ഇറാൻയുദ്ധത്തിനിടെ ട്രൈറ്റൺ ഡ്രോൺ തകർന്നുവീണതായി US നാവികസേനയുടെ സ്ഥിരീകരണം, നഷ്ടം 240 മില്യൺ ഡോളർ

വാഷിങ്ടൺ: ഇറാൻ യുദ്ധത്തിനിടെ നാവികസേനയുടെ MQ-4C ട്രൈറ്റൺ തകർന്നതായി സ്ഥിരീകരിച്ച് യുഎസ്. നാവികസേനയിൽ നിന്നുള്ള ഡേറ്റയും പൊതുവായി ലഭ്യമായ ഫ്ലൈറ്റ് ലോഗുകളും വഴിയാണ് സ്ഥിരീകരണം. ഏപ്രിൽ 9 ന് ട്രൈറ്റൺ തകർന്നതായി നാവിക സുരക്ഷാ കമാൻഡിന്റെ ഏറ്റവും പുതിയ ഏവിയേഷൻ മിസ്‌ഹാപ്സ് റിപ്പോർട്ട് രേഖപ്പെടുത്തി, എന്നാൽ അപകടസ്ഥലം വെളിപ്പെടുത്തിയില്ലെന്ന് ആക്സിയോസ് റിപ്പോർട്ട് ചെയ്തു. To advertise here, വാർ സോൺ റിപ്പോർട്ട് ചെയ്തതനുസരിച്ച്, പേർഷ്യൻ ഗൾഫിന് സമീപം പ്രവർത്തിക്കുമ്പോൾ ഡ്രോൺ ഫ്ലൈറ്റ് ട്രാക്കിങ് പ്ലാറ്റ്‌ഫോമുകളിൽ നിന്ന് അപ്രത്യക്ഷമായി. ട്രാക്കിങ്ങിൽ നിന്ന് അപ്രത്യക്ഷമാകുന്നതിന് തൊട്ടുമുമ്പ് ഇത് അതിവേഗം ഉയരം കുറഞ്ഞുവെന്ന് ഡാറ്റ സൂചിപ്പിക്കുന്നു. യൂണിറ്റിന് ഏകദേശം 240 മില്യൺ ഡോളർ വിലമതിക്കുന്ന നോർത്ത്‌റോപ്പ് ഗ്രമ്മൻ നിർമ്മിച്ച മെറിടൈം നിരീക്ഷണ ഡ്രോൺ ഇറാൻ സംഘർഷവുമായി ബന്ധപ്പെട്ട ഏറ്റവും ചെലവേറിയ നഷ്ടങ്ങളിൽ ഒന്നാണ്. ഈ വലിയ ആളില്ലാത്ത വിമാനത്തിന് 24 മണിക്കൂറിനധികം 50,000 അടിക്ക് മുകളിൽ പറക്കാൻ കഴിയും. ഇത് ബോയിങ് P-8 പോസൈഡോൺ വിമാനങ്ങൾക്കൊപ്പം പ്രവർത്തിക്കാൻ രൂപകൽപ്പന ചെയ്തിട്ടുള്ളതാണ്, അന്തർവാഹിനി വിരുദ്ധ യുദ്ധത്തിനായി ഉപയോഗിക്കുന്നു. ഒരു യുഎസ് നാവികസേന MQ-4C ട്രൈറ്റൺ നിരീക്ഷണ ഡ്രോൺ ഹോർമുസ് കടലിടുക്കിൽ കാണാതായതായി റിപ്പോർട്ട് ചെയ്യപ്പെട്ടിട്ടുണ്ട്, ഇത് ഊഹാപോഹങ്ങൾക്കും ഉത്തരമില്ലാത്ത ചോദ്യങ്ങൾക്കും വഴിവെച്ചിരുന്നു. ഈ സംഭവം ഓൺലൈൻ അവകാശവാദങ്ങൾക്ക് പ്രചോദനമായി. ചില ഉപയോക്താക്കൾ ഇറാൻ വിമാനം വെടിവെച്ചിട്ടതായി ആരോപിച്ചു. എന്നിരുന്നാലും, യുഎസ് സൈന്യത്തിൽ നിന്നോ നാവികസേനയിൽ നിന്നോ ഔദ്യോഗിക സ്ഥിരീകരണം ഉണ്ടായിരുന്നില്ല, ഡ്രോൺ അപ്രത്യക്ഷമായതിന്റെ കൃത്യമായ സാഹചര്യങ്ങൾ അജ്ഞാതമായി തുടരുന്നു. MQ-4C ട്രൈറ്റൺ യുഎസ് നാവികസേനയുടെ ഏറ്റവും നൂതനവും ചെലവേറിയതുമായ ആളില്ലാ വ്യോമവാഹനങ്ങളിൽ ഒന്നാണ്, സമുദ്രമേഖലകളിലെ ഉയർന്ന ഉയരത്തിലുള്ള ദീർഘകാല നിരീക്ഷണം, രഹസ്യാന്വേഷണ ദൗത്യങ്ങൾ എന്നിവയ്ക്കായി രൂപകൽപ്പന ചെയ്തിട്ടുള്ളതാണ്. RQ-4 ഗ്ലോബൽ ഹോക്ക് നിന്ന് ഉരുത്തിരിഞ്ഞ, ട്രൈറ്റൺ 50,000 അടിക്ക് മുകളിലുള്ള ഉയരങ്ങളിൽ ദീർഘകാലം - പലപ്പോഴും 24 മണിക്കൂറിൽ കൂടുതൽ - പ്രവർത്തിക്കാനായി നിർമ്മിച്ചിരിക്കുന്നു. ഹോർമുസ് കടലിടുക്ക് പോലുള്ള പ്രധാനപ്പെട്ട പോയിന്റുകൾ നിരീക്ഷിക്കുന്നതാണ് ഇതിന്റെ പ്രാഥമിക റോൾ. Content Highlights: Confirmed loss of a $240 million MQ-4C Triton drone on April 9., The drone disappeared from tracking platforms near the Persian Gulf., Data indicates a rapid loss of altitude prior to the incident., The Triton is a critical asset for high-altitude, long-endurance maritime surveillance., No official confirmation of hostile action despite online speculation. Published: 22 Apr 2026, 10:47 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.