പയ്യന്നൂരിൽ വീടിനുനേരേ സ്ഫോടകവസ്തു എറിഞ്ഞു; ലക്ഷ്യംതെറ്റി പരസ്യബോർഡിൽ തട്ടി പൊട്ടിത്തെറിച്ചു

പയ്യന്നൂർ: വെള്ളൂരിൽ മഹിളാ കോൺഗ്രസ് പ്രവർത്തകയുടെ വീടിനുനേരെ സ്ഫോടകവസ്തു എറിഞ്ഞു. തിങ്കളാഴ്ച രാത്രി 10.45-ഓടെയായിരുന്നു സംഭവം. വെള്ളൂർ രാമൻകുളത്തിനടുത്ത് താമസിക്കുന്ന വി.വി.കമലാക്ഷിയുടെ വീടിനുനേരെയാണ് ആക്രമണം നടന്നത്. കമലാക്ഷിയുടെ മകൻ രതീഷിന്റെ ഭാര്യ ഇ.നിത്യ പ്രദേശത്തെ ബൂത്ത് കോൺഗ്രസ് കമ്മിറ്റി പ്രസിഡന്റാണ്. റോഡിൽനിന്ന് വീടിനുനേരെ ഗുണ്ട് പടക്കം എറിയുകയായിരുന്നു. To advertise here, ഏറ് ലക്ഷ്യംതെറ്റി വീട്ടുപറമ്പിൽ സ്ഥാപിച്ചിരുന്ന സ്വകാര്യ കമ്പനിയുടെ പരസ്യബോർഡിൽ തട്ടി പൊട്ടിത്തെറിച്ചു. സ്ഫോടന ശബ്ദം കേട്ട് വീട്ടുകാർ പുറത്തിറങ്ങിയിരുന്നു. പയ്യന്നൂർ പോലീസ് കേസെടുത്തു. ഡോഗ് സ്ക്വാഡ് ഉൾപ്പെടെ പരിശോധിച്ചു. അക്രമികളെ തിരിച്ചറിഞ്ഞിട്ടില്ല. കമലാക്ഷിയുടെ മകന്റെ ഭാര്യ ഇ.നിത്യയുടെ ഇരുചക്രവാഹനം കഴിഞ്ഞ തദ്ദേശതിരഞ്ഞെടുപ്പ് സമയത്ത് സി.പി.എം. പ്രവർത്തകർ നശിപ്പിക്കുകയും വീടിനുമുന്നിൽ പടക്കമെറിയുകയും ചെയ്തിരുന്നതായി യു.ഡി.എഫ്. ആരോപിച്ചു. സ്ഥാനാർഥി വി.കുഞ്ഞികൃഷ്ണൻ, ബ്ലോക്ക് കോൺഗ്രസ് പ്രസിഡന്റ് കെ.ജയരാജ്, മണ്ഡലം പ്രസിഡന്റ് കെ.ടി.ഹരീഷ്, ഐ.എൻ.ടി.യു.സി. നേതാവ് എൻ.ഗംഗാധരൻ എന്നിവർ വീട് സന്ദർശിച്ചു. Content Highlights: Crude bomb attack targeting a Congress worker's residence in Vellur, Payyannur., The explosive missed the house and struck a private advertisement board., Police have initiated a forensic investigation with a dog squad., UDF leaders allege political motivation citing past election-related violence., No casualties reported; investigation is currently ongoing in 2026. Published: 22 Apr 2026, 08:18 am IST Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.