നെതന്യാഹു എവിടെ? സൗഖ്യമായിരിക്കുന്നുവെന്ന് ഓഫീസ്; കൊല്ലപ്പെട്ടെന്ന പ്രചരണം തള്ളി ഇസ്രയേൽ

ടെൽഅവീവ്: സാമൂഹിക മാധ്യമങ്ങളിൽ ബെഞ്ചമിൻ നെതന്യാഹു കൊല്ലപ്പെട്ടു എന്നതരത്തിൽ വാർത്തകളും റിപ്പോർട്ടുകളും പ്രചരിക്കുന്നതിനിടെ പ്രധാനമന്ത്രി സുഖമായിരിക്കുന്നു എന്നറിയിച്ച് ഇസ്രയേൽ പ്രധാനമന്ത്രിയുടെ ഓഫീസ്. നെതന്യാഹുവിന്റെ മരണം സംബന്ധിച്ച ഊഹാപോഹങ്ങൾ നിരവധി വീഡിയോകളിലും പോസ്റ്റുകളിലുമായി സാമൂഹികമാധ്യമങ്ങളിൽ ചർച്ച ചെയ്യപ്പെട്ടിരുന്നു. നെതന്യാഹു കൊല്ലപ്പെട്ടു എന്ന പ്രചാരണങ്ങൾ വ്യാജവാർത്തയാണെന്നാണെന്നും പ്രധാനമന്ത്രി സുഖമായിരിക്കുന്നുവെന്നും പ്രധാനമന്ത്രിയുടെ ഓഫീസ് പ്രസ്താവനയിൽ അറിയിച്ചു. To advertise here, നെതന്യാഹുവിന്റെ എക്സ് ഹാൻഡിലിൽ പ്രത്യക്ഷപ്പെട്ട ഒരു വീഡിയോ യ്ക്ക് ശേഷമാണ് നിരവധി സാമൂഹികമാധ്യമ ഉപയോക്താക്കൾ ഒട്ടേറെ ഊഹാപോഹങ്ങളുമായി രംഗത്തെത്തിയത്. ഇസ്രയേലി പ്രധാനമന്ത്രിക്ക് ഒരു കൈയിൽ ആറ് വിരലുകൾ ഉണ്ടെന്ന് ചിലർ അവകാശപ്പെട്ടു, ഈ വീഡിയോ എഐ നിർമ്മിതമോ മാറ്റം വരുത്തിയതോ ആണെന്നുവരെ വ്യാഖ്യാനമുണ്ടായി. എക്സിലെ എഐ ചാറ്റ്ബോട്ടായ ഗ്രോക്ക് ഈ കിംവദന്തികളെക്കുറിച്ച് വളരെ പെട്ടെന്ന് തന്നെ പ്രതികരിച്ചു, അധികമായി കാണുന്ന വിരൽ യഥാർഥത്തിൽ ഒരു ദൃശ്യഭ്രമമാണെന്നും വീഡിയോയിൽ മാറ്റം വരുത്തിയതിൻ്റെ സൂചനയല്ലെന്നും പറഞ്ഞു ഗ്രോക്ക് വിശദീകരിക്കുന്നുണ്ട്.  നെതന്യാഹുവിൻ്റെ മരണത്തെക്കുറിച്ചുള്ള കിംവദന്തികളും ഗ്രോക്ക് തള്ളിക്കളഞ്ഞു, "നെതന്യാഹു ജീവനോടെയുണ്ട്; ഇറാൻ മാധ്യമങ്ങളിൽനിന്നും സാമൂഹികമാധ്യമ പോസ്റ്റുകളിൽ നിന്നുമുള്ള മരണ കിംവദന്തികൾ സ്നോപ്സ്, ടൈംസ് ഓഫ് ഇസ്രയേൽ, മറ്റ് ഉറവിടങ്ങൾ എന്നിവ വ്യാജമാണെന്ന് തെളിയിച്ചിട്ടുണ്ട്. ഔദ്യോഗികമായി സ്ഥിരീകരിച്ച ഉറവിടങ്ങളെ ആശ്രയിക്കുക", ഗ്രോക്ക് പറഞ്ഞു.  ഇസ്രയേൽ പ്രധാനമന്ത്രിയുടെ ഓഫീസ് കിംവദന്തികളെക്കുറിച്ച് ഒരു പോസ്റ്റ്  ഇട്ടതിന് ശേഷം അത് നീക്കം ചെയ്തതായും അവകാശവാദങ്ങളുണ്ടായിരുന്നു. ഗ്രോക്ക് ഈ അവകാശവാദങ്ങളും വസ്തുതാപരമായി പരിശോധിച്ചു. ഇസ്രയേൽ പ്രധാനമന്ത്രി ഒരു ട്വീറ്റും നീക്കം ചെയ്തിട്ടില്ലെന്നും പ്രചരിക്കുന്ന സ്ക്രീൻഷോട്ട് 'വ്യാജമാണെന്നും' ഗ്രോക്ക് സ്ഥിരീകരിച്ചു. എക്സ് അക്കൗണ്ടിൽ അത്തരം ഒരു പ്രസ്താവനയും ഇസ്രയേൽ പ്രധാനമന്ത്രിയുടെ ഓഫീസ് പുറത്തിറക്കിയിട്ടില്ലെന്നും ആ പ്രൊഫൈലിലെ ഏറ്റവും പുതിയ പോസ്റ്റ് നാഷണൽ സെക്യൂരിറ്റി കൗൺസിലിൻ്റെ ഒരു അറിയിപ്പാണെന്നും എഐ ചാറ്റ്ബോട്ട് കൂട്ടിച്ചേർത്തു. Content Highlights: Official confirmation that Benjamin Netanyahu is alive and well., Debunking viral social media claims regarding his health and death., Fact-checking AI-generated rumors about his hand and video authenticity., Clarification on fake screenshots involving the Israeli PM's office. Published: 15 Mar 2026, 12:15 pm IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.