ചെറുവൈപ്പ് ചെമ്പൂഴി ധർമശാസ്താ ക്ഷേത്രോത്സവത്തിന് കൊടിേയറി

ചെറായി : ചെറുവൈപ്പ് വിജ്ഞാനദായിനി സഭ ചെമ്പൂഴി ധർമശാസ്താ ക്ഷേത്രത്തിലെ ആറാട്ട് ഉത്സവത്തിന് ക്ഷേത്രം തന്ത്രി അയ്യമ്പിള്ളി സത്യപാലൻ തന്ത്രി കൊടിയേറ്റി. മേൽശാന്തി പ്രശാന്ത് കുമാർ സഹകാർമികത്വം വഹിച്ചു. 7-ന് ആറാട്ടോടെ സമാപിക്കും. To advertise here, വ്യാഴാഴ്ച രാവിലെ 11-ന് കളഭാഭിഷേകം. രാത്രി 7-ന് തെക്കുംഭാഗം താലം, 8-ന് നാടൻപാട്ടുകൾ. 3-ന് രാവിലെ 11-ന് കളഭാഭിഷേകം, രാത്രി 7-ന് കിഴക്കുംഭാഗം താലം, വിളക്കിനെഴുന്നള്ളിപ്പ്, 8-ന് കഥാപ്രസംഗം. 4-ന് രാവിലെ 11-ന് കളഭാഭിഷേകം, രാത്രി 7-ന് വടക്കുംഭാഗം താലം, രാത്രി 8-ന് കുറത്തിയാട്ടം. 5-ന് രാവിലെ 11.30-ന് ഉത്സവബലിദർശനം. ദീപാരാധനയ്ക്ക് ശേഷം പുഷ്പാഭിഷേകം, രാത്രി 8-ന് പ്രാദേശിക കലാവിരുന്ന്. 6-ന് പള്ളിവേട്ട ഉത്സവം. രാവിലെ ആറു മുതൽ 7.15 വരെ ധർമശാസ്താവിങ്കൽ വിശേഷാൽ അഭിഷേകം, നാഗദൈവങ്ങൾക്ക് നൂറും പാലും, മലനായാടിക്ക് കലശം, വൈകിട്ട് നാലിന് പകൽപ്പൂരം, രാത്രി 10.30-ന് പള്ളിവേട്ട. 7-ന് ആറാട്ട്. വൈകീട്ട് 4-ന് ആറാട്ടുബലി, 6.30-ന് ആറാട്ട്, രാത്രി 9-ന് കലംപൂജ, തുടർന്ന് മഹാഗുരുതിയോടെ ഉത്സവം സമാപിക്കും. ചടങ്ങുകൾക്ക് സഭാ പ്രസിഡന്റ് പി.എൻ. സുരേഷ്, സെക്രട്ടറി വി.കെ. സിന്തപ്പൻ, ഖജാൻജി വി.എസ്. ഷൺമുഖൻ, ഉത്സവാഘോഷ കമ്മിറ്റി കൺവീനർ കെ.ടി. ആനന്ദൻ എന്നിവർ നേതൃത്വം നൽകി.