ള കരയുദ്ധ ഭീതി വർധിപ്പിച്ച് യുഎസ് സൈനിക വിന്യാസം വർദ്ധിപ്പിക്കുകയാണ്. ഇറാനുമായുള്ള സംഘർഷം രൂക്ഷമാകുന്ന സാഹചര്യത്തിൽ, 82-ാം എയർബോൺ ഡിവിഷൻ ഉൾപ്പെടെയുള്ള ആയിരക്കണക്കിന് അധിക സൈനികരെ അമേരിക്ക പശ്ചിമേഷ്യയിലേക്ക് അയച്ചിട്ടുണ്ട്. യുഎസ്എസ് ട്രിപ്പോളി എന്ന കപ്പലിലായി 3,500 സൈനികർ കഴിഞ്ഞ ആഴ്ച മേഖലയിലെത്തിയിരുന്നു. Content Highlights: US soldiers are sharing sensitive deployment schedules with civilians in 2026., Viral social media reports highlight potential security vulnerabilities., Military officials warn against disclosing operational details to unauthorized personnel., Increased US troop presence in the Middle East amidst rising tensions with Iran. Published: 02 Apr 2026, 10:29 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.