കേരളത്തിൽ തൊഴിലില്ലായ്മ നിരക്ക് കുറഞ്ഞെന്ന് കേന്ദ്ര റിപ്പോർട്ട്

തിരുവനന്തപുരം: ദേശീയതലത്തിലും കേരളത്തിലും തൊഴിലില്ലായ്മനിരക്ക് കുറഞ്ഞെന്ന് കേന്ദ്ര സ്റ്റാറ്റിസ്റ്റിക്സ് മന്ത്രാലയം പുറത്തുവിട്ട പീരിയോഡിക് ലേബർ ഫോഴ്‌സ് സർവേ റിപ്പോർട്ടിൽ വിലയിരുത്തൽ. 2022-ൽ രാജ്യത്തെ തൊഴിലില്ലായ്മനിരക്ക് 3.6 ശതമാനമായിരുന്നു. ഇതു 2025-ൽ 3.1 ആയി. കേരളത്തിലാവട്ടെ, 2023-24 കാലയളവിലെ 7.2 ശതമാനത്തിൽനിന്ന്‌ 2025-ൽ 4.3 ആയും കുറഞ്ഞു. 2025 ജനുവരിമുതൽ ഡിസംബർവരെ രാജ്യത്തെ 2.70 ലക്ഷം വീടുകൾ കേന്ദ്രീകരിച്ചായിരുന്നു സർവേ. To advertise here, കണക്കുകൾ ഇങ്ങനെ: ദേശീയതലത്തിൽ യുവാക്കളുടെ (15-29) തൊഴിലില്ലായ്മ ഒരു ശതമാനം കുറഞ്ഞു. 15 വയസ്സിനുമുകളിലുള്ള, അഭ്യസ്തവിദ്യരുടെ തൊഴിലില്ലായ്മ ദേശീയശരാശരിയെക്കാൾ കൂടുതലാണ് കേരളത്തിൽ. ദേശീയതലം: 3.1%, കേരളം: 4.4%. എല്ലാ പ്രായത്തിലുള്ളവരുടെ തൊഴിൽ പങ്കാളിത്തമെടുത്താൽ ദേശീയശരാശരിയെക്കാൾ മുന്നിലാണ് കേരളം. ദേശീയതലം: 44.9%, കേരളം: 46.2%. ദേശീയതലം: 30.7%, കേരളം: 33.5% എന്നിങ്ങനെയാണ് സ്ത്രീകളുടെ തൊഴിൽ പങ്കാളിത്തം. മറ്റു രണ്ടുവിഭാഗങ്ങളിൽ പിന്നിലാണ് കേരളം. 15-29 പ്രായക്കാരുടെ തൊഴിൽപങ്കാളിത്തം: ദേശീയതലം: 46%, കേരളം: 41.7%. 15-59 പ്രായക്കാരുടെ തൊഴിൽ പങ്കാളിത്തം: ദേശീയതലം: 63.3%, കേരളം: 62.8%. കേരളത്തിന് അഭിമാനിക്കാം -ആസൂത്രണ ബോർഡംഗം കേന്ദ്രത്തിന്റെ കണക്കിൽ 2017-18 കാലയളവിൽ 7.2% ആയിരുന്നു സംസ്ഥാനത്തെ തൊഴിലില്ലായ്മനിരക്കെന്നും ഇതാണിപ്പോൾ 4.3% ആയതെന്നുമാണ് ആസൂത്രണ ബോർഡിന്റെ വിലയിരുത്തൽ. തൊഴിൽസേനയിലെ സ്ത്രീപങ്കാളിത്തവും വർധിച്ചു. 2017-18ൽ 36.6% ആയിരുന്നത് 2025ൽ 46.2% ആയി. സംസ്ഥാനത്തെ സമ്പദ് വ്യവസ്ഥയുടെ നിർണായകമുന്നേറ്റമാണ് ഇതു കാണിക്കുന്നതെന്ന് തൊഴിൽവിഭാഗത്തിന്റെ ചുമതലയുള്ള ആസൂത്രണബോർഡംഗം ഡോ. കെ. രവിരാമൻ പറഞ്ഞു.