ഡാർക്ക് സർക്കിളുകൾക്ക് കാരണം ഉറക്കക്കുറവ് മാത്രമാകണമെന്നില്ല; വിശദമാക്കി ഡോക്ടർ

ക ണ്ണിന് താഴെയുള്ള കറുപ്പ്(ഡാർക്ക് സർക്കിൾ) ചർമത്തിൽ വരുന്ന സാധാരണ അവസ്ഥയായാണ് പലപ്പോഴും കണക്കാക്കപ്പെടാറുള്ളത്. ഇത് ക്ഷീണത്തിന്റെയും മതിയായ ഉറക്കം ലഭിക്കാത്തതിന്റെയും ലക്ഷണമാണെന്നാണ് നാം പലപ്പോഴും പറഞ്ഞു കേൾക്കാറുള്ളത്. എന്നാൽ ഇക്കാര്യത്തിൽ വിശദീകരണം നൽകിയിരിക്കുകയാണ് ഡോക്ടർ. ഡാർക്ക് സർക്കിളുകൾക്ക് കാരണം ഉറക്കക്കുറവോ ക്ഷീണമോ മാത്രമായിരിക്കില്ലെന്നാണ് ഹൈദരാബാദിലെ ഡെർമറ്റോളജിസ്റ്റ് ഡോ. പ്രണീത ജെയിൻ എക്‌സിൽ പങ്കുവെച്ച പോസ്റ്റിൽ പറയുന്നത്. To advertise here, കണ്ണിന് താഴെ കറുപ്പ് രൂപപ്പെടുന്നതിന് ആറ് പ്രധാന കാരണങ്ങളുണ്ടെന്നും, ഉറക്കക്കുറവ് ഏറ്റവും പ്രധാനപ്പെട്ട ട്രിഗറുകളിൽ ഒന്നാണെന്നും ഡോക്ടർ പറയുന്നു. അവ എങ്ങനെ വേർതിരിച്ചറിയാമെന്നും പരിഗണിക്കേണ്ട ചികിത്സ എന്താണെന്നതിനെക്കുറിച്ചും അവർ വിവരങ്ങൾ പങ്കുവെച്ചു. കണ്ണിന് താഴെയുള്ള കറുപ്പ് എന്തു കാരണംകൊണ്ടാണ് ഉണ്ടാകുന്നതെന്ന് അറിയാതെ അണ്ടർ-ഐ ക്രീമുകൾ ഉപയോഗിക്കുന്നതുകൊണ്ട് യാതൊരു പ്രയോജനവുമില്ലെന്നും പ്രശ്‌നം പിഗ്മെന്റേഷൻ ആണെങ്കിൽ വിറ്റാമിൻ-കെ ക്രീം ഒരിക്കലും സഹായിക്കില്ലെന്നും ഡോ. ജെയിൻ പറയുന്നു. വോളിയം നഷ്ടപ്പെടുന്നതാണ് പ്രശ്‌നമെങ്കിൽ ബ്രൈറ്റനിങ് സെറം സഹായിക്കില്ല, ജനിതക പ്രശ്‌നമാണെങ്കിൽ ഏത് ക്രീം പുരട്ടിയാലും കണ്ണിന് ചുറ്റുമുള്ള കറുപ്പുനിറം മാറ്റാൻ കഴിയില്ലെന്നും അവർ വ്യക്തമാക്കി. കണ്ണിന് താഴെ കറുപ്പ് വ്യത്യസ്ത തരമുണ്ട്. അതിൽ ചിലത് ഡോക്ടർ വിവരിച്ചു. പിഗ്മെന്റേഷൻ അടിസ്ഥാനമാക്കിയുള്ളവ  ബ്രൗൺ അല്ലെങ്കിൽ കടും തവിട്ട് നിറം. സ്ഥിരമായ നിറം. ഇത് ഇന്ത്യക്കാരുടെ ചർമത്തിൽ സാധാരണമാണ്. അധിക മെലാനിൻ കണ്ണിന് താഴെ അടിഞ്ഞുകൂടുന്നു. ഇത് ജനിതകമാകാം, വിട്ടുമാറാത്ത ഉരച്ചിൽ, കണ്ണുകൾ തിരുമ്മാൻ പ്രേരിപ്പിക്കുന്ന അലർജികൾ, സൂര്യരശ്മികൾ, അല്ലെങ്കിൽ ഇൻഫ്‌ളമേഷൻ സംഭവിച്ചതിന് ശേഷമുള്ള