ടൂറിസ്റ്റ് ബസ് കളറാക്കാൻ ഒരുലക്ഷം ഫീസ് ഈടാക്കാൻ നീക്കം

സ്വന്തം ലേഖകന്‍ Last Updated: 01 April 2026, 07:55 AM IST 2022 ഒക്ടോബറില്‍ ഒന്‍പത് ജീവനുകള്‍ നഷ്ടമായ വടക്കഞ്ചേരി ബസ്സപകടത്തെത്തുടര്‍ന്നാണ് ടൂറിസ്റ്റ് ബസുകള്‍ക്ക് വെള്ളനിറം നിര്‍ബന്ധമാക്കിയത്. പ്രതീകാത്മകചിത്രം | നിര്‍മിതബുദ്ധിയുടെ സഹായത്തോടെ സൃഷ്ടിച്ചത്. തിരുവനന്തപുരം: ടൂറിസ്റ്റ് ബസിന് കളർ അടിക്കാൻ ഒരുലക്ഷംരൂപ ഫീസ് ഈടാക്കാൻ ശുപാർശ. കഴിഞ്ഞ ഒൻപതിന് ചേർന്ന സ്റ്റേറ്റ് ട്രാൻസ്‌പോർട്ട് അതോറിറ്റി (എസ്.ടി.എ.) നിറംമാറ്റം പരിഗണിച്ചെങ്കിലും തീരുമാനമെടുക്കാതെ സർക്കാരിന് കൈമാറുകയായിരുന്നു. To advertise here, പെരുമാറ്റച്ചട്ടം പ്രാബല്യത്തിൽ വരുംമുൻപ് ഗതാഗതവകുപ്പാണ് ഫീസ് ഈടാക്കാൻ തീരുമാനിച്ച് ഫയൽ നിയമവകുപ്പിന് കൈമാറിയത്. പെരുമാറ്റച്ചട്ടം നിലവിൽ വന്നതിനാൽ ഇതിൽ തീരുമാനമെടുത്തിട്ടില്ല. 2022 ഒക്ടോബറിൽ ഒൻപത് ജീവനുകൾ നഷ്ടമായ വടക്കഞ്ചേരി ബസ്സപകടത്തെത്തുടർന്നാണ് ടൂറിസ്റ്റ് ബസുകൾക്ക് വെള്ളനിറം നിർബന്ധമാക്കിയത്. ആന്റണി രാജു ഗതാഗതമന്ത്രിയായിരിക്കെ എടുത്ത തീരുമാനം തുടർന്ന് മന്ത്രിയായ കെ.ബി. ഗണേഷ്‌കുമാർ പരസ്യമായി തള്ളിപ്പറഞ്ഞിരുന്നു. ഗണേഷ് കുമാർ മന്ത്രിയായി സ്ഥാനമേറ്റ ശേഷം 2024 ജൂലായിയിൽ നിറംമാറ്റം വീണ്ടും എസ്.ടി.എ.യുടെ പരിഗണനയിൽ എത്തിയെങ്കിലും വിവാദങ്ങളെത്തുടർന്ന് മാറ്റിവെച്ചു. ഇതാണ് രണ്ടാം പിണറായിസർക്കാരിന്റെ അവസാനത്തെ എസ്.ടി.എ. യോഗം പരിഗണിച്ചത്. അംഗങ്ങൾ നിറംമാറ്റത്തിൽ ഏകാഭിപ്രായത്തിൽ എത്താത്തതിനെത്തുടർന്നാണ് സർക്കാരിന് ഫയൽ തിരികെ കൈമാറിയത്. ഇതിനിടെ ഫീസ് ഈടാക്കാമെന്ന നിർദേശവും ഇടംപിടിച്ചു. മറ്റു ഡ്രൈവർമാരുടെ ശ്രദ്ധതിരിക്കുംവിധമുള്ള ചിത്രങ്ങളും വർണങ്ങളും ടൂറിസ്റ്റ് ബസുകളിൽ പതിക്കുന്നതിനെ 2019-ൽ ഹൈക്കോടതി വിലക്കിയിരുന്നു. തുടർന്നാണ് ഏകീകൃത നിറം ഏർപ്പെടുത്തിയത്. ഇതിൽ മാറ്റംവരുന്നത് കോടതി അലക്ഷ്യമാകുമെന്ന ഉപദേശവും ഗതാഗതവകുപ്പിന് ലഭിച്ചിരുന്നു. ഫീസ് ഈടാക്കി നിറംമാറ്റം അനുവദിക്കാനുള്ള നീക്കത്തെ ഒരുവിഭാഗം ബസ്സുടമകളും എതിർക്കുന്നുണ്ട്. Content Highlights: State Transport Authority proposes a 1 lakh fee for bus color customization., Decision pending due to election code of conduct and legal considerations., Uniform white color rule was implemented following the 2022 Vadakkenchery accident., Potential conflict with 2019 High Court rulings regarding vehicle distractions., Debate continues between government policy and bus owner associations. Published: 01 Apr 2026, 07:55 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.