കേന്ദ്രനയങ്ങൾ തിരുത്തണം- കെ.എസ്.എസ്.പി.യു.

കരിമണ്ണൂർ : സിവിൽ സർവീസിലെ ജീവനക്കാരുടെ പെൻഷൻ നിഷേധിക്കുന്ന കേന്ദ്ര സർക്കാർ നയങ്ങൾ തിരുത്തണമെന്ന് കേരള സ്റ്റേറ്റ് സർവീസ് പെൻഷനേഴ്സ് യൂണിയൻ ജില്ലാ സമ്മേളനം ആവശ്യപ്പെട്ടു. To advertise here, സമ്മേളനഭാഗമായി നൂറ് കണക്കിന് പ്രവർത്തകർ അണിനിരന്ന പ്രകടനവും പതാക ഉയർത്തലും നടന്നു. തുടർന്ന് നടന്ന സമ്മേളനം ജില്ലാ പഞ്ചായത്ത് പ്രസിഡന്റ് ഷീലാ സ്റ്റീഫൻ ഉദ്ഘാടനം ചെയ്തു. യൂണിയൻ ജില്ലാ പ്രസിഡന്റ്‌ കെ.കെ. സുകുമാരൻ അധ്യക്ഷത വഹിച്ചു. സമ്മേളനത്തിൽ മുതിർന്ന അംഗങ്ങളായ എൻ.ആർ. നാരായണൻ, കെ. മത്തായി എന്നിവരെയും അന്തർദേശീയ നീന്തൽതാരം ബേബി വർഗീസ്, ദേശീയ മാസ്റ്റേഴ്സ് അത്‌ലറ്റിക് ചാമ്പ്യൻ ജോസഫ് കുരുവിള എന്നിവരെയും ആദരിച്ചു. ഇളംദേശം ബ്ലോക്ക് പഞ്ചായത്ത് പ്രസിഡന്റ്‌ രാജീവ് ഭാസ്‌കരൻ, ജില്ലാ പഞ്ചായത്ത് മെമ്പർ മനോജ് കോക്കാട്ട്, കെ.എസ്.ടി.എ. ജില്ലാ സെക്രട്ടറി എം.ആർ. അനിൽ കുമാർ, പി.എം. റഫീക്ക് (എൻ.ജി.ഒ. യൂണിയൻ), സംഘാടകസമിതി ചെയർമാനും കരിമണ്ണൂർ പഞ്ചായത്ത് പ്രസിഡന്റുമായ ജീൻസ് ജോൺ, സംഘാടക സമിതി കൺവീനറും യൂണിയൻ ഇളംദേശം ബ്ലോക്ക് സെക്രട്ടറിയുമായ കെ. ശശിധരൻ എന്നിവർ സംസാരിച്ചു. തുടർന്ന് നടന്ന പ്രതിനിധി സമ്മേളനം സംസ്ഥാന പ്രസിഡന്റ്‌ എ.പി. ജോസ് മാസ്റ്റർ ഉദ്ഘാടനം ചെയ്തു. യൂണിയൻ പ്രസിഡന്റ് കെ.കെ. സുകുമാരൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ആർ. രഘുനാഥൻ നായർ, ജില്ലാ വൈസ് പ്രസിഡന്റ്‌ പി.എം. അബ്ദുൾ അസീസ് എന്നിവർ സംസാരിച്ചു. പുതിയ ഭാരവാഹികൾ: ലീലാമ്മ ഗോപിനാഥ് (പ്രസിഡന്റ്), എ.എൻ. ചന്ദ്രബാബു (സെക്രട്ടറി), ടി. ചെല്ലപ്പൻ (ട്രഷറർ), വൈസ് പ്രസിഡന്റുമാരായി വി.വി. ഫിലിപ്പ്, എൻ.എ. ജെയിംസ്, എം.എം. ഇമ്മാനുവൽ, പി.എസ്. ഷംസുദ്ദീൻ, ജോ. സെക്രട്ടറിമാരായി പി.പി. സൂര്യകുമാർ, മോളിക്കുട്ടി മാത്യു, പി.കെ. സുകുമാരൻ, പി.കെ. ശ്യാമള എന്നിവരടങ്ങുന്ന 35-അംഗ ജില്ലാ കമ്മിറ്റിയെ തിരഞ്ഞെടുത്തു.