മാറ്റങ്ങൾ എന്നിവ കാരണം സംഭവിക്കാം. ഇത് പരിഹരിക്കാനായി ദിവസവും കണ്ണിന് ചുറ്റും സൺസ്‌ക്രീൻ പുരട്ടാം, വിറ്റാമിൻ സി, കോജിക് ആസിഡ്, ആൽഫാ അർബുട്ടിൻ, കണ്ണിന് സുരക്ഷിതമായ ഫോർമുലേഷനുകളിലെ നിയാസിനാമൈഡ്, ക്ലിനിക്കൽ ചികിത്സകളിൽ ക്യു-സ്വിച്ച്ഡ് ലേസർ, പെരിഓർബിറ്റൽ പിഗ്മെന്റേഷനായി പ്രത്യേകം തയ്യാറാക്കിയ കെമിക്കൽ പീൽസ് എന്നിവ ചെയ്യാം. കണ്ണുകൾ തിരുമ്മുന്നതോ ഏതെങ്കിലും തരത്തിലുള്ള ഫ്രിക്ഷനോ എസ്പിഎഫോ ഇത്തരത്തിലുള്ള ഡാർക്ക് സർക്കിളുകളെ വഷളാക്കിയേക്കാം. ഘടനാപരമായവ / വോളിയം സംബന്ധമായ കണ്ണിന് താഴെയുള്ള കറുപ്പ് (ടിയർ ട്രഫ്)  കണ്ണിന് താഴെ ഒരു നിഴലോ പൊള്ളയോ ഉള്ളതായി കാണാം. ചർമ്മം പ്രത്യേകിച്ച് കറുത്തതായിരിക്കില്ല, പക്ഷേ നിഴൽ അതിനെ കറുത്തതായി കാണിക്കുന്നു. പ്രായം കൂടുമ്പോൾ അല്ലെങ്കിൽ ശരീരഭാരം കുറയുമ്പോൾ ഇത് വഷളാകുന്നു. കണ്ണിന് താഴെയുള്ള കൊഴുപ്പ് പാഡുകൾ പ്രായത്തിനനുസരിച്ച് ചുരുങ്ങുകയോ സ്ഥാനം മാറുകയും ചെയ്യുന്നതുവഴി ഇങ്ങനെ വരാം. ഇത് ഒരു പൊള്ള (ടിയർ ട്രഫ്) ഉണ്ടാക്കുന്നു, അത് ഒരു നിഴൽ പോലെയുള്ള ഡാർക്ക് സർക്കിളിന് കാരണമാകുന്നു. വെളിച്ചത്തിൽ കണ്ണിന് താഴെയുള്ള ഭാഗം നോക്കി ഇത് പരിശോധിക്കാം. നിറത്തേക്കാൾ ഒരു നിഴൽ പോലെ തോന്നുന്നുണ്ടെങ്കിൽ, ഇത് ഘടനാപരമായിരിക്കാം. കൂടാതെ, അൽപ്പം മുകളിലേക്ക് നോക്കുമ്പോൾ 'കറുത്ത വൃത്തങ്ങൾ' കുറവായി കാണുന്നുണ്ടെങ്കിൽ, അത് നിഴലാണെന്നും പിഗ്മെന്റേഷൻ അല്ലെന്നും മനസ്സിലാക്കാം. പിഗ്മെന്ററി ഡെമാർക്കേഷൻ ലൈനുകൾ  കണ്ണിന് താഴെയുള്ള ഭാഗത്തിനും കവിൾത്തടത്തിനും ഇടയിൽ വേർതിരിച്ചറിയാൻ കഴിയുന്ന രേഖയാണിത്. ഇന്ത്യക്കാരുടെ ചർമത്തിൽ ഇത് സാധാരണ കാണപ്പെടാറുണ്ട്. പലപ്പോഴും കണ്ണിന് താഴെയുള്ള കറുപ്പായി തെറ്റിദ്ധരിക്കപ്പെടുന്നു. സൂര്യരശ്മികൾ, ഹോർമോൺ മാറ്റങ്ങൾ, അല്ലെങ്കിൽ ചില ചർമ്മ സംരക്ഷണം എന്നിവയാൽ ഇത് വഷളാകാം. സ്ഥിരമായ SPF, മൃദലമായ ബ്രൈറ്റനിങ് ആക്ടീവുകൾ, ലേസർ ടോണിങ്, കെമിക്കൽ പീൽസ് എന്നിവ ഇത് കുറയ്ക്കാൻ സഹായിച്ചേക്കാം. ചർമം അയഞ്ഞ് നേർത്ത വരകളും നിഴലും   കണ്ണിന് താഴെ ചുളിവുകളോ അയഞ്ഞതോ ആയ ചർമ്മം, ഇത് മടക്കുകളും നിഴലും ഉണ്ടാക്കുന്നു. പ്രായവുമായി ബന്ധപ്പെട്ട ഒരു പ്രശ്‌നമാണിത്. ഇന്ത്യക്കാരുടെ ചർമത്തിൽ, കണ്ണിന് താഴെയുള്ള പല കറുപ്പും പല കാരണങ്ങളും കൂടിച്ചേർന്നതുകൊണ്ടാണ് കാണപ്പെടാറുള്ളത്. പിഗ്മെന്റേഷൻ, രക്തക്കുഴലുകൾ, ഘടനാപരമായ ഘടകങ്ങൾ, അങ്ങനെയങ്ങനെ. ഒരു ഡെർമറ്റോളജിസ്റ്റ് ക്ലിനിക്കിൽ കണ്ണിന് താഴെയുള്ള കൃത്യമായ പരിശോധനയിലൂടെ ഏത് ഘടകമാണ് കൂടുതലെന്നും എന്താണ് പ്രയോജനകരമെന്നും തിരിച്ചറിയാൻ സഹായിക്കും. വാസ്‌കുലാർ ഡാർക്ക് സർക്കിൾ നീല, പർപ്പിൾ, അല്ലെങ്കിൽ പിങ്ക് നിറം എന്നിങ്ങനെ രാവിലെയും ക്ഷീണിതരായിരിക്കുമ്പോഴും കൂടുതൽ വ്യക്തമായി കാണാം. കണ്ണുകൾക്ക് താഴെയുള്ള ചർമം മുഖത്തെ ഏറ്റവും നേർത്ത ചർമമാണ്. രക്തചംക്രമണം മന്ദഗതിയിലാകുമ്പോൾ, അവിടെയുള്ള രക്തക്കുഴലുകൾ കാണാൻ കഴിഞ്ഞേക്കാം. ഉറക്കക്കുറവ്, നിർജ്ജലീകരണം, മദ്യം അല്ലെങ്കിൽ ജനിതക കാരണങ്ങൾ കൊണ്ടാകാം ഇത് സംഭവിക്കുന്നത്. മെച്ചപ്പെട്ട ഉറക്കവും വെള്ളം നന്നായി കുടിക്കുന്നതും ഇത് താത്ക്കാലികമായി കുറയ്ക്കുന്നു. കഫീൻ അടങ്ങിയ ഐ- ക്രീമുകൾ രക്തക്കുഴലുകളെ ചുരുക്കുന്നതിലൂടെ ഹ്രസ്വകാലത്തേക്ക് സഹായിക്കുന്നു. മുകളിൽ പറഞ്ഞിട്ടുള്ള ഡാർക്ക് സർക്കിളുകൾക്കും ചില പൊതുവായ ട്രിഗറുകളുണ്ട്. അവ താഴെ പറയുന്നവയാണ്. ഇരുമ്പ് കുറവ് അതായത് അനീമിയ വിട്ടുമാറാത്ത അലർജികളും മൂക്കടപ്പും തൈറോയ്ഡ് പ്രശ്‌നങ്ങൾ നിർജ്ജലീകരണം ഉറക്കക്കുറവ് ഇക്കാരണങ്ങൾകൊണ്ടുതന്നെ കണ്ണിന് താഴെയുള്ള കറുപ്പിന് ചികിത്സ ആരംഭിക്കുന്നതിന് മുമ്പ്, ഹീമോഗ്ലോബിൻ, ഫെറിറ്റിൻ, തൈറോയ്ഡ് എന്നിവ പരിശോധിക്കാൻ ഡോ. ജെയിൻ നിർദേശിക്കുന്നു. (ഈ ലേഖനം വിവര ആവശ്യങ്ങൾക്ക് മാത്രമുള്ളതാണ്, പ്രൊഫഷണൽ മെഡിക്കൽ ഉപദേശത്തിന് പകരമുള്ളതല്ല. ആരോഗ്യപ്രശ്‌നങ്ങളെക്കുറിച്ച് എന്തെങ്കിലും സംശയങ്ങൾ ഉണ്ടെങ്കിൽ ഡോക്ടറുടെ ഉപദേശം തേടുക.)